الموضوع: الفسيبا البستم . كام استفسار كدة d:

خليك فى المتوسيكل البوكسر رخيص وجديد فى حدود 5.5 ألاف . الفسبا البستم تقريبا ليس يوجد جديد والمستعمل مش مضمون 100 فى 100 و هتدخل فى تصليح وعك كتير أو أشترى متوسيكل بوكسر كسر زيرو يعنى عامل فى حدود 10 ألف كيلو هتلاقى سعرة حنين وممتاز ولسة جديد .. الترخيص 3 سنوات شامل كل حاجة فى حدود ألف جنية لو هتشترى مستعمل خلى المالك القديم يعمل لك توكيل وشهادة مخالفات وممكن تمشى بية شوية لغاية نهاية الترخيص أو لو حبيت ترخص على طول براحتك .. وبالتوفيق

المشاركة الأصلية كتبت بواسطة alaavirus

السلام عليكم يا شباب
واحشنى والله من ايام العربية ال 126 الى طلعت ايمانى :(
المهم يا شباب الواحد اتخنق من التكاتك والمهرجانات والزحمة والعطلة واديك فى الارض مش عارف واية وسقف اية .
المهم انا قررت اجيب فسيبا ومش موتوسيكل لازم فسيبا لانى بكره الموتوسيكلات .
قررت اجيب فيسبا بسم ومش ناوى على صباب لعدة اسباب اعتقد كلنا عارفينها .
المهم كنت عاوز اعرف
هل هى منجزة فى المشاوير ولا لا ؟
موفرة فى البنزين ولا لا ؟! يعنى مثلا التانك اد اية ويعمل كام كيلو فى المتوسط ؟
سعرها مستعمل يبدأ من كام ؟ والموديلات المتاحة اية ؟
الترخيص ازاى وسعر الضريبة كام ؟
وهل لو سجلتها بأسمى لازم ارخص من الاول ومصاريف التسجيل ونقل الملكية كام ؟
ولازم شهادة مخالفات زى العربية ولا لا ؟!
واية موضوع المارش ده وده بيزود من تمن الفسيبا ولا لا وبيزود قد اية واية لازمتة ؟
وهل الفسيبا دى فيها اوتوماتيك واية لازمتة برضة ؟ وهى فيها غيارات اصلا ولا لا ؟
ده لحد دلوقتى d :copy of majd(4)::

فى الاول عاوز اوضحلك نقطة صغيرة الفيزبا فيها ميزة الاستبن الموتسيكل مفيهوش العيب فى الفيزبا ان لو الجنوط مش تيوبلس لازم اول ما الفردة تنام تغيرها وانتا فى مكانك متتحركش عليها الموتسيكل سهل شوية ممكن تقد على التانك وتمشى لاقرب بتاع كاوتش بس لو الموتسيكل شنبر مش تيوبلس فك وتركيب العجلة صعب شوية نجاوب على الاسئلة بقا منجزة طبعا بس فى المشاوير الصغيرة عكس الموتسيكل الفيزبا سرعتها قليلة واخف فى الوزن البستم لا مش موفرة فى البنزين بصراحة مش فاكر بتعمل كام كيلو لانى مكنتش بحسبها سعرها مستعمل هو مفيش جديد اصلا اخر موديل نزل كان 2007 وعلى حسب الحالة بتاعت الفيزبا بس يعنى لو هنفترض ان حالتها كويسة ورشت مثلا جنبين ورفرف وحلت بستم بالسلندر بس ممكن 5 او 6 الاف انا برضو مش متابع البيع والشرا بقالى فترة طويلة الموديلات زى ما ذكرت لحضرتك اخر موديل كان 2007 بس دة هندى مش ايطالى بيتهيالى الايطالى كان اخر موديل فية 2000 او 2001 مش فاكر بصراحة بالظبط مصارف التسجيل مش عارف بعد القانون الجديد دة فى تراخيص اصلا ولا اية النظام بس انا لما روحت سجلت سنة واحدة وكان موتسيكل جديد دفعت حوالى 300 ج وطبعا لازم شهادة مخالفات وبيانات المارش دة زى الموتسيكل كدة فى فزب نزلت بمارش بس قليلة شوية وبيزيد من سعرها اة لو شغال دلوقتى معنديش معلومة بيزود من سعرها اد اية بصراة ولازمتة انك بدل ما تدور الفيزبا بالمنافلة تدورها بالمارش لا مفيش منها اوتوماتيك لو عاوز حاجة اوتو يبقا تجيب اسكوتر ايوة فيها 4 غيارات ومور الى هو n
فى الاخر نصيحة منى كدة خليك فى الصباب كويسة وبنت ناس بس المشكلة ان هنا الناس بيعاملوها معاملة الموتسيكل وبهدلة علشان كدة بتتبهدل على طول هيا الحاجة الوحيدة الى فيها انك بتحتاج تغير الكاتينة بيتهيائلى كل 200 الف كيلو ودة صعب نسبيا انك تلاقى ميكانيكى يظبها بس مش مستحيل ياريت يكون كلامى افادك ولو فى حاجة غلط ياريت حد يخش يصحلها

المشاركة الأصلية كتبت بواسطة alaavirus

تسلم لى يا باشا :)
وجزاكم الله خيرا ..
بس انا كما ذكرت موضوع الصباب والموتيسكلات جاتلى منهم عقدة .
فانا مركز على الفسيبا البسيتم عشان حمالة اسية بناء على كلام معظم الناس .

كدة تم الآجابة عن سؤالك علشان قولت أنك منتظر الآجابة فى موضوع أخر وبالتوفيق

المشاركة الأصلية كتبت بواسطة alaavirus

جزاكم الله خيرا على الرد ..
ولكن انا بكره الموتوسيكلات عمى :)

انت وزنك كام اخى