طبعا بما ان السوق المصري سوق فاشل بكل ما تحمل الكلمة من معني لانة مبيعتمدش علي تقيمة للعربية كعربية فأنا من الناس اللي بيركبوا عربية عشان العربية مش بحب احط في دماغي موضوع اعادة البيع دة لانة كلة بتاع ربنا فانا ببحث عن عربية تكون قوية ثابتة سريعة و متكنش كوري فكرت فكذا عربية المهم صفصفوا علي التلاتة دول التوليدو ولا اللينيا و لا الفلوانس مين فيهم افضل كأدااااااء
اللينيا
الفلوانس عشان تلاقي قطع غيار يسهولة:shine[1]:
تمام يا اسلام بس اشمعنا اللينيا يعني من حيث اية ؟ لا يا وليد سيبك من حتة قطع الغيار مدام في عربية موجودة في البلد يبقي لازم يبقي ليها قطع غيار اه ممكن تكون بعيدة شوية بس انا عايز اركب عربية عشان تستحق الفلوس اللي تدفع فيها كعربية مش ادفع فلوس في عربية عشان اي حاجة جانبية تانية
رأيى إن الفلوينس أحسن فى كل حاجة
فئة أعلى وأوسع وشنطة أكبر وموتور وفتيس جداد
يعني الفلونس افضل في الثبات و نسبة التسارع ؟
فلونس
الكلام على الزيرو ولا المستعمل ؟
انا عن نفسي لو بنتكلم على الزيرو و بعيدا عن الجانب العملي هافكر في الفوكاس او السيفيك
اشمعني يا تامر ؟ و لية قلت بعيد عن الجانب العملي ؟
الجانب العملي هو اسعار قطع غيار العربية و مدى توافرها و سهولة صيانتها ثم اعادة بيها بعد كدهاقتباس:
المشاركة الأصلية كتبت بواسطة mamduhd
اللي هو من الآخر زي ما اختصره موضوعك في كلمة واحدة : الســــــــــــوق :beated:
السيفيك الحالية ما انتشرتش اوي , و عشان تتجاب فيها كماليات الفئة الهاي لاين معدية 200 الف ,
مش عارف بقى ليها قطع غيار برة التوكيل او استيراد ولا لأ , ماظنش الصراحة بانتشارها القليل ده
يليها الفوكاس , برده اللي يشتريها ملتزم بالتوكيل اللي ما حققش سمعة قد كده , و قطع غيار استيراد مافيش
مع الفرق ان اعادة البيع في السيفيك ماسكة نفسها شويتين عن الفوكاس
في المقابل , مش عن تجربة لكن عن قراءة التقارير هنا في المنتدى , دول تقريبا فنيا اعلى عربيتين في فئة 160-200 الف جنيه , ينقص الاتنين ضيق المساحة الداخلية , انما كتسارع و ثبات و عفشة و تكنولوجيا , الاتنين اعلى من الكل , ما كانش ناقصهم الا التربو
مش عارف السيتروين سي 4 ممكن تبقى زيهم ولا لأ , لكنها برده من العربيات اللي السوق قاتلها
اعتقد يا تامر باشا ممكن نضيف ليهم السيات ليون, اوبل استرا و تويوتا كورولااقتباس:
المشاركة الأصلية كتبت بواسطة تامر.محمد
الاسترا و الكورولا , الاسترا اقل في التسارع , و احتمال كبير الكورولا كماناقتباس:
المشاركة الأصلية كتبت بواسطة Mohamed.Hany
تعليق الاسترا الخلفي double wishbone زي الفوكاس , تعليق الكورولا مش عارف , هو ايه صحيح ؟
كفتيس , الباور شيفت بتاع فورد احسنهم , لكن الزحمة عندنا (السوق) برده تحط قدامه مشكلة
كوسائل امان , الكورولا اه خصوصا في فئة تحت 200 الف زي ما قلنا , الاسترا مش عارف الانجوي نظامها ايه
كخامات و انتيريور , بصراحة لأ , الكورولا لأ , و الأسترا يعني , ده مقارنة بالفوكاس , انما بالسيفيك كل عربيات الفئة دي تقريبا زيها
السيات ليون ماعرفش عنها حاجة بصراحة
فعلا الباور شيفت سمعته في مصر قد كدة و سواقته و نقلاته مش سلسة .اقتباس:
المشاركة الأصلية كتبت بواسطة تامر.محمد
الكورولا زي الفلوانس تورشن بيم.
لو بتدور الاداء هات الفيات برافو تيربو ١٥٠ حصان و تمنها ١٧٠ الف
بالمناسبة العربية دي أنا ما بشوفهاش على المواقع اللي بتعرض السيارات الجديدة خالص .. إيه الحكاية ؟!اقتباس:
المشاركة الأصلية كتبت بواسطة legandmohamed1
تمام بس ليا كام تعليق كدة بخصوص الأسترااقتباس:
المشاركة الأصلية كتبت بواسطة تامر.محمد
التعليق الخلفى Watt's Link وده حاجة semi-independent مش زى بتاع الفوكاس
وسائل الأمان فى الانجوى والكوزمو واحدة
الخامات الداخلية، أنا رأيى إنها لا تقل عن الفوكاس إذا ما كانتش أحسن (انا قارنت بينهم جامد قبل ما اشترى). وطبعاً أحسن بمراحل من الباقى.
ازاي الكورولا تسارعها بطئ !!!!اقتباس:
المشاركة الأصلية كتبت بواسطة تامر.محمد
انا مصور فيديو بعربيتي من 0 الي 100 في 9.5 ثانية وكمان كنت مشغل التكيف وجايبها اوتو مش مانوال .
[youtube]https://www.youtube.com/watch?v=F6VxUTw7vJw[/youtube]
السلام عليكم ورحمة الله وبركاته
اولا" يا استاذ ممدوح انا ارشح لك وبقوة رقم (1) السيارة سيات توليدو ال style اللي هي اعلي فئة . العربية دي انا شايف انها هتعمل مبيعات عالية جدا" نظرا" لما تحويه هذه العربية من امكانيات وكماليات ممتازة مقارنة بالفلوينس وكمان سعرها المنافس جدا" جدا" ويكفي انها تكنولوجيا الماني ببصمة اسبانية . ومع احترامنا للرينو فلوينس تكنولوجيا فرنسية وبصمة تركية ولك انت المقارنة طبعا" . وعلي فكرة توكيل سيات هو نفسه توكيل فولكس فاجن واودي . ولو عاوز تسأل عنها وعن قطع الغيار الخاصة بها اتصل برقم (19178) شركة كيان ايجيبت . اسف علي الاطالة .
بعيدا عن السوق هتركب سوبارو او سيفيك
لو حل وسط يبقي الرينو او الكورولا
Linea is best value for money. With price of 150000 you get all of what is in Fluence highline except for sunroof
Fluence is most practical for Egypt
Toledo is good but poor from inside and very tight back seat
I also think Linea is not available in the market now
الف شكر ليكم يا جماعة بصراحة استفد منكم و كنت قريب للتوليدو بس قلت اضغط شويتين علي نفسي و اجيب الفوكاس و ربنا يبارك فيها ان شاء الله
ﻷ لو فوكاس يبقى فيه كلام تانىاقتباس:
المشاركة الأصلية كتبت بواسطة mamduhd
اشمعني ؟؟ دة في كذا حد قالي اتعب شوية و زود و هات فوكاس هترتاح خصوصا ان مبركبش لا كوري و لا يباني معادا السوبارو فلقيت ان الفوكاس احسن و كمان انا فكرت في الميجان بس كشكل معجبتنيش اوي و انا مش بحب الرينو بس يا ريت اعرف رأيكاقتباس:
المشاركة الأصلية كتبت بواسطة k.ossama
أنا قصدى كدة برضواقتباس:
المشاركة الأصلية كتبت بواسطة mamduhd
الفوكاس أحسن أكيد