انضميت لقسم كيا ولله الحمد
ازيكم يا شباب
أنا الحمد لله انضميت لاصدقائنا وحبايبنا في قسم كيا بفضل ونعمه من ربنا بعد ما استلمت يوم الاتنين الماضي كيا ريو ex سيدان وكيل
والحمد لله رغم اني لسه مركبتهاش كتير ومكملتش بيها 300 كم على بعض بس راضي عنها جداً حتى الان صحيح انا لسه ملحقتش أختبرها بالشكل الكافي بس من الاستخدام الاولي كده أنا متفائل منها خير وحاسس انها افضل من ما كنت متوقع
بس ليا سؤال بقى بالنسبه للصيانات أيه افضل مكان ممكن الواحد يعمل فيه الصيانه ويفضل لو كان في نطاق شرق القاهره وهل الواحد يعملها في التوكيل افضل سواء كان القطاميه او روكسي ولا المراكز المعتمده افضل زي السبع في المعادي او المركز اللي عند الكيلو 4.5 على طريق السويس او الميكانيكيون العرب في جوزيف تيتو أو اي مراكز تانيه ترشحوها ليا
يالا بقى يا شباب همتكم معايا بقى وخدوا بيدي لعالم الكيا ما انتم عارفين بقى الغريب اعمى ولو كان بصير وانا خبرتي السابقه كلها هيونداي فمحتاج منكم التصيحه
وسال تاني معلش محدش يعرف مكان الواحد يجيب منه دواسات تكون محترمه ومميزه غير اللي مغرقه شارع دمشق ومفيهاش اي جديد
أنا عاوز حاجه مميزه وشيك وفخمه وللاسف الاورجينال غاليه قوي لما سالت عليها في التوكيل قالولي 500 جنيه مش عارف بقى كمان السعر ده شامل الضريبه ولا لأ فلو حد يعرف حاجه كده ياريت يقول لي