إمتحان النظرى فى المرور

**خالد** · 14-07-2007 05:28 PM

عندى إمتحان نظرى غداً الأحد فى مرور عبود لإستخراج الرخصة
حد يفيدنى عن نوعية الأسئلة اللى بتتسأل هناك ، ولكم الشكر

**mohamed10** · 14-07-2007 05:41 PM

الامتحان بيبقى على الكمبيوتر وحوالى 15سؤال عن الاشارات المرورية ومواقف يمكن التعرض لها اثناء القيادة وعلى مااتذكر كان احد الاسئلة لو انت ماشى على الدائرى وعندك ميعاد ومتاخر والطريق مفتوح امامك فماذا تفعل ( تسير بسرعة اكثر من المسموح بها ، تلتزم بالسرعة المقررة ، ....الخ ) وما عليك الا اختيار الاجابة الصحيحة مع العلم انه هناك زمن محدد للاجابة
من الاخر ان امكنك تمشى امورك مع حد من الكمبيوتر فلا تتردد افضل وربنا يوفقك

**wawoo** · 14-07-2007 05:48 PM

المشاركة الأصلية كتبت بواسطة mohamed10

من الاخر ان امكنك تمشى امورك مع حد من الكمبيوتر فلا تتردد افضل وربنا يوفقك

قصدك اية يمشى امورة يعنى رشوية يعنى , للاسف احنا بقينا بنشمى امورنا فى كل حاجة و زى ما انت شايف كدة كل الحوادث دى و كل الفوضى اللى احنا عيشين فيها بسبب مشى امورك دى :)

**amrrashed** · 14-07-2007 07:42 PM

ايه ده ...... هو امتحان الاشارات بقا كمبيوتر ....الحمد لله قبل كده من 9 سنين كان فيه ظابط ارخم من الرخامة بيسأل فى اشارات مش موجودة الا فى هولندا بس

**mohamed10** · 14-07-2007 08:13 PM

يا اخ wawoo ماتزعلش نفسك كده قوى انا قصدى انه ممكن ينجح فى الاجابة على الاسئلة ورغم ذلك يسقطوه بحجة انه تجاوز الزمن المحدد للاجابة وهذه الاشياء حدثت امام عينى , ولذلك قلت له ان امكنه يمشى حاله ولا اقولك ماتسمعش كلامى وانسى اى حاجة كتبتها علشان ماتزعلش بس للاسف الشديد هى ديه الحقيقة