الموضوع: انضميت لقسم كيا ولله الحمد

المشاركة الأصلية كتبت بواسطة mhkorayem

اسف اني اتاخرت في الرد بس لسه شايف استفسارك دلوقتي
طبعاً انت عارف ان الريو نفس رنج سعر الياريس وده طبعاً معناه ان الياريس كانت من ضمن العربيات اللي بقارن بينها بس بصراحه بالنسبه ليا خرجت من المقارنه من بدري ليه بقى؟؟؟
شوف يا باشا ان حاولت افكر ايه هي مميزات الياريس اللي عشانها ممكن اشتريها
اول حاجه قلت عربيه ياباني ودي ميزه بس لقيت انها مش ياباني 100 % ومعموله في تايلاند يعني حتى مش زي الهاتشباك اللي معموله في فرنسا ولو هجيبها عشان ياباني يبقى اجيب متسوبيشي لانسر افضل على الاقل ياباني 100%
قلت طيب اجبها عشان واسعه لقيت ان اللانسر الشارك هتديني الوسع ده وبماتور اقوى كتير
قلت طيب الماتور 1300 سي سي ودي ميزه هايله في انها هتبقى اقتصاديه جداً في البنزين وهتوفرلي كتير لقيت ان قطع الغيار نااااار واللي هوفره بنزين هدفع اكتر منه قطع غيار ومصنعيات
قلت بردوا طالما تويوتا يبقى انتريور شياكه وكوالتي وتقفيل محترمين لقيت ان ده متوفر في الريو واللانسر والـ301
قلت انها الاوبشنز فيها عاليه لقيت ان ده متوفر في الـ 301 بماتور اقوى كتير
فكرت في انها عربيه عاليه وتنفع في شوارع مصر الجميله لقيت ان ده متوفر في اللانسر الشارك برضوا والشارك تبقى افضل عشان الماتور وكمان ياباني 100%
وبعدين فكرت في ان الماتور 84 حصان على عربيه بالحجم ده لازم هيكون ادائه ضعيف مفيهاش كلام ومش ممكن أقتنع بصراحه بكلام الناس اللي بتقول ان السحب كويس وانه مش بتتاثر مع التكيف والكلام ده طالما 84 حصان يبقى بلا نقاش ماتور ضعيف على العربيه دي ممكن يكون كويس على الهاتشباك عشان حجمها صغير لكن على السيدان معتقدش خالص
عشان كده انا استبعت العربيه دي من تفكيري لاني من وجهة نظري اللي ممكن ناس تختلف معايا فيها ملقتهاش متفوقه على المنافسين بتوعها في اي بند من بنود المقارنه
بس في النهايه مقدرش اقول عليها غير انها عربيه كويسه وتحترم وإلا مكنتش فكرت فيها من الاساس بس بالنسبه لاحتياجاتي في العربيه كان في بالنسبه ليا اللي افضل منها
ففكر كده تاني في الموضوع وان شاء الله ربنا يكتب لك الاصلح واللي ربنا يوفقك ليه هيبقى افضل حاجه وتستمتع بيه ان شاء الله
بس لو جبت الياريس متنسانيش في لفه بقى عشان قعدنها عجباني مووت

شكرا يا محمد على ردك المفصل, كلامك ممكن يكون صح 100 % بالنسبة اليك ووجهة نظرك
بس كلنا مش زى بعض.
اولا. انا شخص مبحبش السواقة بمعنى الكلمة, بس طبعا لانى متزوج و عندى اسرة وانا عايش فى القاهرة يبقى مستحيل اعيش من غير عربية للاسف.
ثانيا. انا استخدامى قليل جدا بالعربية يعنى انا كان معايا سكودا فليشيا من 3 سنين قبل ما ابيعها عملت فى السنة اللى كانت معايا حوالى 4 الف كيلو. ومتوقع العربية الجاية مش هازيد بكل الاحوال عن 10 الف كيلو فى السنة.

لية انا اخترت الياريس:
اولا الماتور
معظم الناس اللى هنا فى المنتدى , كلهم بنتقدوا الماتور بتاع الياريس اللى هو 1300 و 84 حصان , بس من غير تجربة كلها استنتاجات. بالعكس انا شايفة ميزة

انا سألت ناس كتير فى مصر وناس كتير جدا فى السعودية معاهم العربية من اول ما نزلت., بصراحة بيقولوا شعر فيها. ومحدش علق خالص على موضوع الموتور بالعكس بيمدحوا فيه جدا , استهلاك بنزين قليل, والتكييف ممتاز معاهم , وده كلام الناس اللى فى السعودية و انت عارف درجة الحرارة فىى السعودية عاملة اية. وعلى فكرة الماتور دة اللى كان فى تويوتا كورولا 2008 , والموديل ده اتقل فى الوزن من تويوتا ياريس. وشوف مدح الناس فى العربية ازاى.
فالماتور دة مش جديد ومتجرب قبل كده. غير انا ماليش فى الجري والحوارات دى خاااااااالص

ثانيا العربية فعلا واسعة من جوة بشكل كبير وخصوصا المساحة الخلفية ممتازة بصراحة والشنطة كبيرة ومحترمة

ثالثا : العربية مرتفعة عن الارض بصورة كويسة يعنى انسى المطبات اللى عندنا فى مصر .

رابعا: استهلاك بنزين ممتاز , وطبعا البنزين هايزيد الايام الجاية

خامسا: الفئة الاولى اللى ب 140 الف فيها 2 ايرباجز و فرامل abs و ايمولايزر

سادسا : عزل العربية ممتاز

بخصوص العيوب من وجهة نظرى
انتشار العربية ضعيف جدا ( بس ممكن يزيد لو اسعار البنزين زادت والعربية سمعت فى السوق)

والعيب الثانى اللى انا شايفة ان قطع الغيار غالية موووووووووت (يعنى مثلا الزجاج الخلفى ب 3100 جنية , والزجاج الباب الجانبى بتاع السواق ب 1600 جنية )
, بس كده كده الواحد هايأمن عليها مع شركةتأمين محترمة ( اليانز او كونتاكت كارز او شركة التامين بتاعت تويوتا وهوندا اللى اسمها المشرق للتأمين) عشان اريح دماغى


لية انا ما اخترتش كيا ريو لكذا سبب.

1- العربية مش عالية عن الارض
2- الزجاج الخلفى صغير والرؤية صعبة من خلالة (دى فئة الهاتشباك)
3- العربية ضيقة من جوة وخصوصا المساحة الخلفية
4- الشنطة صغيرة (دى فئة الهاتشباك)
5- مش منطقى عشان اجيب عربية فيها ايرباجز و فرامل abs اروح اشترى الهاي لاين اللى ب 150 الف للهاتشباك او 148 الف للسيدان
6- استهلاك البنزين . بصراحة الشكوى دى مش من واحد ولا اتنين دى من ناس كتير حتى بعد ماعملوا ابديت للسوفت وير.
7- التكييف بيأثر على السحب وده برضة من ناس كتير علقت على الموضوع ده

بس طبعا كيا ريوا احسن من ياريس فى حالة لو اشتريت الهاى لاين
1- اسعار قطع الغيار معقولة ( ممكن توصل نص اسعار قطع غيار الشارك والياريس)
2- تكييف ممتاز
3- العربية فخمة جدا سواء داخليا او خارجيا (فرش ممتاز وفنشنج ممتاز)
4- كماليات ملهاش حل كل حاجة تقريبا موجودة فيها
5- العربية منتشرة بصورة كبيرة جدا
6- عربية ناعمة جدا
7- عزلها ممتاز

بس الفكرة انت عايز اية من العربية . هو دة اللى بيفرق من شخص لشخص اخر فى اختيار العربية
لو احنا كنا متفقين على كل حاجة كنا كلنا اشترينا نفس العربية :)

بخصوص الشارك او البيجو 301 : انا مستبعدهم لانها مش ها يمشوا معايا لكذا سبب
مثلا عيوب شارك
1- عزل سئ جدا. وصوت الماتور واضح
2- قطع الغيار غالية جدا
3- شكل العربية بالنسبة لى مش مريح (طبعا دى ازاوق مش اكتر)
4- الشنطة ضيقة.
5- توكيل سئ وناس كتير بيشتكوا منة

عيوب البيجو او سي اليزية
ممكن تاخد جوله فى المنتدى هناك وتشوف قصة الفتيس والتكييف. والاكصدام الامامى بتاع البيجو
معلش انا طولت عليك :b4_237:
بس طبعا الكلام اللى فات كلة وجهة نظرى مش اكتر. ربنا يبارك للناس فى سيارتهم واختيارتهم

المشاركة الأصلية كتبت بواسطة bayoumisoft

شكرا يا محمد على ردك المفصل, كلامك ممكن يكون صح 100 % بالنسبة اليك ووجهة نظرك
بس كلنا مش زى بعض.
اولا. انا شخص مبحبش السواقة بمعنى الكلمة, بس طبعا لانى متزوج و عندى اسرة وانا عايش فى القاهرة يبقى مستحيل اعيش من غير عربية للاسف.
ثانيا. انا استخدامى قليل جدا بالعربية يعنى انا كان معايا سكودا فليشيا من 3 سنين قبل ما ابيعها عملت فى السنة اللى كانت معايا حوالى 4 الف كيلو. ومتوقع العربية الجاية مش هازيد بكل الاحوال عن 10 الف كيلو فى السنة.

لية انا اخترت الياريس:
اولا الماتور
معظم الناس اللى هنا فى المنتدى , كلهم بنتقدوا الماتور بتاع الياريس اللى هو 1300 و 84 حصان , بس من غير تجربة كلها استنتاجات. بالعكس انا شايفة ميزة

انا سألت ناس كتير فى مصر وناس كتير جدا فى السعودية معاهم العربية من اول ما نزلت., بصراحة بيقولوا شعر فيها. ومحدش علق خالص على موضوع الموتور بالعكس بيمدحوا فيه جدا , استهلاك بنزين قليل, والتكييف ممتاز معاهم , وده كلام الناس اللى فى السعودية و انت عارف درجة الحرارة فىى السعودية عاملة اية. وعلى فكرة الماتور دة اللى كان فى تويوتا كورولا 2008 , والموديل ده اتقل فى الوزن من تويوتا ياريس. وشوف مدح الناس فى العربية ازاى.
فالماتور دة مش جديد ومتجرب قبل كده. غير انا ماليش فى الجري والحوارات دى خاااااااالص

ثانيا العربية فعلا واسعة من جوة بشكل كبير وخصوصا المساحة الخلفية ممتازة بصراحة والشنطة كبيرة ومحترمة

ثالثا : العربية مرتفعة عن الارض بصورة كويسة يعنى انسى المطبات اللى عندنا فى مصر .

رابعا: استهلاك بنزين ممتاز , وطبعا البنزين هايزيد الايام الجاية

خامسا: الفئة الاولى اللى ب 140 الف فيها 2 ايرباجز و فرامل abs و ايمولايزر

سادسا : عزل العربية ممتاز

بخصوص العيوب من وجهة نظرى
انتشار العربية ضعيف جدا ( بس ممكن يزيد لو اسعار البنزين زادت والعربية سمعت فى السوق)

والعيب الثانى اللى انا شايفة ان قطع الغيار غالية موووووووووت (يعنى مثلا الزجاج الخلفى ب 3100 جنية , والزجاج الباب الجانبى بتاع السواق ب 1600 جنية )
, بس كده كده الواحد هايأمن عليها مع شركةتأمين محترمة ( اليانز او كونتاكت كارز او شركة التامين بتاعت تويوتا وهوندا اللى اسمها المشرق للتأمين) عشان اريح دماغى


لية انا ما اخترتش كيا ريو لكذا سبب.

1- العربية مش عالية عن الارض
2- الزجاج الخلفى صغير والرؤية صعبة من خلالة (دى فئة الهاتشباك)
3- العربية ضيقة من جوة وخصوصا المساحة الخلفية
4- الشنطة صغيرة (دى فئة الهاتشباك)
5- مش منطقى عشان اجيب عربية فيها ايرباجز و فرامل abs اروح اشترى الهاي لاين اللى ب 150 الف للهاتشباك او 148 الف للسيدان
6- استهلاك البنزين . بصراحة الشكوى دى مش من واحد ولا اتنين دى من ناس كتير حتى بعد ماعملوا ابديت للسوفت وير.
7- التكييف بيأثر على السحب وده برضة من ناس كتير علقت على الموضوع ده

بس طبعا كيا ريوا احسن من ياريس فى حالة لو اشتريت الهاى لاين
1- اسعار قطع الغيار معقولة ( ممكن توصل نص اسعار قطع غيار الشارك والياريس)
2- تكييف ممتاز
3- العربية فخمة جدا سواء داخليا او خارجيا (فرش ممتاز وفنشنج ممتاز)
4- كماليات ملهاش حل كل حاجة تقريبا موجودة فيها
5- العربية منتشرة بصورة كبيرة جدا
6- عربية ناعمة جدا
7- عزلها ممتاز

بس الفكرة انت عايز اية من العربية . هو دة اللى بيفرق من شخص لشخص اخر فى اختيار العربية
لو احنا كنا متفقين على كل حاجة كنا كلنا اشترينا نفس العربية :)

بخصوص الشارك او البيجو 301 : انا مستبعدهم لانها مش ها يمشوا معايا لكذا سبب
مثلا عيوب شارك
1- عزل سئ جدا. وصوت الماتور واضح
2- قطع الغيار غالية جدا
3- شكل العربية بالنسبة لى مش مريح (طبعا دى ازاوق مش اكتر)
4- الشنطة ضيقة.
5- توكيل سئ وناس كتير بيشتكوا منة

عيوب البيجو او سي اليزية
ممكن تاخد جوله فى المنتدى هناك وتشوف قصة الفتيس والتكييف. والاكصدام الامامى بتاع البيجو
معلش انا طولت عليك :b4_237:
بس طبعا الكلام اللى فات كلة وجهة نظرى مش اكتر. ربنا يبارك للناس فى سيارتهم واختيارتهم

اولا انا سعيد بالحديث معاك وان شاء الله تستلم على خير
وفعلاً زي ما انت بتقول ظروف كل شخص واحتياجاته من العربيه هي اللي بتحدد أختياره والياريس عربيه حلوه وعجباني وخاصه الانتريور بتاعها ووسع الكنبه الخلفيه بصراحه بسم الله ما شاء الله
المهم هما قالولك هتستلم امته عشان نباركلك (واخد اللفه بتاعتي :0002014a:)
وبالتوفيق ان شاء الله وتستلم على خير وربنا يباركلك فيها

المشاركة الأصلية كتبت بواسطة mhkorayem

اولا انا سعيد بالحديث معاك وان شاء الله تستلم على خير
وفعلاً زي ما انت بتقول ظروف كل شخص واحتياجاته من العربيه هي اللي بتحدد أختياره والياريس عربيه حلوه وعجباني وخاصه الانتريور بتاعها ووسع الكنبه الخلفيه بصراحه بسم الله ما شاء الله
المهم هما قالولك هتستلم امته عشان نباركلك (واخد اللفه بتاعتي :0002014a:)
وبالتوفيق ان شاء الله وتستلم على خير وربنا يباركلك فيها

شكرا يا محمد على زوقك . بجد انت من الشخصيات اللى بحترمها جدا هنا فى المنتدى
وبصراحة بيعجبنى دماغك وتحليلك لكتير من المواضيع.
ربنا يبارك ليك فى عربيتك ويعطيك خيرها ويكفيك شرها باذن الله.

لسة الوكيل مكلمنى النهاردة وقالولى العربية وصلت الميناء تعالى ادفع الفلوس لان العربية ها تستلمها بعد يومين.
ان شاء الله اروحلهم يوم الاحد ادفع باقى الفلوس عشان استلم .

وانت ياباشا تشرف فى اى وقت , اول ما استلمها ممكن نظبط مع بعض وتجربها فى اية وقت , انت بس تأمر وبالمرة تعملنا تقرير حلو كده منك :)

كنت عاوز اخد رايك فى قصة التأمين , بعد سؤال ناس كتير جدا .معظم الناس اجمعت على شركة اليانز,
وفية بعض الناس قالولى خليك مع شركة التامين اللى مع الوكيل (المشرق احد شركات مجموعة الفطيم) عشان تريح دماغك من قصة الورق واللف. انت اية رايك فى القصة دى؟

تانى حاجة انا عاوز اركب فرش كويس لعربيتى لان فرشها هايكون بيج فمحتاج حد يكون جامد ومحترم


وشكرا تانى لزوقك واخلاقك
م/ محمد بيومى

المشاركة الأصلية كتبت بواسطة bayoumisoft

شكرا يا محمد على زوقك . بجد انت من الشخصيات اللى بحترمها جدا هنا فى المنتدى
وبصراحة بيعجبنى دماغك وتحليلك لكتير من المواضيع.
ربنا يبارك ليك فى عربيتك ويعطيك خيرها ويكفيك شرها باذن الله.

لسة الوكيل مكلمنى النهاردة وقالولى العربية وصلت الميناء تعالى ادفع الفلوس لان العربية ها تستلمها بعد يومين.
ان شاء الله اروحلهم يوم الاحد ادفع باقى الفلوس عشان استلم .

وانت ياباشا تشرف فى اى وقت , اول ما استلمها ممكن نظبط مع بعض وتجربها فى اية وقت , انت بس تأمر وبالمرة تعملنا تقرير حلو كده منك :)

كنت عاوز اخد رايك فى قصة التأمين , بعد سؤال ناس كتير جدا .معظم الناس اجمعت على شركة اليانز,
وفية بعض الناس قالولى خليك مع شركة التامين اللى مع الوكيل (المشرق احد شركات مجموعة الفطيم) عشان تريح دماغك من قصة الورق واللف. انت اية رايك فى القصة دى؟

تانى حاجة انا عاوز اركب فرش كويس لعربيتى لان فرشها هايكون بيج فمحتاج حد يكون جامد ومحترم


وشكرا تانى لزوقك واخلاقك
م/ محمد بيومى

يا نهار ابيض يا بشمهندس
أنا اسف جداً اني مرددتش عليك على طول أنا لسه شايف رد حضرتك ده حالاً مش عارف ازاي انا كنت مسقط الفتره دي كلها ومخدتش بالي من الرد ده أنا بقلب في دفاتري القديمه لقيته بالصدفه
واسف تاني مره ان انا مباركتلكش على العربيه الجديده معلش متاخره اووووووووووووي بس 1000 مبروووووك عليك الياريس وربنا يحفظهالك
بخصوص تجربه العربيه ميرسي كتير لذوقك بس أنا وانت واحد قولنا بس انت رايك فيها ايه وهبقى اكني جربتها بنفسي بالظبط ( أظن اديتك وقت كفايه عشان تجرب ويبقى رايك عن العربيه دقيق )
بالنسبه للتامين اكيد حضرتك امنت خلاص وعلى العموم أنا خبرتي في شركات التامين ضعيفه وعمري ما امنت على حاجه عشان كده مكنتش هقدر افيدك اوي
مش عارف بقى انت عملت فرش ولا لسه بس لو كنت لسه عاوز تعمل فرش فممكن تروح لجينز كار في مدينه نصر شغلهم زي الفل بصراحه
وده لينك موضوع انا كنت عامله عن فرش الماتريكس من عندهم بص عليه وشوف شغلهم
http://www.nilemotors.net/Nile/360102-a-3.html

معلش بقى تاني عشان الرد متاخر جداً ومتنساش بقى تقولي الياريس اخبارها ايه معاك

الف مبروك ياغالى ربنا يملهالك بركه

مبرووووووك من الاعماق والى الامام وبالتوفيق يارب

المشاركة الأصلية كتبت بواسطة ahm.mega007

الف مبروك ياغالى ربنا يملهالك بركه

الله يبارك فيك وربنا يتقبل منك الدعاء ويطرح البركه علينا جميعاً