من فضلكم أنا عايزة أعرف حل لمشكلة الدبرياج لأني حاسة انه عالي جدا

اللي بيحصل اني بنقل الفتيس على الأول (أو التاني) و أجي أرفع مشط رجلي بالكامل عن الدبرياج بالراحة و برضه مش تتحرك
لازم ارفع أوي لحد ما ركبتي تقرب من الدركسيون و فيين قبل الأخر تتحرك.. و لو رفعت مشط رجلي بالكامل و دوست بنزين و بكمل الرفعة و هي واخدة بنزين تروح العربية مندفعة لقدام مع نطة ملحوظة.. , و بيبقى الموضوع محرج جدا جدا في الإشارات .. , و حصل اني اتخبطت و أنا داخلة على مفارق بسبب اني جيت أهدي سنة و أول ما اللي جاي من اليمين هدى عشان يعديني فضلت أرفع و مش عايزة تمشي .. دست بنزين راحت ناطة و اللي هدالي قبل كده شتمني و أهانني جامد :(

هل ده عيب مني أنا ولا فعلا كده الدبرياج عالي ؟؟

و ايه حل التقاطعات دي.. أنا كل ماجي أدخل تقاطع (أكتر من 10 مرات) و رجلي على الدبرياج أحتار مين اللي المفروض يعدي ؟!! أنا وللا اللي جاي من اليمين عشان ده طريقه ؟؟ لو هديت اللي ورايا يدي كلاكس بايخ و لو عديت اللي داخل طوالي يشتمني ؟!!
لو في حل من فضلكم ساعدوني,

جازاكم الله كل خير.

د. إسراء