السلام عليكم
اخوانى الكرام معايا نسيان صنى ex 2011
المشكلة : ارتفاع العربية ( بتحك معايا فى المطابات) ومش لاقى حل
اعمل ايه عشان ارفعها عن الأرض شوية
عرض للطباعة
السلام عليكم
اخوانى الكرام معايا نسيان صنى ex 2011
المشكلة : ارتفاع العربية ( بتحك معايا فى المطابات) ومش لاقى حل
اعمل ايه عشان ارفعها عن الأرض شوية
فى حلين
تركب علايات فوق السوست
أو
تغير السوست بسوست عربية أعلى منها و تركب عليها
الحل الأول أسهل و أرخص
الحل الثانى هيغير إحساساك بالعفشة, يعنى ممكن تكون اليايات أنعم شوية تخلى العفشة ناعمة و ممكن تكون ناشفه, على حسب, و هتتكلف أكتر
فى كلا الحالتين, ثبات العربيه على الطرق السريعه (على سرعه عاليه) هيقل عن الأول
ربنا يسلم طريقك
طب لو هكبر الجنط الى متركب جنط 15 الأصلى بتاع العربية
لو هحط جنط 16 هيعلى العربية شوية ولا يعمل مشاكل
أنا مش عارف أزاى العربية بتحك العربية دية عالية عن الارض أكيد أنت عندك مشكلة فى السوسست راجع العفشجى الاول لو عيب سست غيرهم طبعا
متابع .
فعلا العربية بتحك ف المطبات الغشيمه لو محمل حجات كتير ف الشنطه
الحمد لله واحد شهد
انا رحت التوكيل قالى مفيش حاجه
فعلا شهادة ناس كتير قالت الصنى واطية شوية
فقت اعمل حاجة
نوع العربية نسيان صنى موديل 2012 الشكل القديم
نوع الجنط عادى مقاس 15 ده من السوال ( نرجوا من الأخوه يكدولى المعلومة) ويقولولى مقاس الكوتش كام ، نوع الكوتش الى جاى من التوكيل متغيرشى
قلت اغير المقاس 15 الى 16 وغير الكوتش فالعربية تعلى شوية ( نرجوا من الأخوه يكدولى المعلومة دى تنفع ولا تعمل مشكلة)
وشكرا
نرجوا من الأخوة المساعدة
معلش يا باشا انا معايا صنى 2005 وهى واطية عن عربيتك كانت بتحك كتير فى المطبات وسمعت عن قصة رفع علبة الشكمان لفوق ..ورحت لكذا واحد وقالوا مينفعش ترفعه لغايه اما واحد رفعه بكل سهولة مجرد انه زقه لفوق وفرقت معايا كتير فى المطبات فممكن تجرب وتشوف
المشكلة مش فى الشكمان
المشكلة فى ارتفاع مستوى العربية
المطبات زبااااااااااااااااااااالة بتحك معايا
ومش عارف اعمل ايه
ناس قالت كبر الجنط لى 16
منتظر الأخوة تاكيد المعلومة
يا باشا معلش مانا عارف ان انت بتكلم عن ارتفاع السيارة وعلبة الشكمان بتبقى نازلة شوية عن ارضية السيارة فبتلاقى معظم الخبطات فى الشكمان وهيفرق معاك حتى وانت بتاخد مطب بالجنب حتى
ما هو الحل عشان نعلى العربية شوية
هل تغير مقاس الجنط الى 16 هيفرق ولا يقصر على العربية
نرجوا من الأخوة المساعدة
ازاى الكلام دة يا رجالة
انا معايا نفس العربية 2013 شكل قديم
وانا فاضى العربية تمام، وانا معايا نفر او اكتر فالكنبة اللى ورا بتحك في كل حاجة تقابلها
العربية فعلا واطية جدا جدا من تحت وخصوصا الحته الى عند علبة الشكمان
دة انا تعبت نفسيا منها من كتر ما بتحك في المطبات
انا بقيت انزل الناس اللى ركبين معايا لو عاوز اعدي مطب غبى او اخده بالعرض علشان متحكش معايا
اعتقادى الشخصى والله اعلم الكاوتش الاعرض هيديك ثبات اكتر لكن مش هيأثر على ارتفاع العربية في حاجة
والحل زى ما الرجالة قالو تعلى العربية وتحط علايات فوق السوست لكن الثبات هيقل وقتها
وبرضو مستنين راى يفيدنا انا نفس مشكلتك بالظبط
ياجماعخ العيب مش ف العربيه
العيب ف المطبات
انا معايا شاهين وبتحك في المطبات
في حل يرفع لك العربية 1 سم بدون تغيير الجنط، وطبعا الناس هتقول 1سم هيعمل إيه، ده هيفرق كتير لأنك بتحط في الأرض بكام مم
عموما هو تغيير مقاس الكاوتش لمقاس شفته بالصدفه عند بريجستون وهو r15 195 65 لأن المقاس الاستوك اللي عندك 185 65 ولو كان الكاوتش عندك قديم فهيكون الجديد كده كده أعلى من القديم علشان نسبة التآكل في القديم
متابع
متابع
كلام خاطئ اللى حيعلى ويوطى الرقم65 لو استبدل ب70 حتعلى العربيه 2.5 سم
لو بدلت الجنط ال15 بواحد 16 والسمك فى ال15 65 وفى ال16 60 معملتش اى حاجه ممكن بسمك65 مع ال16 تعلى 2.5
الخلاصه
لو عايز تعلى كاوتش مقاس كاوتش70 يرفعك2.5 سم
واى حد عمل تعليه للشكمان حتفرق لو 1 سم
والعلايات افضل من تغيير السوست حتجيب معاك 2 سم
يعنى ممكن توصل ل4.5 سم علو و1سم رفع شكمان وتظبط معاك بس على حساب الاتزان على السرعات العليه(مش فى العدل تبان فى الغرز)
اكيد هاياثر علي اتزان العربيه
اغلبية الناس الى سالتهم
قالو هياثر على العفشة أذا مكنشى انهرضة هياثر مع مرور الوقت
لان الكوتش مع الجنط معمول عليها تجارب كتير
وطبعا ده افضل ارتفاع للعربية
بس هنعمل ايه فى امر الطرق الى عندنا فشخة الواحد
ودلوقتى المفروض اغير الكوتش فالواحد مش عارف يعمل يجيب المقاس القديم تانى ولا يعلى ولا يعمل ايه بالضبط الواحد احتاااااااااااااااااار