عرض للطباعة
صديقي العضو
فالبدايه انا بفكر اشتري عربية جديدة وانحصر التفكير بين عربيتين الاولى اشهر من نار على علم وهي الفلوانس والتانية بس مستعمله ستروين c5 فايه رايكوا باعتبار ان الفلوانس زيرو هايلاين بس ميزة الستروين ان اعاده بيعها بعد الزيرو بيقل جامد طيب بعد الزيرو طيب ايه نظام الصنيعية والاعتمادية وقطع الغيار والتوكيل ......
تقبل مروري zeco
ملاحظة الموضوع ده موجود على الاوروبي العام بس انا حبيت اكسب اراي لشريحة تانية من رواد المنتدى الكرام
الفلوانس اكيد
اولا لانها هتبقى زيرو والزيرو له طعم مش موجود في اي مستعمل
ثانيا عربية جميلة جدا ما شاء الله واثبتت وجودها وكل ملاكها بيشكروا فيها مشوفتش حد منهم اشتكى منها تقريبا الحمدلله
ثالثا بتدي لصاحبها برستيج عالي جدا
رابعا الهاي لاين منها ممتازة
خامسا الرينو ماركة ليها سوق في مصر اكتر من الستروين
الفلوانس عربية كويسة جدا و بالذات اللون الأسود فيها مع الليدات مديها برستيج عالي اوي
توكل علي الله و جيب الفلوانس
صديقي العضو
شكرا على مرورم الكريم واتمنى المزيد التفاعل
تقبل مروري zeco
الرينو طبعا كرأي شخصي
فلونس
الفلوانس الجديدة جميلة ماتور ياباني
انا حزين بجد من كل قلبي ان كلو اجمع علي الفلونس
يا جماعه لوسمحت حد من الي قال طبعا فلوانس ده ركب الستروين انا حزين
بص يا عم اولا علشان اكون محايد الزيرو زيرو بس الكلام ده لما بقارن عربيه في فئه بعربيه تانيه بنفس الفئه بمعني الرينو الفلونس بكامل احترامي ليها نقارنها بالفوكس والكرولا والسيراتو وغيره ساعتها نقول الزيرو زيرو بس ....
انما الستروين للي مش يعرف زي الانسجنيا بالظبط والي مش يعرف يعرف فيها خامات وجودتها وتفنيش شغل وتابلوه رهيب نتكلم بقي في الاداء
استنو اما اربع رجلي واشغل السبرتايه واعمل فنجال قهوه وسجاره
الاداء عربيه ثبات رهيبه بحث انها بتسوق نفسها علي الطريق وراحه العيب الوحيد في العربيه لما الطريق بيخلص وبنوصل بالسلامه بحس بالخانقه ماتور تربو طبعا وانا اتزكر كان اول فئه انا جيبتها لحمايا العزيز ب208 قبل ماتغلي وسمعت بعدها انها بقيت 228 وجيبتها من عند الاحمدي راجل محطرم وحمايا ده راجل مستشار ودماغه غريبه وكان مصمم انه يجيب فلفو وانا الي ححبته في الستروين رهيبه فعلن اداء وكل شئ
انت بتؤل هتجيبها مستعمله .كلم الوكيل وممكن يبقي عنده عربيات مستعمله بضمان
النقطه التانيه في معارض كتييييييييييييييييييييييي ييييييير في مصر الجديده اكيد هتلاقي ومواقع النت ماخلتش المهم اول كلمتين الرخصه بأسمك تمام
روح لوحدك من غير اي صنايعي يبقي معاك بس 3 اصحابك جامدين شداد عتوله علشان النصابين وصاحب الراجل قله لمؤخزه انا مش بفهم حاجه قلي العربيه فيها ايه والكلام عجبك اطلع يا باشا علي التوكيل رفض يبقي كداب قبل وكلامه صادق اتوكل علي الله وهتلاقي معاك طياره وانت سايقها هتحس انك king of the road
بصراحة لو مكانك بدون تردد هجيب c5 لانها عربية تعتبر فى شريحة اعلى من الفلونس بكتير
وطبعا هحاول انى احسن الاختيار لانها مستعمل ولو انى عمرى ما شفت العربية ديه اللى راكبها مبهدلها ابدااا
الستروين سي 5 تتفوق بلا تفكير.. لو انت من هواة اقتناء السيارة لذاتها و ليس لحسابات السوق توكل على الله .. اما عن الرينو فلا تعليق سيارة ناجحة و لا يوجد شكاوى
صديقي العضو
والله كده الواحد احتار خالص خصوصا اني مليش خبرة فالمستعمل ومعرفش حد بيبيع والتوكيل اكيد غالي ...طيب هي هتبقى رنج كام .
تقبل مروري zeco
صديقي العضواقتباس:
المشاركة الأصلية كتبت بواسطة zeco
شكلي كده هعمل استطلاع فهخلي الموضوع ده للتفاصيل وبعد كده استطلاع من غير اي كلام ايه رايكوا...
تقبل مروري zeco
صديقي العضو
هو لو جبتها مستعمله من التوكيل هي ايه الاجراءات والضمان والسعر ........
تقبل مروريzeco