-
مساعدة بخصوص تشطيب شقة
السلام عليكم
عندي شقة فى العبور .. وعايز أشطبها و مش عندي أى فكرة ... أو أي نمرة تليفون صنايعي ... وكمان عايز أشطبها بسرعة فى غضون شهر أو شهر ونص
حد يعرف مهندس أو مقاول تشطيب (إبن حلال) ... يكسب ومايحفش!!!؟ ويتعامل بما يرضى الله
أو نمر تليفونات صناعية خبرة وبتوع شغل حتى لو غالين شوية .. (كهربائي - سباك - سيراميك - نقاش - نجار - ألموينتال) ... وطبعا يكونوا فى نطاق العبور و ما حولها ...........
شاكر جدا لتعونكم ... دعواتكم
-
لو مش عايز تغرم كتير شطبانت بنفسك وهات الصنايغية واتعلم تستلم من كل واحد بدل ما تلاقى فاتورة كبيرة عليك الموضوع سهل بس محتاج شوية مشاوير ووقت
-
قصة شهر وشهر ونص مش هتنفع حتى لو رحت لمهندس او مقاول واعمل حسابك ان مكسب المقاول او المهندس من 12 الى 15 % على الاقل لو مش سفاح وهيطلع ل 20%
انت لازم تعمل حسابك ان التشطيب هيبقى من 700 جنيه لالف جتيه للملر المربع مصنعيات وخامات مع بعض يعنى تشطيب شقى 100 مار يعمب 75 الف تقريبا لو تشطيب لوكس لكن لو مستوى عالى قوى يبقى 100 الف
طبعا محتاج انك تبدأ بالسباكة والكهربا
وكل ما كان الصنايعى قريب كل ما كان افضل والخامات من السلاب افضل علشان هتبدل وهترجع براحتك وخامات الكهربا من العتبه خلف المطافى بتنزل نزلىة واحده تجيب فيها كل حاجه وفى محلات امينة زى المتحده والحاج ابراهيم والوطنية
المشكلة دايما فى صنايعى السيراميك والنقاش
انا عندى نقاش بس مش عارف يرضى يروح العبور ولا لأ لانه من فايده كامل
اهم حاجه السباكه ومنها العزل وتجربة ضغط وتسريب فى شبكة المياه وصرف البانيو والبيبه لان دول بيبهدلوك ويبهدلو الجيران
اهم حاجه انك تطمن ان جارك مهندوش تسريب قبل ما تبدا نقاشة فى الاسقف او حتى قبل المصيص
بالنسبة للمصنعيات
المشهور دلوقتى كهربة الشقة دق وشد خراطيم وتركيب علب وشد سلك من الف ونص لالفين والتشطيب من 500 الى 750
والسباكة لحمام كبير ومطبخ وحمام صغير حوالى 2500 بالتشطيب والعزل
والنقاشة لو من اول المحارة بيبقلا من 15 الى 20 المتر حسب نظاقة المحارة والاسقف وبخلاف الماتش والدق وشغل الماستيك فى الاعمدة والكمر والبانوهات لبيقى حسب الاتفاق يعنى مثلا دق الجانب الواحد يعمل 50 جنيه والحائط الماتش 50 جنيه للحائط زياده عن دهان المتر ومثلا العمود الماستيك برضه 50 او 75
الاخشاب بيختلف دهانها حسب لاكيه عادى ولا مغسول ولا مط ولا استر
يعنى الحتى بتعمل عادى م 150 والمغسول ممكن 350 والاستر تقريبا 350 بالخامات او 400 وباب الشقة بيعمل قطعتين والشباك شيش وزجاج قطعة لكن البلكونة قطعتين
تركيب البرور والزوى والكرانيش فى المطبخ والحمام بيمشى يوميات للنجار يعنى تقريبا لو الشقة مش كبيرة يعمل 3 او 4 يوميات يعنى من 400 الى 500 جنيه والكوالين والسابليونات يوميتين او تلاته يعنى برضة من 300 الى 450
محتاج ورشة محترمة علشان يبقى الحشب نضيف والتفريز كويس علشان التقفيل يبثى كويس مع الهوا والتراب
انا مش عارف اسعاراالدنيا ايه
بس ممكن المهندس ده يظبطك فى الاخشاب لان اخوه مهندس برضه عنده ورشة كبيره بس مبحبش اتعامل مع الاخ علشان مواعيده وحشه رغم انى عامل شغلى عنده فلو حد غيرى بحب انه يتعامل مع صاحبى علشان كلمته سيف وهوا بيعرف يخلص مع اخوه
وبرضه هوا ممكن يظبطلك دولاب صنايعية
هوا بيمسك شغل مبانى من اولها بس لو كلمته انك من طرفى ممكن يجيبلك دولاب او يمسكلك الشغلانه كلها
اسمه المهندس محمد عبد العزيز وتليفونه 01001088820
لو قالك انه مش فاضى الايام دى وانت مستعجل خليه يضبطلك الخشب على الاقل ويديلك نمر صنايعيه من طرفه
اتمنى اكون افدتك
-
انا مهندس معماري وعندي مكتب تشطيبات وديكورات ومقاولات
ودا رقمي 01281461075
لو محتاج اي افكار او اي حاجه انا في الخدمه
-
شهر دي استحالة
انت اول خطوة عايز سباك وكهربائي يمدوا مواسير السبكاة وخراطيم وسلوك الكهربا
وعايز نجار ببتدي في الحلوق عشان تمحر بعد ال3 حاجات دي
يعني لو ربنا وفقك ولقيت ال صنايعية دول على طو لوكانوا ملتزمين في المواعيد عايزلك شهر
وبعدين مرحلة النقاشة والسيراميك كل واحدة منهم اسبوعين على الاقل
وبعدين تركيب اطقم الحمامات وباقي الكهربا اسبوع
ده كله بفرق انهم ملتزمين بالمواعيد
-
انا تعاملت مع مهندس ديكور والله يخاف الله جدا وشغلة نضيف جدا
بعد مشوفت كتير من المقاولين والصنايعية اللي ما بيخافوا ربنا وعايزين فلوس فقط
اسمة مهندس ابي
هذا موقعة بالفيس بوك تقدر تاخد ترسلة رساله وهتشوف شغلة
https://www.facebook.com/obay.arts?ref=hl
بس نصيحة ليك
انت لما تكلمة قولة انت عايز تشطب اية يعني مثلا تشطيب عادي ولا لوكس ولا هاي لوكس علشان يحدد سعر ليك
لانة بيشتغل بااعلي الخامات وبيخلي اي شقة هاي لوكس دائما
-
ألف شكر ليكم كلكم ... وجزاكم الله خيرا
Content Relevant URLs by
vBSEO 3.6.0 PL2