سلامه عليكم
كنت عاوز اسأل حضراتكو السؤال ده عشان واحد صاحبي كان عاوز يجيب عربية في حدود السعر ده
وياريت اللي معاهم العربيات دي ينصحونا
وشكرا مقدما
مع السلامة
عرض للطباعة
سلامه عليكم
كنت عاوز اسأل حضراتكو السؤال ده عشان واحد صاحبي كان عاوز يجيب عربية في حدود السعر ده
وياريت اللي معاهم العربيات دي ينصحونا
وشكرا مقدما
مع السلامة
رأى الشخصى بالترتيب:
1- لانسر
2-سيريون
3-سيتى
هو ليه صاحبك مفكرش فى الياريس ؟؟
أنا رأي الانسر و على ما أظن من واقع تصفحي في هذا المنتدى أن معظم الناس هيوافقوني و كان في استفتاء عن العربيات في فئة الانسر و كان أكتر عربية حازت على أصوات الأعضاء هي الانسر
هى عملية نسبية
لو انت بتدور على عربية صغيرة يكون ادائها عالى, و فى نفس الوقت فيها كماليات عالية يبقى السيريون
السيريون ب 85 الف فيها كل حاجة ABS, EBD, 2 airbags, cd player, ده غير جنوط كمان
لو عاوز عربية سيدان و فارق معاك سعر اعادة البيع اوى, و بتغيير كتير و صيانة سهلة يبقى الانسر
اما لو عاوز عربية من ريحة الهوندا, موفرة جدا جدا فى البنزين, واسعة جدا من الداخل و ادائها جيد جدا يبقى خليك فى السيتى
الاحسن تقولنا انت عاوز ايه من العربية؟
طيب ممكن تخلية يبص على الجين 2 ممكن تعجبة برضة و فيها كماليات عالية جدا و موتور و ثبات و صاج ممتازين :)
الف شكر عالردود
العربية دي لاهل صاحبي يعني الجين 2 مش هتنفعهم بس شكرا عالاقتراح والاهتمام
همه عاوزين حاجة في حدود اواخر السبعينات ولانسر 1300 خليجي في معارض عارضاها ب79 همه كانوا بيفكروا في النوبيرا بس قلتلهم لو عليوا شوية وجابوا حاجة ياباني يبقى احسن واريح بكتير
اللانسر لانسر بس ال1300 خليجي حكاية ان مفيش ضمان مهمة؟؟؟ وياريت حد يقوللي 1300 المصري بكام
والسيريون بحوالي 75 نفس سعر النوبيرا
السيتي بقى عاجباني جدا جدا ولو انا مكانه كنت قلت لوالدي عليها بس ب83 وده عالي عليهم فلازم يقنع والده بالفرق اللي يخليه يفضل سيتي على لانسر ام 79000
فياريت اي نصايح اقدر اقول له عليها في الاختيار ما بين التلاتة دول
والف شكر عالاهتمام
على فكرة فية معارض بتبيع لانسر خليجى بضمان زى الرواس مثلااقتباس:
اللانسر لانسر بس ال1300 خليجي حكاية ان مفيش ضمان مهمة؟؟؟
و انا راى لو هية للعائلة يبقى ممكن يفكر فى الياريس عربية واسعة و شنطة واسعة و ناعمة جدا جدا فى السواقة و موتورها نفس موتور الكورولا و فيها 2 ايرباج بس بالسعر دة هية حتبقى فى اوائل الثمانينات و بتبقى تكييف و باور و كاسيت و 2 ايرباجز
شكرا على الاهتمام
الانسر اسعارها مختلفة اوي ممكن عند تاجر تلاقيها ب 85000 وتاجر تاني 79000 وهكذا