اولا مبروك مقدما ياباشا وربنا يديلك خيرها ويكفيك شرها
انا هديلك المفيد من تجارب ولف على المعارض ولانى هقسط بردو
اولا الفئة اللى حضرتك بتتكلم عليها دى اكيد خليجى مش وكيل
لان اللى اعرفه ان اول فئة وكيل فيها فتحة سقف سعرها 168 اعتقد
الخليجى << يعنى من غير ضمان
بالنسبة انك لو هتشترى وكيل فمش هتفرق سعر التوكيل عن المعارض كله سعر موحد
لو ناوى تجيب خليجى يبقى معارض فقط .. ومش كل المعارض شغاله فى الخليجى
بالنسبة للتقسيط .. لو حضرتك هتدفع نص المبلغ
يبقى التقسيط هيكون بصورة البطاقة فقط . بنسبة تقريبا 11 : 12 % على السنه الواحدة
على حسب البنك وكدة ..
طبعا لو شغال فى شركة او معاك سجل تجارى وبطاقة ضريبية النسبة بتقل
وبالنسبة للى يثبت انك دفعت
حضرتك مش بتدفع غير 1000 جنيه الاول فى المعرض كـ جدية تعاقد
بعدها هما بياخدو صورة البطاقة على اكتر من بنك ويشوفو العروض اللى جيالهم ويعرضوها عليك
وانت تختار البنك اللى يعجبك
واول ماتختار البنك وكله تمام هيقولولك استلام العربية يوم كذا ..
اليوم اللى هتروح تستلم فيه العربية هتروح قبلها البنك تدفع الفلوس وتمضى
وتستلم العربية ويبعتو معاك مندوب لحد المرور علشان يخلصلك ورق العربية والرخصه :)
معلش طولت عليك .. بس بالتفصيل الممل :d
المفضلات