-
بلية العجل
اولا ازيكم جميعا و احشنى جدا و الله
ثانيا بقى انا كنت ماشى بالعربية و فجاة لقيت صوت خشونة جامد فى الكاوتش كانى ماشى على اسفلت خشن
و مع المشى بدأ الصوت يزيد و بقى موجود بصفة مستمرة
روحت للميكانيكى قالى انه بلى العجل
السؤال بقى
فى بلية nsk ب 95
بلية skf ب 95
بلية المانى على حد قول البائع بنفس التمن تقريبا
و اتصلت بشفرولية و سالت على تمن البلية لقيت الواحدة ب 400 جنية
ايه النوع اللى اشترية و هل فى فرق جامد اوى كده بين الانواع المذكورة و بين اللى عند منصور شيفرولية
-
nsk ياباني ممتاز - skf سويدي برضو ممتاز اشتري اي واحد منهم وانت مطمن بس يكون اصلي مش مضروب اما الالماني ابو ٤٠٠ دا شغل التوكيلات؟؟؟؟
-
طيب اعرف ازاى انهم مش مضروبين ؟؟؟؟؟
-
السعر بتاع 95 منطقى لانى كنت اشتريت من واحد حبيبى ثقة جدا و كان السعر قريب من كدا
-
سعر ممتاز توكل على الله وسيبك من التوكيل
-
ال nsk الياباني جيبه من توكيله ب 120 جم البلية
-
انا كنت لسه جايب ال nsk يابنى ب 95
وراكبتها من شهر كده والصوت راح
الاصلى هتلاقى محفور عليها الماركه والرقم والصناعه انا كنت جبتها من واحد اسمه الهانى فى صقر كوريش المعادى
وفى توكيل skf و nsk فى شارع جسر السويس بعد قباء كده بشويه وانت رايح على او جمال والحرفيين
هو على الشمال وانت جاى من الف مسكن او اليمين وانت جاى من موقف العاشر
اهم حاجه الراجل الى هيركبها يركبها على مكبس ومش بالدق خالص لأنه لو دق عليها هيبوظها لازم تركب على مكبس عند خراط او فى بعض الورش بيبقى عندهم المكبس
-
nsk حلوه
لكن المهم الميكانيكى اللى حيركبهم يوديهم مكبس كويس ويكون فاهم
-
توكيل skf فى ش رمسيس جنب مبنى جريده الجمهورية
-
أنا اشتريتnsk من توكيلهم فى شبرا ب 120 جنيه وركبتهم والحمد لله الدنيا تمام
Content Relevant URLs by
vBSEO 3.6.0 PL2