تركيب تليفزيون lcd على الحائط
او بمعنى ادق نقله من شقة لشقة او غرفة لاخرى
لازم الشركة ولا الواحد ممكن يعملها لوحده
لانى قريت لزميل هنا انه حاول يعملها وكسر الشاشة
عرض للطباعة
تركيب تليفزيون lcd على الحائط
او بمعنى ادق نقله من شقة لشقة او غرفة لاخرى
لازم الشركة ولا الواحد ممكن يعملها لوحده
لانى قريت لزميل هنا انه حاول يعملها وكسر الشاشة
صديقي العضو
الموضوع سهل بس محتاج حرفيه الادوات شنيور ومفك
تقبل مروري zeco
موضوع بسيط جدا بس محتاج مفك وشنيور وميزان مايه
الموضوع بسيط.
نزل الشاشة من علي الحامل. وسيب الجزءين اللي راكبين بالطول فالشاشة من ورا. وفك الحامل من الحيطة وحطه عالحيطة التانية مظبوط من غير ميل ( ممكن تاخد المقاسات من الارض عشان تضمن ان مفيش مفيش وعلم بقلم مكان المسامير. وبعيدين شيله واخرم فالحيطة بالشنيور ببنطة نفس مقاس الفيشر ( فالغالب بتبقي ١٠ مللي ) وبعدين دخل الفيشر ودقها بشاكوش وممكن تحت جبس ابيض فالاخرام قبل ماتدخل الفيشر. تسيبه لحد ماينشف.
تحط الحامل بقي عالحيطة وتركب المسامير وتربطها كويس وبعد ماتربطها شد كدة الحامل بايدك واتاكد انه ماسك وبعدين علق التليفزيون عالحامل وبيبقي فيه مسمار كدة عشان التليفزيون ميتحركش.
لو فيه حاجة مش واضحة قولي ياباشا.
بتوع الشركة يا أحمد بيه بيقولوا أتصل بينا علشان الشاشة ممكن تتكسر .... وطبعاً لان الشاشة تمنها شيء وشويات فالعميل بيخاف جداااً والخوف عدو النجاح .
لكن هيا بالظبط كأنك بتعلق برواز على الحيطة ... بس خلي بالك أذا الشقة أيجار قانون جديد حرام تعمل كده ويفضل وضع الشاشة في أي حته فوق كوميدينوا أو تسريحه أو اي طربيزة ...لان صاحب الشقة لمن يجي يستلم الشقة ويلاقي أخرام الشاشة على الحيطة هيتجنن .ومش بعيد انو هيصادر التأمين ويطالبك بفلوس زيادة ... وبالتوفيق وتحياتي .
الف شكر يا رجالة
ونشوفكم فى الفضائيات
اعملها انت بس بحذر
ولا داعي لحد