الموضوع: التغطية الرسمية لعيد ميلاد نــــــــــــ موتورز 7 ـــــــــــايل

المشاركة الأصلية كتبت بواسطة solyahmed

عيد سعيد ولي بعض التعليقات البسيطة
اولا لماذا يتم توزيع استيكر لبعض الاعضاء دون غيرهم وحتى ولو علشان اعمل شو علي الطريق طيب ما اوزع الباقي في الاوتيل للناس الي حضروا من اماكن تانية ابعد وصحيين من الفجر او الناس اللي حضروا علي الفندق مباشره ولم يحضروا تجمع البوابات مش دول برضوا اعضاء .
ثانيا : بالنسبة للتمبوله عايز اعرف هل كل اسماء الناس كانت موجودة في الكاس اللي بيسحبوا منه ؟ طيب لية لما كريم سأل في حد ما كتبش اسمة ناس كتير رفعت ايدها ؟ طيب لو افترضنا زي ما قالت مدام سما الاسماء من كشف الحضور طيب اسمي مش مكتوب في كشف الحضور مكتوب س يعني هي كتبت ورقة فيها س
طيب العضو اللي كان جاي معايا وهي متعرفش اسمة ولا مكتوب في الحضور هل يعني اسمة كان مكتوب في سحب التمبولة ؟

ثالثا مين قال اللي اتكرم استبعد من سحب التبموله طيب العضو الاول تنازل عن الجائزه وكان متكرم والعضو التاني الحاج احمد ابراهيم متكرم برضو كل اسماء الناس اللي تم تكريمها مكتوبه في التمبولة .
واخيرا بعد المسافة حرمت ناس كتير كان نفسها تحضر ما عندهاش عربية او لسة بيعها وعيد الميلاد ده كان ينقصة الحاج احمد مشعل و محمد شنوري وشخصيات كثيرة مميزة كانت موجوده في عيد الميلاد الماضى
كل عام وانتم بخير

كل سنة وحضرتك طيب
اسمحلى ارد على حضرتك نقطة نقطة
اولا : تم التنويه في موضوع تاكيدات الحضور على وجود مفاجأة للاعضاء اللى هيحضروا عند نقطة التجمع وكريم اشار لضرورة الحضور بدرى عشان يلحقوا المفاجاة
اللى هى الاستيكرات اللى تم لزقها على السيارات والهدف الاساسى منها هو تمييز جروب نايل موتورز في طريق السخنة للتعبير عن الايفنت واخد صور تذكارية في الطريق اثناء مسيرة السيارات واللى حاولنا تكون بسرعة محددة وبشكل معين وتطوع ياسر الصياد بالحضور بعربيته اللى فيها فتحة سقف عشان يتم التصوير من خلالها وتطوع عبدالرحمن خالد بالتصوير

ثانيا : التمبولة حضرتك كتبت الاسماء بنفسى اثناء التجمع للتكريمات واكيد اعضاء كتير شافونى بنفسهم اثناء تسجيل الاسماء
بالنسبة لان مكتوب اسم حضرتك س فالحمدلله عارفين اسم حضرتك واتكتب كما هو وحتى لو كان اتكتب س فاكيد عارفين مين س او على الاقل اذا تم اختيارك كان كريم هقول س
زى ما قال شاركى واحنا عارفين ان اسمه احمد سعيد بس كتبناه باليوزر نيم بتاعه المعروف بيه عالمنتدى
بالنسبة لصديق حضرتك او اى ضيف مرافق او زوجة او اولاد فكل دول تم استبعادهم من التمبولة لان التمبولة دى مقدمة لاعضاء المنتدى فقط وكريم كان نوه على ان كل العروض والخصومات والهدايا مقدمة لاعضاء المنتدى فقط وكمان اللى مسجلين في المنتدى قبل تاريخ الاعلان عن المقابلة وبعدد 100 مشاركة على الاقل

ثالثا : حضرتك تم الاعلان اثناء الحضور وقبل اجراء التمبولة ان كل الاعضاء المكرمين من قبل المنتدى تم اقصاءهم من تمبولة هدايا نايل موتورز واعتقد الاعضاء اللى كانوا واقفين اثناء السحب على مقربة من التمبولة شهدوا بنفسهم قلة عدد الاوراق الموجودة داخل الوعاء الزجاجى وايضا شاهدوا اضافة اوراق من تم اقصاءهم مرة اخرى للتمبولة المقدمة من الحج احمد مشعل
حيث انها ليست مقدمة من نايل موتورز ليتم اقصاءهم عنها

واخيرا المسافة دائما هتكون عائق للبعض سواء كان المكان القاهرة او الاسكندرية او ايا كان
حيث ان المنتدى يضم اعضاء من كافة انحاء مصر والعالم ايضا و لعلم الحاج احمد مشعل لديه ظرف قهري منعه من الحضور سواء كان الاحتفال في القاهرة او الاسكندرية واعتذر عن الحضور اكثر من مرة لكريم منير ولم يمنعه حضور احتفال سابق في رأس سدر اي مسافة ابعد ولا في الاسكندرية وهي ايضا مسافة ابعد
سعينا جاهدين على مدى اكثر من شهر ونصف من التحضير والاتصالت والترتيبات والاجتماعات وطلب العروض وتحضير الهدايا وعشرات التفاصيل للخروج بالاحتفال بالشكل اللى ظهر لكم متمنيين اسعاد وارضاء الجميع
نعتذر عن اى تقصير او ازعاج او ضيق ربما تسببنا فيه للبعض دون قصد او عمد ونعتذر اذا لم نستطع ارضاء الجميع او الوصول بالمقابلة للمستوى الذي توقعوه او تمنوه

نتمنى ارضاء الجميع في المرة المقبلة ان شاء الله