عرض للطباعة
السلام عليكم ورحمة الله وبركاته
انا عضو جديد في المنتدي المحترم ومعروض عليا فابيا 2001 موتور 1400 .
انا محتاج النصيحة منكم عشان دي اول عربية هجيبها ويا ريت لو حد ممكن ينزل معايا وانا بشتريها او حتي يديني رقمه ويقوللي اعمل ايه بالضبط مع العلم اني لسة جديد في السواقة وخبرتي في العربيات ضعيفة؟ وسعرها المفروض ما يزيدش عن كام ؟
برجاء الرد والافادة وشكرا مقدما علي ذوق اي حد هيرد
ايه يا جدعان داخلين علي نص ساعة ومحدش رد ههههههه:worried:
حالة العربية اية
علشان نقدر نقيمها صح
هل محتاجة شغل فى الموتور
هل محتاجة شغل فى العفشة
هل شكلها العام كويسة و له مبهدلة
كل دى استفسارات لابد الاجابة عنها
ربك المستعان
شكرا علي ذوقك وردك السريع!!
العربية حالتها معقولة بس مش رقم واحد ممكن تحتاج وش نظافة والكوتش بتاعها حالته مش حلوة، هي ماشية 120000 اما من ناحية هي محتاجة شغل من جوة ولا لأ فأنا لسة مرفعتش العربية ف حتة ومكشفتش ع الكمبيوتر عشان اعرف.
يارب حد يرد :_Alshmokh22[1]:
حدد المنطقة عشان ممكن اي جنبك ينزل معاك
بالنسبة للكشف في بنزينة شل في مدينة نصر جنب نادي السكة دي اكشف فيها هيقلبلك العربية وهيرفعها وفليهالك
ده طبعا بعد اما انت تركب الاول وتجرب ولما تلاقيها عاجباك ومش لاقي فيها عيوب
لان الصنايعي هيطلع عيوب انت مش شايفها
بالنسبة للسعر مناسب ام لا ده بيتحدد بعد حالة العربية
بالنسبة للدهان دي اخر حاجة تفكر فيها هي والكاوتش
المهم الموتورثم الموتور ثم الموتور
ثم العفشةثم الكهرباءثم الصاج
و اي استفسار لو اعرف مش هتاخر عنك
الف شكر علي ردك يا كبير انا ساكن ف اكتوبر بس مكان المعاينة ممكن ييقي الدقي او م نصر مش فارقة عشان العربية مكانها قريب من م نصر والراجل عايز يبيع ومعندوش مانع ان احنا نكشف ف اي حتة.
بس يعني الموديل دا في رنج كام هو عايز 41 مع العام اني معروض عليا بروتون ويرا سيدان 2004 بنفس السعر بس انا حاسس ان صاحب الفابيا ممكن يتنازل في التمن وكمان الناس بتقول ان العربية دي ممتعة ف سواقتها وانا زي م قلت لسة مش خبرة قوي
تم الرد في الرابطه
مقدرش بصراحة افيدك في عيوب ومميزات الويرا ولكن لو الاثنين قدامي اكيد بلا نقاش هجيب الفابيا
خصوصا ان مفيش فرق في الموديل كبير
نصيحة بص على الفابيا الاول ولو لقيتها مش كويسة ابقى شوف التانية
وبالنسبة للسعر كده عادي مش لقطة ومش غالي واكيد على كلامك والحالة المبداية للعربية اكيد هينزل بس المهم الحاجات اللى محتاجاها العربية تكون في الدلع يعني مش زي ما قولتك في الموتور
طب يا جماعة هي العربية دي تستحمل سفر طويل زي الصعيد مثلا كل شهر مرة ولا هتتعبني؟؟؟:Copy of majd(4):
لا تستحمل السفر الى الصعيد
لا تستحمل السفر الى الصعيد
ممتازه في السفر
ممكن اعرف حضرتك قولت ليه كده ؟اقتباس:
المشاركة الأصلية كتبت بواسطة engahmedsayed
لية قولت كدة
لانى الحمد لله تم اختبارها فى السفر و كانت رائعة
و غير كدة الشقيقة الصغرى و هى الفليشيا بتسافر و عن تجربة
يبقى الفابيا مش هتسافر
و كانت مريحة فى السفر
و لعلم حضرتك اى عربية تسافر
مدام متابع صيانتها و غير كدة اللى سايق يبقى فاهم ازى يسحب بالعربية و يشد بيها وازاى يريح العربية و هو ماشى
ربك المستعان
جننت الراجل يا راجلاقتباس:
المشاركة الأصلية كتبت بواسطة engahmedsayed
ههههههههه
انت مشيت للراجل دماغه كده ياعم أحمد
العربية ممتازة جدا في السفر وتسافر معاك زي منتا عايز
السعر من 40 الي 45 الف علي حسب حالتها لو كاملة وموتور 1400
1-افاده و كلام و معلومات أكثر من رائعة و ربنا يبارك فيكوا
2-أيهم أفضل الفابيا اتو ولا مانويل و دي سعرها كام و دي كام
3-لو حد يعرف فابيا للبيع يقولي بالله عليكم انا حالتي نفس حالة صاحب الموضوع جديد في السواقه و بدور على عربيه محترمه مبقتش أحسن من الفابيا
لو حد يقدر يساعدني أكون شاكر جدا ليه و جزاه الله كل خير
4-اسف للاطاله