بيجو 3008 2014 ام ستروين c4 بيكاسو ام كارينز 2014

اعزائي انا محتار بين 3 انواع بيجو 3008 2014 و لا ستروين c4 pecaso
او كارينز 2014 هاي لاين
مع العلم انا اختارت للمقارنه بين الموديلات دي علي اساس الوسع الداخلي و الارتفاع عن الأرض علشان طرقنا الجميلة و الكماليات الداخليه الي ابهرتني في ال3 فلو في موديلات تانية ممكن حد ينصحني بيها يقول مع العلم ان اسرتي مكونه من 3 اطفال و انا و زوجتي مع العلم برضو إني من اصحاب الوزن الثقيل و طويل برضو تقدروا تقولو ضخم الجثة ☺:)

ارجو الافاده علشان انا المفروض اشتري خلال الشهرين الي جاين مع العلم اني راكب تيريوس 2008 دلوقتي

حد يفيدنا يا جماعة

صديقي العضو

قولا واحدا فلوانس هاي لاين اجدع وارخص

تقبل مروري zeco

اقتباس:

---

المشاركة الأصلية كتبت بواسطة zeco

صديقي العضو

قولا واحدا فلوانس هاي لاين اجدع وارخص

تقبل مروري zeco

---

شكرا لردك و اهتمامك بس يا تري اخبار المساحه الداخليه ايه و الارتفاع عن الارض اخباره ايه
مع الاخذ في العلم اني راكب تيريوس يعني ركوبه عاليه عن الارض

صديقي العضو

هي العربية تفوقت على نفسها فكل المقاييس البتسال والهاتسال عنها وانا تعمدت عدم ذكر تفاصيل .. المثل بيقول لا تعطني سمكة ولاكن علمني كيف اصطاد فعشان كده انا اصدي افيد حضرتك بحيث لما تبحث بنفسك هتعرف تقرر بس انا اديتك نقطة البداية يعني مش قصدي ابخل عليك بحاجة قصدي افيدك

تقبل مروري zeco

البعد عن الفرنساوي غنيمة

اقتباس:

---

المشاركة الأصلية كتبت بواسطة HANZALA

البعد عن الفرنساوي غنيمة

---

صديقي العضو

نو كومنت

تقبل مروري zeco

طبعا الفلوينس عربية ناجحة دلوقتي في مصر وسعرها بالنسبة للإمكانيات كويس ، بالنسبة البيجو ٣٠٠٨ عن تجربة دي فئة اعلي وانا ارشحهالك خصوصا الهاي لاين - لازم تشوفها علي الواقع فعلا عربية فيها كل المواصفات الي طالبها واكتر ، وهي تقفيل فرنسي وده موضوع عنها http://www.nilemotors.net/Nile/406886-a.html
بالتوفيق إنشاء الله .

شكرا للجميع

هل من مذيد

سؤال هل هب فيها gps و مثبت سرعة و كاميرا خلفية و فرش جلد كامل انا طبعا بتكلم عن البيجو 3008 2014 هاي لاين

اقتباس:

---

المشاركة الأصلية كتبت بواسطة eslamegm

سؤال هل هب فيها gps و مثبت سرعة و كاميرا خلفية و فرش جلد كامل انا طبعا بتكلم عن البيجو 3008 2014 هاي لاين

---

لا يوجد ا gps و مثبت سرعة و كاميرا خلفية و فرش جلد كامل البيجو 3008 2014 هاي لاين

ومثبت السرعة ركبته في التوكيل بيبقي ناقص دراع المثبت بالطارة وكلفني ٦٦٠ جم

صديقي العضو

حاول تبص على السيتروين c5

تقبل مروري zeco

اقتباس:

---

المشاركة الأصلية كتبت بواسطة ammpage

لا يوجد ا gps و مثبت سرعة و كاميرا خلفية و فرش جلد كامل البيجو 3008 2014 هاي لاين

ومثبت السرعة ركبته في التوكيل بيبقي ناقص دراع المثبت بالطارة وكلفني ٦٦٠ جم

---

معلش مش فاهم يعني هي فيها كامير و فرش جلد و لا لا

اقتباس:

---

المشاركة الأصلية كتبت بواسطة zeco

صديقي العضو

حاول تبص على السيتروين c5

تقبل مروري zeco

---

بس انا سامع ان التوكيل مش كويس الي هو عز العرب و ان قطع الغيار غير متوفر ه و برضوا يعني عربيه سيدان و انا بصراحه متعود علي الركوبه العاليه عن الارض يعني انا مش عارف ايه نظام البيكاسو c4

اقتباس:

---

المشاركة الأصلية كتبت بواسطة eslamegm

معلش مش فاهم يعني هي فيها كامير و فرش جلد و لا لا

---

اقصد ٣٠٠٨ في مصر غير متوفر فيها gps و الكاميرا الخلفية وفرش الجلد .

اقتباس:

---

المشاركة الأصلية كتبت بواسطة Ammpage

اقصد ٣٠٠٨ في مصر غير متوفر فيها gps و الكاميرا الخلفية وفرش الجلد .

---

انا سمعت ان ممكن يتركبلها كاسيت بشاشه تاتش و gps هل الكلام ده صح

و البنزين عامل ايه مع حضرتك 92 و لا 95 و الاستهلاك اخبارة ايه

زميلنا العزيز بالمنتدى
البيجو و الستروين شركة واحده
و بالتالي التكنولوجيا تكاد تكون واحده
الستروين اشيك في الشكل الخارجي دائما
البيجو اسم له تاريخ
البيجو سهله في اعادة بيعها
ممكن تقول ان السي فور بيكاسو زي البيجو 3008 مش فرقه المهم انت مرتاح لايه
بالنسبة للكارينز عربية جيده
بس وجهة نظري ان الكوري عربية استهلاكية
تغيرها بعد 3 او 4 سنين
بس احسن من الفرنساوي في اعادة البيع لان في ناس عايشة على المستعمل
الامان و الثبات في صالح الفرنساوي
قطع الغيار طبعا في صالح الكوري بحكم قربهم من الصين
وشكرا

العقل يقول بيجو لكن السوق يقول كارينز

اقتباس:

---

المشاركة الأصلية كتبت بواسطة eslamegm

انا سمعت ان ممكن يتركبلها كاسيت بشاشه تاتش و gps هل الكلام ده صح

و البنزين عامل ايه مع حضرتك 92 و لا 95 و الاستهلاك اخبارة ايه

---

ممكن يتركبلها gbs الكاسيت بشاشة تاتش مش عارف , ،بالنسبة للبنزين متوسط استهلاك داخل المدينة وبالتكييف اللتر يعمل ٧.٥ كيلو ، علي الطرق الطويلة اللتر يعمل من ١٤ الي ١٨ كيلو ، وطبعا بنزين ٩٢.

يا جماعه حيرتي ذادت

حضرتك بتقول إنك كنت راكب تيريوس مش كده برضو.
يبقي مش هتعرف تركب غير السبورتاج.

اعتقد الاسبورتاج انسب منهم لانك كنت راكب تريوس

رأيي فكر فى سبورتاج

ركبت الاسبورتاج كانت ضيقه من جوه

النهارده رحت جربت الستروين و حدث الاتي بسأل بتاع المبيعات عن c4 بيكاسو قال لي اتفضل و فرجني علي الجراند بيكاسو اقوله في c4 بس مش جراند قال لي اتفضل و فرجني علي c4 العديه قلتله لا c4 picasso قال لي مفيش حاجه اسمها كده طب c5 مش موجوده عندي دلوقتي طب الكتالوجات و الله لسه خلصانه .....طب انتي جايه تشتغلي ايه :)
المهم قفلت منه و من العربيه و بعدين الجراند حلوه و وسعه و الفتيس بيتاعها عجيب فضلت ادور عليه لحد ما الراجل جيه قالي قدامك اهو كان ناقص يقولي يا جاهل المهم بردوه حستها ميكروباص

هل يوجد c4 بيكاسو ام لا و مين يعرف حد اروح اتفرج عليه عنده و يا ريت لو يكون عنده البيجو 3008 بالمرة :')

ممكن تبص علي ببجو ٣٠٠٨ والستروين في اباظة ، اتصل بيهم وأتاكد انها موجودة .

النهاردة ركبت البيجو 3008 2014 وهم حلوة قوي بسم الله ماشاء الله وسعها الداخلي معقول التابلوه عجبني بس لم اجد السيتروين
و مازالت محتار لان سعرها 230000 و الجراند بيكاسو بنفس السعر تقريبا

سؤال سريع انا شوفت علي موقع اباظه ان في 4008 بيجو بس مش باين ليها سعر حد يعرف حاجة عنها

يا أستاذ eslamegm .. ريح نفسك !!
الفلوينس سيارة ستحقق لك كل ما تريد - والكمال لله وحده - وبسعر مناسب جدا :
1. واسعة وشنطتها كبيرة .. فبالتالي تناسب عيلة .
2. عالية ( ارتفاعها عن الأرض 16 سم ) .. يبقى مش حتحك ف مطبات خالص .. وكأنها جيب .
3. منتشرة وتوكيلها محترم وصيانتها سهلة وقطع غيارها موجودة وسعر إعادة بيعها في تحسن مستمر .
4. حتوفر لك في الفلوس 40 أو 50 ألف عن العربيتين اللي عايز تشوفهم بس .. مش لاقيهم .. فما بالك بانتشارهم ؟!
5. الفيس ليفت بتاعها نقلها نقلة كويسة جدا بالرغم من إن عمرها أصلا 4 أو 5 سنين على الأكتر .
عايز إيه بقه ؟! عموما روح اتفرج عليها ع الطبيعة .. استشير واستخير .. وتوكل على الله .. ومش هتندم بإذن الله .. والله أعلم .

البيكاسو أرخص لكن توكيلها عليه كلام كتير
وكمان نزلها فيس ليفت مش عارف بقى عز العرب نزله ولا نايم لسة لأنى ما شوفهوش عندنا فى مصر لحد دلوقتى
ال3008 أغلى بس أكثر انتشاراً وفى منها فئتين والفيس ليفت موجودة فى مصر

و الله الفلوانس ما ركبتهاش بس مش ميال اني أجيب سيدان و كمان بسمع ان الكرولا افضل و اوسع من جوه

هي الرينو فالمقارنة ؟؟

لا ليست في المقارنة