بتدى بقشيش للعامل فى محطة البنزين ؟

**lancerevolution** · 10-03-2009 09:51 AM

المشاركة الأصلية كتبت بواسطة abo_hosni

ماشي نديهم بقشيش و نعرفهم أنه بمزاجنا و بدون إهانة برضه. لكن في ناس بتستعبط. امبارح ماشي باليل و رايق و لقيت بنزينة فاضية قلت أمون، كنت مكسل أفك الحزام و أفتح الباب. اديت المفاتيح لعامل و حسيت أنه بيستقبلني بترحاب كده. المهم حط بنزين و كله تمام، بصيت ورايا لقراءة العداد بعد ما خلص لقيته 18لتر و نص و الحساب 16.65 جنيه بالضبط (شفتوا أنا فاكر إزاي). و في ثانية راح مزير العداد و بدأ يملا عربية تانية. المهم اداني المفاتيح و اديته 50جنيه بدون كلام و مستني الباقي لقيته جايب لي 21جنيه و قام ماشي!!!!!!!! طبعاً أنا متوقع آخد 32 ولا 33
أعمل إيه طبعاً ما دورتش العربية و ندهت للبيه
قلت له: إيه دول؟ هو أنا مش شايف العداد ولا إيه 18 لتر و 16جنيه 65قرش!!!
قال: دول 21 لتر، تعالى يا محمااااااااد. كام حساب البيه؟
محمد: 21!!!!!!!!
أنا: و الـ21 دول الباقي ولا لتر ولا جنيه يا محمد
............... في الوقت ده كان حضر قدامي 5 من عمال البنزينة
أنا: هو العداد بتاع الطرمبة مش هو اللي أنا شايفه قدامي ده و لا في حتة تانية!!!!
واحد فيهم: خلاص يا بيه ناقص لك كام.... هو قصده على زبون تاني
أنا: المرة الجاية أبقى أصورها لك، شكراً
طلعت و نفثت عليهم تراب الأرض من خلفي

الموقف ده حصل معايا في أكثر من بنزينة على فكرة
آه يا حرامية ليه كده؟ والله باسيب لهم جنيه و اتنين كل مرة
هل عشان بيحس أننا بنتعامل بحسن نية؟
هل عشان شافني قاعد في وضع صعب أشوف قراءة العداد؟
هل عشان افتكرني بيه لما اديت له المفاتيح؟
هل عشان ما دفعتش حسابي فكة من الأول؟

كنت عملت فضيحة و قولتله شد البنزين الى أنت حطيته

**tmz9111** · 10-03-2009 01:39 PM

جنيه ان شاء الله

**human** · 10-03-2009 03:23 PM

انا حاليا مش انا اللى بديله

هوه اللى بياخد بنفسه

يعنى لما يرجع الباقى كله جنيهات بيبقى باصص على الجنيه

و لما يرجع فيه انصاص بيبقى عايز نص جنيه

يا خوفى يجى اليوم اللى يرجعوا الباقى عشرات

**itsonlyme** · 22-03-2009 10:17 PM

المشاركة الأصلية كتبت بواسطة abo_hosni

ماشي نديهم بقشيش و نعرفهم أنه بمزاجنا و بدون إهانة برضه. لكن في ناس بتستعبط. امبارح ماشي باليل و رايق و لقيت بنزينة فاضية قلت أمون، كنت مكسل أفك الحزام و أفتح الباب. اديت المفاتيح لعامل و حسيت أنه بيستقبلني بترحاب كده. المهم حط بنزين و كله تمام، بصيت ورايا لقراءة العداد بعد ما خلص لقيته 18لتر و نص و الحساب 16.65 جنيه بالضبط (شفتوا أنا فاكر إزاي). و في ثانية راح مزير العداد و بدأ يملا عربية تانية. المهم اداني المفاتيح و اديته 50جنيه بدون كلام و مستني الباقي لقيته جايب لي 21جنيه و قام ماشي!!!!!!!! طبعاً أنا متوقع آخد 32 ولا 33
أعمل إيه طبعاً ما دورتش العربية و ندهت للبيه
قلت له: إيه دول؟ هو أنا مش شايف العداد ولا إيه 18 لتر و 16جنيه 65قرش!!!
قال: دول 21 لتر، تعالى يا محمااااااااد. كام حساب البيه؟
محمد: 21!!!!!!!!
أنا: و الـ21 دول الباقي ولا لتر ولا جنيه يا محمد
............... في الوقت ده كان حضر قدامي 5 من عمال البنزينة
أنا: هو العداد بتاع الطرمبة مش هو اللي أنا شايفه قدامي ده و لا في حتة تانية!!!!
واحد فيهم: خلاص يا بيه ناقص لك كام.... هو قصده على زبون تاني
أنا: المرة الجاية أبقى أصورها لك، شكراً
طلعت و نفثت عليهم تراب الأرض من خلفي

الموقف ده حصل معايا في أكثر من بنزينة على فكرة
آه يا حرامية ليه كده؟ والله باسيب لهم جنيه و اتنين كل مرة
هل عشان بيحس أننا بنتعامل بحسن نية؟
هل عشان شافني قاعد في وضع صعب أشوف قراءة العداد؟
هل عشان افتكرني بيه لما اديت له المفاتيح؟
هل عشان ما دفعتش حسابي فكة من الأول؟

المشاركة الأصلية كتبت بواسطة human12

انا حاليا مش انا اللى بديله

هوه اللى بياخد بنفسه

يعنى لما يرجع الباقى كله جنيهات بيبقى باصص على الجنيه

و لما يرجع فيه انصاص بيبقى عايز نص جنيه

يا خوفى يجى اليوم اللى يرجعوا الباقى عشرات

ليه يا جماعة تدي فرصه لحد يستغلك. أول حاجة لازم تنزل من العربية وتقف جنبه وهو بيحط البنزين عشان مايكونش عنده فرصة أنه يصّفر العداد أو يسرقك. لأنك حتى لو عينك على العداد وانت في العربية حينكر. لكن لو جنبه مش حيبقى عنده فرصة. ما تكسلش.

والأحسن انك تحط بنزين بالفلوس مش باللتر. حتى لو حتفوّل تقول له حطلي بتسعة وخمسين جنيه ونص وابقى ادي له ستين. ساعتها ممكن ماتنزلش ومجرد تخلي عينك على العداد.

**lancerevolution** · 22-03-2009 11:43 PM

المشاركة الأصلية كتبت بواسطة itsonlyme

ليه يا جماعة تدي فرصه لحد يستغلك. أول حاجة لازم تنزل من العربية وتقف جنبه وهو بيحط البنزين عشان مايكونش عنده فرصة أنه يصّفر العداد أو يسرقك. لأنك حتى لو عينك على العداد وانت في العربية حينكر. لكن لو جنبه مش حيبقى عنده فرصة. ما تكسلش.

والأحسن انك تحط بنزين بالفلوس مش باللتر. حتى لو حتفوّل تقول له حطلي بتسعة وخمسين جنيه ونص وابقى ادي له ستين. ساعتها ممكن ماتنزلش ومجرد تخلي عينك على العداد.

دا الى بعمله فعلا

**anwarnono** · 23-03-2009 02:10 AM

المشاركة الأصلية كتبت بواسطة amir

شباب
الناس دي فعلا بتشتغل و البقشيش يعتبر دخل اساسي ليهم
في محطات بيلمو البقشيش و يتم توزيعه بالتساوي و في محطات لاء
النص جنيه ده كان ينفع قبل هوجه الاسعار الاخيره
انما دلوقتي ادوهم جنيه
جنيه واحد منك و مني يعمل ليهم مبلغ محترم اخر اليوم
مجتش علي دول
امال بيجيلك قلب تدفع لبلطجيه المواقف جنيه و اتنين و تلاته و مستخسر في اللي مقعدك في عربيتك باشا و بيملالك البنزين؟!!
يمكن الجنيه بتاعي و بتاعك يتحول الي وجبه مشبعه في بيت واحد فيهم
جنيه و احتسب ثوابه عند الله سبحانه و تعالي

عندك حق.ميه فى الميه

**aratux** · 23-03-2009 10:21 AM

الصبح كنت فى محطة وطنية اللى قبل الأوتوستراد
المشرف بتاعهم قالى من فضلك إنزل بص على العداد

واضح إن عندهم تعليمات, جيش بقى

**karmoty** · 26-03-2009 06:07 PM

أصل بصراحة مهما كان ده عامل في بنزينة وبيصعب عالواحد لاني بتخيل نفسي مكانه
وغير كده هو بيبقى قاصد يفكلك الفلوس وفيها انصاص عشان البقشيش وبصراحة عينه بتبقى هتطلع عليهم فانت تتقي شر عينه بنص جنيه, وحش!!

**ehab4367** · 26-03-2009 06:30 PM

هو بياخد لوحدة مع نفسة

**نور القمر** · 27-03-2009 11:55 PM

مجتش على الجنيه البقشيش يعني
شوف اي واحد مننا بيصرف كام في اليوم
الجنيه ده لا هيقدم ولا هيأخر معانا لكن بالنسبة لعامل البنزينة تفرق كتير
ودي سياستي عموما مع البياعين الغلابة

مشاهدة نتائج الإستطلاع: بتدى بقشيش؟

الموضوع: بتدى بقشيش للعامل فى محطة البنزين ؟

LinkBack

أدوات الموضوع

عرض

-

-

-

-

-

-

المواضيع المتشابهه

لبست فلوس مزوره من محطة البنزين

غسيل موتور لانسر فى محطة البنزين

موقف غريب فى محطة البنزين

تجربتى مع محطة البنزين وما ادراك

الكلمات الدلالية لهذا الموضوع

المفضلات

المفضلات

ضوابط المشاركة