السلام عليكم اعضاء المنتدي الكرام
أرجو مساعدتي بمكان واسعار المسند الوسطي لنيسان چوك والدواسات الأصليه وشاشة وكاميرا خلفية وهل متوفرين بالتوكيل ام بموزع خارجي طبعا في القاهرة وأرقام تليفونات التوكيل لو أمكن
سيارتي چوك ٢٠١٤ خليجي
وشكرا مقدما
عرض للطباعة
السلام عليكم اعضاء المنتدي الكرام
أرجو مساعدتي بمكان واسعار المسند الوسطي لنيسان چوك والدواسات الأصليه وشاشة وكاميرا خلفية وهل متوفرين بالتوكيل ام بموزع خارجي طبعا في القاهرة وأرقام تليفونات التوكيل لو أمكن
سيارتي چوك ٢٠١٤ خليجي
وشكرا مقدما
متابعة
يا شباب أنا دلوقتى موجود فى مصر وعايز أعرف لو حد عنده فكرة ألاقى الاكسسوارات دي فين وبكام يا ريت يفيدنا
وشكرا مقدما
السلام عليكم .. أنا عندي نيسان جوك وركبتلها في التوكيل زينون وكاميرا خلفية والجي بي أس علشان الضمان .. طبعا غالي ..
مركبوش الجي بي إس الأصلي بس ركبولي واحد صيني لكنه جيد جدا لكنه لغى بكده البلوتوث وإني استخدم أزرار المكالمات اللي في الدركسيون .. فيه جي بي إس أحسن من كده ولما كلموني قلتلهم كل ده .. أنا ركبتهم في أوتو إيجيبت أبورواش ..
الزينون ممتاز مشفتش منه مشاكل عيبه الوحيد إنه بياخد مش أقل من 10 ثواني في أول مرة علشان يسخن ويديلك إضاءة الزينون الطبيعية ..
تكلفة ما سبق بالإضافة للكاميرا الخلفية كان ما بين 6000 - 6500 مش متذكر كان كام بظبط .. أكيد برة ممكن تختار الأنواع الأفضل وتركبهم أرخص من كده ..
بالنسبة للمسند الوسطي غير متوفر في المكان اللي ذكرته والله أعلم متوفر في محلات عادية ولا ﻷ ... للأسف مكانش عندي فرصة اسأل بس لو عرفت هقولك ..
الدواسات الأصلية كمان مسألتش عليها لأني بصراحة ركبت دواسات عادية وكله تمام ..
خلينا نفترض الأسوأ إنك مش لاقي الحاجات دي .. حاول تشوف موقع أجنبي فيه كل دول وتشتريهم وتشحنهم لمصر وتركبهم عند حد تكون بتثق فيه لو مفيش ضمان أو في التوكيل لو فيه ضمان مع إني عارف إن جوك الخليجي معليهاش ضمان هنا .. بالتوفيق إن شاء الله وتحت أمرك لو فيه أسئلة تانية .. بس سؤالي هيفرق معاك الدواسات أصلية ولا ﻷ ؟ ..
انا كنت في التوكيل امبارح بعمل صيانة ال 1000 و شفت الكاسيت الشاشة و الجي بي اس بس طبعا مشفتوش شغال و عرفت ان البلوتوث بتاع العربية هيتلغي و كان نفسي اسال حد مركب الكاسيت ده هل حاسس بفرق و لا البلوتوث الجديد كويس و بعدين بيظهر اسم اللي بيطلبك علي الشاشة و لا لأ و بعدين التاتش اخباره ايه و معلش اخر سوال هة لة انت مركب فلاشة بتظهر الفولدرز ايكونز كدة زي الكمبيوتر و لا بتبقي قائمة كدة و رخمة في التاتش
شكرا يا جماعة بس كده معناه ان ده مش الشاشة الاصلية لان الاصلية فيها مخارج للبلوتوث والتحكم من الدريكسيون وكمان هل الكاميرا الخلفية جرحلك في الشنطة عشان يركبها ولا لأ ؟
متهيالي احسن حاجه ان انت تركب سنسور باركينج عشان زراير المالتي و البلوتوث اللي نازلين فيها كويسين جدا انت كل اللي محتاجه السنسور بس وكده كده الموبايل فيه جي بي اس انا ركبت زينون عشان النور كان ضعيف و سنسور وايرلس و الدنيا بقت فل الصراحه فاضل حوار الفلاشه و ده اتحل بالنسبه لي بال mp3 و بوصلوا AUX
بصراحة فعلا الحاجة الاصلي اللي بتيجي مع العربية احسن ..... انا قلت مش هركب شاشة عشان اشوف اسم اللي بيكلمني يعني قمت ركبت استاند بركب فية الموبايل و خلاص و كمان ركبت سنسور بارك و خلاص و بعدين ال سي دي بيشيل فوق ال 150 اغنيه او ملف يعني حسب الحجم و خلاص مش مستاهلة يو اس بي يعني....
اللي بجد محتاج اركبه ديفندر من ورا بس عشان يحمي العربية من اي حد يخبطك من الخلف
حد يعرف اجيب ديفندرز منين عشان في التوكيل الطقم كان غالي اوي كان عامل 6000 جنية باعتب و انا مش محتاج دة كلة بصراحة. و لو حد يعرف بالمرة اجيب مسند اليد منين
هقولك بصراحة من وجهة نظري وتجربتي ..
العيوب:
- البلوتوث مش شايف الموبايل ومعايا أيفون 5 بس شاف تليفونات تانية حوالين العربية
- التاتش تمام .. بس مش زي مثلا تاتش الأيفون ولا السامسونج .. تاتش تقييمي ليه 3 من 5
- أحسن حاجة فيه موضوع الفلاشة بتقدر تختار يا إما قائمة كاملة أو فولدرز وتختار فولدر وتدخل جواه .. تحريك القائمة علشان تختار أغنية تحت مش مريح شوية .. ممكن تغلط وتلاقيك ضغطت على أغنية وأنت بتنزل فالأغنية تشتغل وتضطر تعيد من الأول
- العيب الأخير هو إن لما تختار إنه يشغل الأغاني بشكل عشوائي بحس إنه في كل مرة بيختار نفس ترتيب الأغاني وممكن يكرر تشغيلها وفيه حاجات لسه معاداش عليها اساسا .. مش سمارت يعني
- مفيش وصلة aux
المميزات:
- صوت السماعات بقى أحسن وأنقى وفيه تحكم منه في الإيكولايزر والصوت ومستواه وخلاه أقوى كمان كإنك ركبت سماعات جديدة ودي أكتر حاجة عجباني.
- موضوع إنك تقدر توصل فلاشة ده مكانش موجود في القديم
- لما تطفيه وتشغله تاني حتى لو قفلت العربية وشغلتها بيبدأ يشتغل في أخر مكان كنت عليه في الأغنية أو غيره.
- موضوع الكاميرا الخلفية وظهورها في الشاشة ميزة عظيمة.
اسأل براحتك وتحت أمرك..
أنا كنت شغال زيك بالموبايل بس ام بي ثري وجي بي اس موبايل وإنك تسوق كان عذاب بصراحة خصوصا إني كنت بضطر في أوقات أوصل الشاحن يو اس بي والإم بي ثري وكمان جي بي اس وبهدلة .. أتفق معاك في موضوع الزينون النور فعلا كان ضعيف ومكنتش بعرف أشوف حاجة لو فيه نور فوق أو قصادي وعمال أكل في مطبات .. بس معلش تقصد إيه بسنسور الوايرلس؟ وركبت الحاجات دي فين؟ ولو ينفع تكلفت قد إيه معاك ؟
موضوع الزراير كله شغال ما عدا المكالمات بالبلوتوث ..
معاك حق فعلا الأصلي أحسن بس مش هتلاقيه بسهولة وهيكون غالي إلا لو جبته بنفسك من برة .. أو لقيت حد بيبيعه في مصر .. السنسور بارك فعلا شكلي هركبه لأن الكاميرا بتبين اللي وراك مش اللي على الأطراف لدرجة إني مرة حكيت الاكصدام في عمود مكانش ظاهرلي في الكاميرا وكان على الجمب .. الديفيندر سألت عليه فعلا كان غالي قوي وهو مطلوب قدام كمان علشان لو بصيت من الدواير اللي قدام في العربية اللي تحت هتحس إنها مكشوفة وأي حاجة ممكن تضرها لو اتخبطت فيها وأنت بتجري .. للأسف معرفش منين غير في التوكيل ..
المرصفاوي لكماليات السيارات شارع 9 المقطم بجوار بنزينة شل
عنده الشاشة بالديفيدي والجي بي اس والكاميرا نفس النوع إلي موجود في التوكيل بس سعره عنده 3200 تقريبا
وبيركب بفيشة على طول يعني مفيش لعب في الضفيرة وبيشغل المالتي فانكشن طبعا وبكده العربية مش بتخرج من الضمان
بالنسبة لباقي الحاجات معرفش
وبالنسبة للديفيندر انصحك بلاش لإن صاحبي مركبه في قشقاي وكان هياخد مخالفة 1000 جنيه في المطار بسببه
يا جماعة انا روحت اوتو ايجيبت في الاجازة وشوفت الشاشة بنفسي اردأ نوع مش محصل حتى فلاي اوديو او رود روڤر اللي هنا في السعودية ولقيته جايبلى كاميرا يقولي فعلا هخرملك الصدام مش جنب لمبة اللوحة في الشنطة وب ٤٤٠٠ جنيه دي هنا عندنا ب ١٢٠٠ ريال والكاميرا من ٥٠- ١٥٠ افضل نوع !!!!!!!
وكمان مفيش دواسات بيقولي بتاعت القاشقاى وب ٤٤٠ ريال والزينون ب ١٢٠٠ ليه ومش اصلي وكمان المسند الوحيد اللي كان مهم بالنسبالى خلص وكان ٢٢٠٠ جنيه وديفندرات فعلا ب ٦٠٠٠ متسواش هنا اخرهم ١٠٠٠ ريال في محلات الاكسسوارات
سرقة ونهب ويا ريت اصلية
المسند بره شوفته من ٦٠-٨٠ دولار او يورو والشاشة اصلية من ٦٠٠-٨٠٠ دولار لما اسافر ابقي اجيبهم من بره احسن
او ابيع العربية واخلص بعد لما انزلها مصر
اومااااال لو هجيب اكسسوارات لباترول او باثفايندر هدفع كام !!!!!!
ياريت تبعت لى الموقع اللى لقيت فيه المسند الاصلى بتاع الجوك
حقيقة مؤسفة .. أنا بشكرك على إنك زرت المكان ووضحت التفاصيل دي للتأكيد وإن شاء الله تكون إفادة للناس .. أنا عامة اتدبست قبلك في الموضوع ده والحمدلله لغاية دلوقتي كله تمام وربنا يسترها :)
حاول تجيب من السعودية معاك لأن لو شحنت من برة هيحسب ضرايب وجمارك غير مصاريف الشحن والتأمين .. دوشة
السنسور الوايرلس ده العادي اللي في محلات الكماليات بس مش بيمشي سلك جوه العربيه هو في unit بتيقى في الاكصطدام ورا و شاشه قدامك انت جوه و هما بيلقطوا من بعض من غير سلك و انا كل ده عامله في التوكيل بتاع نيسان في طنطا(الاتحاد الوطني) السنسور كان ب 500 بالتركيب و الزينون عالي و واطي ب 500 بردوا
معلش ياباشا انا اسف كنت عاوز اسالك سؤال ايه رايك في الجوك من حيث قطع غيارها انا ان شاء الله ناوي اجيب واحده بس محتار جدا في موضوع قطع غيارها ولحد دلوقتي ملقتش اسعار ليها ممكن بعد اذنك لو تكلمنا عن قطع غيارها وهل متوفره بسهوله في التوكيل ولا لا؟