سيات ابيزا ٢٠١٤ استفسار غريب

**ahmed.Elashy** · 12-04-2014 08:18 PM

انا الحمد لله حجزت ابيزا سبورت كوبيه من التوكيل
قاللي اول صيانه بعد خمس الاف كيلو حسب تعليمات المصنع وحسب نوع الزيت
الزيت نوعه توتال
هل الكلام دا صحيح ولابعد الالف كيلو اوديها تعمل صيانه بره ؟

**SYD** · 12-04-2014 11:30 PM

اولا الف مبروك العربية مقدماً
حالياً اصبح مفيش حاجة اسمها صيانة ال1000
لأن فعليا صيانة ال1000 كانت تشمل تربيط عام وتربيط عفشة وكشف علي السوائل
لكن اول صيانة يتم فيها تغيير قطع غيار هي صيانة ال10,000
اما عن الزيت فيجب السؤال جيداً عن لزوجة الزيت المستخدم من قبل الوكيل
اوعي تخليهم يحطوا زيت معدني او بلزوجة اكثر من 5w40

تحياتي

**SYD** · 12-04-2014 11:34 PM

علي فكرة انت تقدر تتفق معاهم علي مواعيد جدول الصيانات بتاعتك
واللي غالباً هتلاقيه محدد بدقة بالغة في كتيب الأستخدام وكتيب الصيانة المرفق مع السيارة
وعلي ما اتذكر انك هتلاقي فيه جدول صيانة السيارة كل 15,000 وليس كل 5 او كل 10 حتي
وهتلاقي في كل صيانة الأشياء التي يجب فحصها او تغييرها
مثال
صيانة 15000 كم او 10000ميل
تغيير زيت المحرك والفلتر

ممكن تشوف الموضوع دة هيفيدك اوي في موضوع جدول الصيانات
الفحص الدوري وجدول الصيانات لسيارات سيات

ولو عندك اي استفسار بخصوص الصيانات ومواعيدها انا تحت امرك

تحياتي

**hossamalsadik** · 13-04-2014 12:16 AM

الف مبروك
أنتبه كويس لكلام المهندس سيد بالنسبه للصيانات ومواعيدها
واتأكد من نوعية الزيت ولزجته
وربنا يبركلك فيها ويحفظهالك ويبعد عنك شرها

**SYD** · 13-04-2014 02:45 AM

الزيت المعدني هو الزيت المستخرج من مشتقات البترول
اما الزيت التخليقي فهو زيت نتاج تركيبات كيميائية يتم داخل المعامل
وطبعا التخليقي بيبقي افضل للمحركات الجديدة لأنه اخف واسرع في الأنتشار داخل المحرك من المعدني

واقرا الموضوع دة بردو هيفيك اكتر بمعلومات حول انواع الزيوت
القواعد الذهبية لاختيار زيت العربية.... موسوعة مبسطة لأساسيات زيوت المحركات

تحياتي