الموضوع: وانت داخل على لجنة مرور بالعربية هل بتمسك سيجارة ولا تخفى القران والسبحة ولا مش همك

أنا بحييك علي الموضوع الهادف ده وبطلب من الاداره التثبيت بعد نقله لقسم احوال الشارع الاسرائيلي او قسم القدس المحتله ... اما بخصوص السيجاره فحضرتك نسيت توضح هي سيجاره محشيه ولا كوكو الضعيف علشان الاجابه هتختلف...

اما بقي الناس اللي بتتباهي انها بتبلطج علي اللي في الكمين فهم دول الرجاله اللي بجد اللي قلبها ميت .. دول واللي ذيهم املنا فيهم كبير انهم يروحوا بجرئتهم ده يحرروا القدس من قوات الاحتلال ويبلطجوا علي الظباط الاسرائيليين في الاكمنه ويطلعوا امريكاني من الكمين ويعفروا علي دقون اليهود وحتي اللي مش هيقدر يروح منهم القدس علي الاقل هيقدر بجرئته يوقف البلطجيه اللي بتثبت العربيات وتسرقها وهيوقفوهم عند حدهم لو طلعوا عليهم بكمين (تثبيت) وحاولوا ياخدوا منهم عربياتهم باللي فيها مش هيدوهم المفاتيح وفوقيها بوسه زي الناس الخوافه اللي قلبها ضعيف وحتي لو البلطجي طلب منه يشيل المصحف ويطفي القرءان علشان يسيبه يعدي برده هيرفض

طبعاً بدخل عادي على لجنة المرور
يعنى لو مشغلة قرآن بسيبه
ولو مشغلة أغاني بسبها عادي
مش علشان أنا مش قلقانه منهم - أبسلوتلي
علشان دي مش لجنة مرور ولا حاجة
دا شووو بس إن الأمن مستاتب
وهو لا مستاتب ولا حاجة
لأن لو فيه أمن أصلاً نسبة التثبيت هتقل
ونسبة سرقة السيارات هتقل
أو حتى ترتفع نسبة عودة السيارات المسروقة اللي بترجع لصحابها
ربنا يهدينا ويهديهم علينا