الموضوع: طريقة اصلاح غالبية مشاكل كلاكس دايو لانوس بتكلفة 75 قرش .....بالشرح التفصيلى بالفيديو

بسم الله الرحمن الرحيم

الموضوع دة عبارة عن ملف فيديو انا عملتة بيوضح ليك ازاى تتعامل مع غالبية مشاكل كلاكس
دايو لانوس بتكلفة بسيطة جدا لا تتعدى 75 قرش وبنفسك بدون صنايعى

والمشاكل اللى بتقابلنا فى الكلاكس بتكون كالتالى

1 - الكلاكس ميشتغلش لما تلف الدركسيون يمين او شمال
2 - الكلاكس بيعلق
3 - لازم تضغط فى النص جامد عشان يشتغل
4 - الكلاكس لا يعمل نهائيا
5 - صوت الكلاكس مش مظبوط ( رفيع - محشرج - ..........الخ)
6 - معرفة مكان فيوز الكلاكس
7 - معرفة مكان ريلاى الكلاكس

قبل تشغيل الفيديو اختار من الضبط بتاعة اعلى نقاء
https://www.youtube.com/watch?v=8H__iaOopBw

بعد ما تتفرج على الفيديو فية حاجة بسيطة خالص نسيت اصورها
وهيا ان الكوتشة الل بتركب فوق الضاغط بيبقى ليها علامة فى التركيب من جوة فخد بالك منها

الموضوع دة واحد من ضمن مواضيع هرفعها الفترة القادمة بأذن الله وهيا كالتالى :

1 - (لاول مرة) طريقة اصلاح طرمبة الباور لدايو لانوس ........بالتفاصيل والصور
2 - طريقة اصلاح قلب طرمبة البنزين لدايو لانوس ............بالفيديو
3 - طريقة عمل اضاءة لحوض السيارة ( الموتور ) ........بالتفاصيل والفيديو او الصور
4 - طريقة فك فرش سقف السيارة وغسلة واعادة تركيبة بنفسك........بالتفاصيل والصور
5 - طريقة زيادة كفاءة تكييف دايو لانوس بتكلفة بسيطة جدا ...........بالتفاصيل والفيديو

فانا مش عارف اية اللى ينزل الاول فى المواضيع دى
يعنى ابدا اشتغل عل اية الاول اللى الناس محتاجاة

واى استفسار انا حاضر