مشكلة في فتيس الفليشيا ساعدوني رجاءا

**محمد حسن82** · 11-04-2014 02:07 PM

لسلام عليكم جميعا عندي مشكلة يا جماعة في الفتيس ساعدوني الله يباركلكم العربية فليشيا 97 ، الفتيس سايب اوي وبيروح يمين وشمال وبيحجر ويعض في الغيار الاول وكمان بيلغبط في المارشدير شوفت مشاركة هنا في الموقع بيحكي نفس المشكلة وكان حلها انه مسمار اللي ماسك جلبة الفتيس سايب وبيتربط عليه ويبقي تمام ، روحت للميكانيكي رفع العربية ونام تحتها شويه طلع قالي المشكلة عندك ان الماسورة علي برشام مش مسمار وصامولة نقدر نحل ونربط وحلها بدل ما نحل الفتيس خالص وده معناه اننا نحل الموتور هنعمل حاجة نختصر بيها المشكلة دي جنبه واحد بتاع لحام كهرباء وعنده بير ، قالي هندخلها علي البير عنده ونفك المسورة دي بشنيور وبعدين نربطها بمسمار ، بصراحة مش مستريح للحل ده ، ياريت ياجماعة اللي عنده سابق خبرة بالموضع ده وعنده حل للمشكلة دي يفيدني الله يخليكم

**adhmmaamon** · 11-04-2014 02:47 PM

المشاركة الأصلية كتبت بواسطة محمد حسن82

لسلام عليكم جميعا عندي مشكلة يا جماعة في الفتيس ساعدوني الله يباركلكم العربية فليشيا 97 ، الفتيس سايب اوي وبيروح يمين وشمال وبيحجر ويعض في الغيار الاول وكمان بيلغبط في المارشدير شوفت مشاركة هنا في الموقع بيحكي نفس المشكلة وكان حلها انه مسمار اللي ماسك جلبة الفتيس سايب وبيتربط عليه ويبقي تمام ، روحت للميكانيكي رفع العربية ونام تحتها شويه طلع قالي المشكلة عندك ان الماسورة علي برشام مش مسمار وصامولة نقدر نحل ونربط وحلها بدل ما نحل الفتيس خالص وده معناه اننا نحل الموتور هنعمل حاجة نختصر بيها المشكلة دي جنبه واحد بتاع لحام كهرباء وعنده بير ، قالي هندخلها علي البير عنده ونفك المسورة دي بشنيور وبعدين نربطها بمسمار ، بصراحة مش مستريح للحل ده ، ياريت ياجماعة اللي عنده سابق خبرة بالموضع ده وعنده حل للمشكلة دي يفيدني الله يخليكم

انت قصدك عصايه الفتيس .. مش كده ؟؟؟
بتبقى سايبه ومش بتدى الغيارات مظبوط ..صح ؟؟؟؟
ابعد عن الميكانيكى الحمار ده .. الموضوع لو خرج عن الصاموله ال13 اللى بتتربط فى جسم الفتيس علشان تظبط مسار الغيارات .. هايبقى حاجه اسمها (عقربه فتيس) ودى تمنها من 50 الى 60 جنيه .. بتتغير وبترجع الغيارات زى الحلاوه فى السكين ..
مره تانيه ابعد عن الميكانيكى ده .. شاكله جزار وعامل فيها حلاق .

**محمد حسن82** · 11-04-2014 03:30 PM

فعلا هيه عصاية الفتيس ، وشكرا جزيلا علي النصيحة اخي احمد فعلا انا هابعد عن الميكانيكي ده شكلة حمار كبير

**sakr_skoda** · 11-04-2014 03:53 PM

المشاركة الأصلية كتبت بواسطة محمد حسن82

فعلا هيه عصاية الفتيس ، وشكرا جزيلا علي النصيحة اخي احمد فعلا انا هابعد عن الميكانيكي ده شكلة حمار كبير

عادى فيه ناس بتشيل المسمار ال13 وبتلحم مكانة علشان كل شوية بيهوى فعادى لابد من تفير المعلقة من الفتيس بواسطة شنيور واعادة التمشيط وتركيب مسمار كونتر 13 وهو المسؤل عن تثبيت العصاية وتظبيط الغيارات**

**giedo** · 11-04-2014 05:08 PM

المشاركة الأصلية كتبت بواسطة adhmmaamon

انت قصدك عصايه الفتيس .. مش كده ؟؟؟
بتبقى سايبه ومش بتدى الغيارات مظبوط ..صح ؟؟؟؟
ابعد عن الميكانيكى الحمار ده .. الموضوع لو خرج عن الصاموله ال13 اللى بتتربط فى جسم الفتيس علشان تظبط مسار الغيارات .. هايبقى حاجه اسمها (عقربه فتيس) ودى تمنها من 50 الى 60 جنيه .. بتتغير وبترجع الغيارات زى الحلاوه فى السكين ..
مره تانيه ابعد عن الميكانيكى ده .. شاكله جزار وعامل فيها حلاق .

موديلات 97 ماليهاش عقربه فتيس ... لكن ممكن لحام فعلا"