الموضوع: ارجو المساعدة فى تغير موتور التيجو

تعديل التيجو الى ماتور لانسر اوتوماتيك يدخل في 15 الف ج ....

الكلام دا جايبه من المتحدة بس هما مش شغالين فيه ...

خد بالك التيجو مش زي 516 في التعديل دا ....... هيكون فيه اختلاف في القواعد

الماتور الانسر 2000 اوتوماتيك سعره بكل مشتملاته من دواسات وعصاية فتيس وضفيرة وكنترول 10 الاف ج
شغل كهربائي من 1000 الى 1500 ج
شغل ميكانيكا وتعديلات ب 2000 الى 2500 ج

يعني الليلة من 14 الف الى 15 الف


انصحك تعمر الماتور بتاعك .. مش هيصرف اكتر من 6 الالف جنيه دا لو الماتور سايح في بعضه ....
ولو هتعمر يبقى روح للمتحدة لانهم ممتازين في موضوع العمرات بصراحة بس غاليين شوية ...


انت ممكن تغير لماتور لانسر في حاجة واحدة بس ....... ان يكون عندك تيجو 2000 اوتو ... ويكون الفتيس والماتور بايظين

او الفتيس بايظ والماتور تعبان ..

ساعتها التكلفة هتكون متساوية ... لان فتيس التيجو هيعمل 10 الاف والماتور هيعمل 6 تقريبا

... دا غير ان تقريبا محدش عدل التيجو الى لانسر قبل كدا ... او يمكن حالات قليلة جدا ...

وكمان لما تيجي تبيع العربية هتخسر كتير قوي لان محدش بيحب يشتري عربية ملعوب فيها

يا جماعة بعد لف واسئله كتير صاحبى ودا العربيه تسقط ماتور لانسر ٢٠٠٠ وحعمل لكم تقرير كامل بعد الانتهاء من التعدبل والتجربه