بتدى بقشيش للعامل فى محطة البنزين ؟

**lada2010** · 29-01-2009 11:43 AM

بص يا قاعدة عامة وكل الناس دلوقتى ماشية عليها بدام بتحط بنزين 80 يباق لازم تعطى بقشش واسال اى حد

**karimone** · 29-01-2009 12:48 PM

نص جنيه حلو...او جنيه

**hegazi_arc** · 29-01-2009 01:14 PM

المشاركة الأصلية كتبت بواسطة amir

شباب
الناس دي فعلا بتشتغل و البقشيش يعتبر دخل اساسي ليهم
في محطات بيلمو البقشيش و يتم توزيعه بالتساوي و في محطات لاء
النص جنيه ده كان ينفع قبل هوجه الاسعار الاخيره
انما دلوقتي ادوهم جنيه
جنيه واحد منك و مني يعمل ليهم مبلغ محترم اخر اليوم
مجتش علي دول
امال بيجيلك قلب تدفع لبلطجيه المواقف جنيه و اتنين و تلاته و مستخسر في اللي مقعدك في عربيتك باشا و بيملالك البنزين؟!!
يمكن الجنيه بتاعي و بتاعك يتحول الي وجبه مشبعه في بيت واحد فيهم
جنيه و احتسب ثوابه عند الله سبحانه و تعالي

كلام زي الفل

**د.محمد الشيخ** · 29-01-2009 01:33 PM

عادة 2 جنيه مع التفويل يقل شوية او يزيد حسب الكسور
ولانك ممكن تديله اقل فانا باعتبر الفرق ده صدقة لوجه الله والصدقة تغير مسار القدر .
وبالنسبة للناس اللى مش مع البقشيش او انها شايفة ان جنيه او اتنين كتير اقولهم انه صحيح ان ده مش اجبارى عليك لكن لما تحط 40 او 50 لتر ممكن تعتبر البقشيش ده تمن لتر واحد مثلا ممكن كده كده يتحرق وانت واقف فى الزحمة والاشارات وممكن تعتبره زى اى مصاريف طارئة ممكن تحصلك على الطريق وابسط حاجة مافيا الركن فى اى مكان من السايس الى عسكرى المرور اللى بيطلعلك من تحت الارض .
طبعا ساعتها اقل حاجة حتطلع الشلن (5ج) او البريزة(10ج)
طبعا ان مكنش اكتر !!!

وحاولوا يا جماعة متربطوش البقشيش اوى بشكل اللى بيحطلك البنزين لانه كل ما كان شكله غلس افتكر ان ثوابك حيبقى اكبر لانك ساعتها حيكون عندك سبب يخليك متدفعش فلما تدفع بنية الصدقة حيبقى ثوابك اكيداكبر .
الا بقى لو عمل موقف فى وقاحة او قلة ذوق ساعتها لازم يتعلم ان الرزق مرتبط بالسعى وحسن المعاملة واعتقد انك برده حتاخد ثواب لو منعت عنه البقشيش بنية اصلاحه وتهذيبه .

**ZAKI32** · 29-01-2009 01:37 PM

اوقات عامل البنزينة يجبلى الفلوس ناقصة نص جنية

مبدقش عليه

وسعات

فى عماااااااااااال وهو بيمون يقولك 20 لتر الا ربع وهو هياخد الفرق طبعا حاجة بسيطة مش مشكلة وأهى بتعدى

**mostapha** · 29-01-2009 02:54 PM

المشاركة الأصلية كتبت بواسطة NaderNabil

بقالي سنتين أهو أخش المحطة و أقوله 19.5 أو 49.5 حسب الورقة اللي معايا

مبحبش أقول ليترات...عشان بتلخبط الواحد....فهي أحسن فلوس و يبقي من ضمنها البقشيش عشان موجعش دماغي...(

Exactly what I do
9.5
19.5
49.5
keda