الموضوع: فيلم حلاوه روح ... تجاوز لكل الحدود و المقاييس

المشاركة الأصلية كتبت بواسطة تامر.محمد

مين قال اصلا ان نفس اللي شتموا فيلم نوح هما اللي راحوا يشوفوا فيلم هيفاء وهبي ؟

حد ينده علي الحجار

Sent from my GT-N7000 using Forum Runner

انا قابلت ناس كتير علي تلك الشاكله

عمالين يشتموا في فيلم noah و تلاقيهم داخلين حلاوه روح

المشاركة الأصلية كتبت بواسطة الجنرال

ان شاء الله .. بسقوط الانقلاب .. حاجات كتيرة هتقع معاه .. ومنها القيم الفاسدة اللى بتتزرع فى المجتمع من ستين سنة

واولها ان شاء الله التدين المغشوش اللى ولا ليه اي لازمة

ادخل انت صلي الجمعة واطلع بعدها وسب الدين براحتك .. والدين ده فى الجامع بس لكن في حياتك اعمل اللى انت عايزه

الله المستعان

علي اساس ان ايام الرئيس الاسلامي محمد مرسي
تراخيص الكباريهات لم تمتد الي 3 سنوات
لم يتم انتاج افلام علي شاكله عبده موته و قلب الاسد
لم نسمع الفاظ خارجه علي قنوات دينيه

لا اؤيد ما يحدث في تلك الايام و لكن بعض الانصاف لا يضر

المشاركة الأصلية كتبت بواسطة samir elshahawy

سيدي الجنرال ..

الانقلاب لن يسقط من تلقاء نفسه , فالانقلاب نفسه لعنة أرسلها الله علي شعب أدعي أنه متدين بطبعه بينما هم قوم فاسقون كما وصفهم الله في كتابه الكريم

و بالتالي لن تسقط القيم و العادات الفاسدة من تلقاء نفسها ألا أذا أسقطناها نحن و أقمنا مكارم الاخلاق و طبقنا ما نسمعه في الجامع خارجه و عندما نكف عن الادعاء بأن المساجد للصلاة و الدين فقط و أنه لاسياسة و لا أقتصاد و تربية في المساجد

و لن يصلح الله مابقوم حتي يصلحوا ما بانفسهم
و أيما تكونوا يولي عليكم (بضم اليااء و فتح اللام)

كلامك سليم واتفق معاك تماما

لكن كلامك ممكن نبصله من الزاوية الشخصية .. بمعنى ان كل واحد عليه دور انه يصلح نفسه علشان نقدر نسقط الانقلاب ونبنى مكانه حاجة تانية

لكن انا كلامي من الناحية المجتمعية والاجتماعية ككل ..

الحديث: الناس على دين ملوكهم
والاثر عن سيدنا عمر قوله: ان الله ليزع بالسلطان .. ما لا يزع بالقرآن

فده بيدي دلالة ان الملك ان فسد .. فسد الناس .. وان صلح صلح الناس

ولذلك فان سقوط الانقلاب هيؤدي ان شاء الله الى سقوط كثير من اللى كانوا بيتحاموا فيه وبيعملوا اللى هما عايزينه من غير رادع اخلاقي .. لان الاثنين مصالحهم اشتركت

وافضل مثال على كده .. اهتمام الناس بالكورة .. قبل الثورة كان عبارة عن حالة عامة بين كل الناس .. بعد الثورة الناس اهتماماتها اختلفت .. لان اللى كان بيلهيهم بيها سقط

نفس الكلام على الانقلاب ان شاء الله

المشاركة الأصلية كتبت بواسطة باسم يوسف

علي اساس ان ايام الرئيس الاسلامي محمد مرسي
تراخيص الكباريهات لم تمتد الي 3 سنوات
لم يتم انتاج افلام علي شاكله عبده موته و قلب الاسد
لم نسمع الفاظ خارجه علي قنوات دينيه

لا اؤيد ما يحدث في تلك الايام و لكن بعض الانصاف لا يضر

طالما بنقول بعض الانصاف، فاكيد مش هتستنى من مرسي انه يصلح بلاوي ستين سنة من الفساد والانحلال والضياع .. وتحاسبه هو ليه مغيرهوش فى سنة واحدة !!

يا اخي اذا كان ربنا حرم الخمرة ايام الرسول على اربع مراحل، وكل مرحلة ايه مختلفة !!

ده بغض النظر عن ان كل الناس كانت ضده ومكانش عارف يعمل ايه ولا ايه ... اضافة الى الاخطاء اللى وقع فيها ، اضافة الى ان القنوات الدينية دي اصلا واقفة ضده (حزب النور من اول ما طلع وهو هدفه ضرب الاخوان فى الشارع - شوف موقف حزب النور وبرهامي بتاعهم)

لو انت متخيل انه هيغير كل حاجة فى سنة واحدة فللاسف ده مش هيحصل في الدنيا كلها .. دي سنة من السنن الكونية اللى ربنا اوجدها فى الكون

المشاركة الأصلية كتبت بواسطة nadernabil

اعتقد السبكي و أمثاله محتاجين ثورة و إنقلاب في نفس ذات الوقت علشان يتقضي عليهم
المشكلة ان الشعب مبسوط كده... عرض الفيلم ده كان ممكن يتمنع بسهولة لو كام مظاهرة من اللي بنشوفهم كل يوم نزلت تطالب بمنع عرض الفيلم... بس هانقول ايه بقى..

ده على اعتبار اللى بينزلو المظاهرات دول بينزلو يغيرو جو و مش معرضين للقتل فى اى لحظه من هجوم الداخليه عليهم ؟؟
المظاهرات مابقتشى زى زمان و مافيش حد بيحدف ميه و عصير دلوقتى