-
سخونة الميجان
دلوقتى انا العربية عندى بتبقى ماشية كويس و مرة واحدة الاقى الحرارة زادت اروح مولع التكيف تنزل تانى روحت شيكت على المروحة كان فيها تمليح فى السلك و ظبطوا و شغالة تمام بعد كدة بردوا سخنت تانى انا عاوز اشيل ثرموستات الكوعة بس انا عندى الكوعة الفيبر هى بتتشال عادى والا بتتكسر و كنت عاوز اعرف هيها المروحة ليها سرعتين و التالتة مع التكيف
-
مشتيلش ثرموستات الكوعة علشان غلط.........بيأثر على إستهلاك البنزين و مش بيدي كفاءة الموتور الصح.
مشكلتك ممكن تكون أكتر من حاجة منها موتور المروحة بقى ضعيف شوية......علشان كده مع تشغيل التكييف السرعة التانية بتشتغل و الدنيا بتبقى أحسن.
حاول بس تروح لحد بتاع رينو و يكون ثقة علشان متلفش حوالين نفسك كتير و تدفع فى حاجات ملهاش لازمة.
-
مبدئياً المروحة لها سرعتان فقط الأولى لكل منهم درحة حرارة معينة تعمل عندها ... والسرعة الثانية تعمل أيضا بمجرد تشغيل كباس التكييف أو بعد تشغيله ببضع ثوان
هل صوت المروحة عندك طبيعى أم مرتفع ؟
قم بمسك المروحة بيدك وهزها فإذا تحركت ووجدت بها بوش دل هذا على تلف الجلب ويكون صوتها مرتفع وسرعتها أبطأ من المروحة السليمة
قم بتنظيف سربنتينة التكييف والرادياتير بالهواء المضغوط والمياه
تأكد من عمل السرعة الثانية للمروحة مع تشغيل التكييف
يجب التأكد من حالة ثرموثتات الكوعة فلو كان مغلقاً جزئياً يسخن المحرك
للاسف القطعة الفبر تباع كاملة ولا تستطيع تركيب لها ثرموثتات عكس القطعة الألومنيوم
-
وبشكل عام ما يضعف المروحة يا أصدقاء هو تآكل الجلب خاصة الجلبة الأمامية للمروحة هى التى تتآكل وعندها يقوم القلب الدوار أثناء دورانه باحتكاك بسيط بالمخدات المغناطيسية وتتآكل وبمرور الوقت يتسع قطر الجلبة ويزداد احتكاك القلب الدوار بالجدران وتتآكل القطبان المغناطيسية أكثر إلى أن تصل إلى حد يكون فيه صوت المروحة عال جداً بخروشة ملحوظة
شئ آخر المروحة محرك كهربائى ولها شربون احتكاكى بالقلب الدوار الذى يوصل الكهرباء ويتآكل مع الاستعمال ويصل إلى حد معين بعدها يحدث شرز أثناء دوران المروحة وتسخن أكثر من اللازم وتؤثر هذه السخونة المفرطة على أجزائها من الداخل مما يؤدى لضعف المروحة أيضاً وقلة سرعة دورانها
أنا قمت بفك المروحة بنفسى ولكن المروحة محكمة القفل ببرشام حديد وليس مسامير ربط لتصعيب فكها لتغيير أجزائها الداخلية وحتى هذا البرشام إذا قمت بفكها وتجميعها مرة لن تستطيع القيام بذلك مرة أخرى لأنه سينكسر
والمروحة استيراد سعرها حدود 250 جنيه
-
شكراا على المعلومات القيمة شكرااا
Content Relevant URLs by
vBSEO 3.6.0 PL2