الحمدلله عملت صيانة 1000كيلو اليوم وعقبال المائة الف ان شاء الله
الحمدلله عملت الصيانة في مركز معتمد من توكيل كيا وهو في الكيلو اربعة ونصف طريق السويس الصحراوي بجوار بنزينة شل
والصيانة عبارة عن تغيير زيت شل 10000 وتغيير فلتر وتشييك علي السوائل والعفشة
طبعأ هي مجاني لاول 1000 كيلو بدون مصنعيات انما دفعت ثمن الزيت 330 طبعأ الزيت 5w 30 كما موصي بة في الكتالوج الرقم دة .. وعلشان كدة هو اغلي 30 جنية عن 5w 40 والفلتر33 يعني اجمالي 363 جنية فقط
وطبعأ مكان في قمة الاحترام وناس زوق بس لازم حجز مسبق وسألت علي اسعار قطع الغيار
التيل الامامي 800 وكسور التيل الخلفي 500 وكسور فلتر الهواء 105 بالضريبة فلتر بنزين 195 بالضريبة فلتر زيت طبعأ زكرتة في الصيانة وسعرة 33 شامل الضريبة
وسألت علي حاجة تانية ضروي الا وهي .. كان في موضوع كنت قرائتة هنا من فترة من ان موتور النيو سيراتو كاتينة جلد طبعأ سالت في التوكيل اليوم نفي الموضوع تماماً وقالي الكاتينة جنزير وبتتغير فوق مائة الف كيلو انما في سير مجموعة دة بيتغير عند 60000 كيلو وطبعأ لما سمعت علي موضوع الكاتينة الجنزير كنت مبسوط وقلت الحمدلله .. واي استفسار تحت امركم