الموضوع: لو اتثبت علي الطريق انزل و سلمله العربيه و 5 دقاايق و روح خدها

فكرة بسيطة وأى شخص فاهم دوائر إلكترونية ممكن ينفذها بسهولة

المشاركة الأصلية كتبت بواسطة shiemaa

المفتاح ده اي حد يعمله ؟ وفين

وبعدين هو الحرامي ميعرفش الاختراع ده ؟؟ بيتهيالي اكيد عارفينه وممكن يطلعو حاجة جديدة ويعرفو يتصرفو

لا طبعا عشان حضرتك اللي هتحدد مكان المفتاح تخيل انه تحت موكت العربيه مثلا مين حرامي هيدور هنا

كان فيه مشاركه قديمه لاحد الاعضاء قام بتنفيذ هذه الفكره فعلا وطورها باستخدام ريموت موتوسيكل للتحكم فى الغلق عن بعد

لا عايزيين تفاصيل اكتر

المشاركة الأصلية كتبت بواسطة A. Ibrahim

شباب السلام عليكم
عندي فكره عجباني قوي بس عاوز حد يسعدني شويه
الفكره ببساطه لاقدر الله و انت علي الطريق انثبت تنزل و تدي للحرامي العربيه و تستني 5 دقايق و تروح تخدها تاني
ازاي
سهله قوي و ببلاش



مفتاح فصل عليه دائراة تأخير تيار تحت الحجاده جوه الكرسي وري الطبلوه المهم يكون الوصول ليه سهل
الحرامي المشكله عنده عامل الوقت و ده اللي انا هلعب عليه هو عاوز ياخد العربيه بسرعه و يجري و انت عاوز تأمن نفسك و ترجع عربيتك بسرعه
الحرامي كسر عليك و انت وقفت بس و انت نازل تدوس الزرار و تسلموا العربيه و تقله ما يحرقشي عليه و يحطلها بنزين نظيف
خمس دقيق يخدها و يخلع هووووب الهربيه تبطل منه هيحاول يدورها مش هتدور كل اللي هيعمله هيرميها و يجري
تروح حضرتك تفتح المفتاح و تاخد عربيتك و تروح ولا بوليس ولا فديه و لا تدور عليها بالGPS

انا بقي عاوز الديره بتاعت تأخير الفصل حد يعرف يساعدني في ديه

الفكرة جميلة والجميل فيها أن الإعتماد على الـ GPS tracker لابد أن يستخدم معه إما موبايل لإرسال رسالة إيقاف السيارة أو كمبيوتر للدخول على السايت لإيقاف السيارة أيضا ، ولكن فى معظم حوادث التثبيت والسرقة بالإكراه تتم العملية مقترنة بكل ما خف حمله وغلا ثمنه وبيخرج المجنى عليه بملابسه فقط .. يعنى لا فيه موبايل ولا لاب توب علشان يتحكم منه .. يعنى على مايلاقى حاجه منهم تكون السيارة راحت لمستقرها الأخير .

المشاركة الأصلية كتبت بواسطة shifo

كان فيه مشاركه قديمه لاحد الاعضاء قام بتنفيذ هذه الفكره فعلا وطورها باستخدام ريموت موتوسيكل للتحكم فى الغلق عن بعد

مع تقديرى للجهد المبذول فى هذه الفكرة ولكننى أجدها غير عملية بل يمكن أن تكون خطرة على حياة المجنى عليه وذلك لسببين :
الأول :- أن السارق بيحاول يقلب المجنى عليه مما خف حمله وغلا ثمنه ولو تم العثور على هذا الريموت سيتم مصادرته إعتقادا من السارق أنه خاص بإدارة السيارة .
الثانى :- إستخدام المجنى عليه للريموت يعنى أن المسافة بينه وبين السيارة لن تزيد على أمتار قليلة (أيا كان طول تلك المسافة) أى أن السيارة ستتعطل قبل أن ينجو المجنى عليه بنفسه وحياته ويختفى من أمام السارق .. وطبعا لك أن تتخيل رد الفعل الإنتقامى للسارق فى حالة شعوره أن صاحب السيارة له يد فى تعطل السيارة بعد أمتار قليلة .

وقانا الله وإياكم شر الطريق والبلطجية

وتقبلوا تحياتى ،،،