الحمد لله اشتريت باسات موديل 2000 اتوماتيك لو حد عنده معلومه مفيده

**munse2004** · 13-04-2014 03:15 PM

الحمد لله اشتريت باسات موديل 2000 اتوماتيك لو حد عنده معلومه مفيده
جزاكم الله خيرا

**mahmoud_ali** · 13-04-2014 04:36 PM

مبروك وربنا يباركلك فيها

**munse2004** · 14-04-2014 09:29 AM

شكرا ليك ا/ محمود

**Ahmed Saad** · 14-04-2014 03:08 PM

بص يا باشا اولا الف مبروك وربنا يديك خيرها ويكفيك شرها
ثانيا:الصيانه ثم الصيانه هتغير سير كاتينه وبليه كاتينه وسير مجموعه وسير التكييف وطبعا زيت موتور وفلتر بالنسبه للسيور خليك في الكونتننتال انضف حاجه بعد الاصلي والبليه SKF وبيتغير كل 40000كم والتكلفه لكل السيور حوالي 800ج غير التركيب وزيت الموتور احسن حاجه مجربها ليها توتال كوارتز 5000 ب 125ج بعد كده تغير زيت الباور ب زيت gunk علبه صفرا امريكي والزيت لونه ابيض ده برضه افضل حاجه لطرمبه الباور لانها بتنعم الطرمبه وبتحافظ عليها وتغير زيت الفرامل ده مهم جدا جدا جدا وتغير زيت DOT4 بتاع توتال كويس والعلبه نص لتر ب25ج وزيت الفرامل بيتغير كل سنتين حتي لو ممشيتش بالعربيه وبعدين تغير ميه خضراء بتاعت موبيل وتنضف دوره المياه قبل التغيير والعربيه بتاخد 7 لتر مياه وبعدين تظبط زوايا وتربط عفشه وترصص عجل وفي الاخر وده مهم جدا زيت الفتيس علشان ده بيتحسب بالمعاد بالضبط هتغير زيت فتيس ابيض وفلتر فتيس العربيه بتاخد 4 لتر زيت ابيض ولازم ابيض ومافيش غيره علشان محدش يفتي ويقولك زيت الاتوماتيك احمر الزيت باعها ابيض مصفر شويه وده اللتر منه ب 90ج في شارع دمشق ماركه فيبي الماني وبيقعد 40000 كم وفيه الاصلي تقريبا تمنه حوالي 275ج ده اللتر وبيقعد 60000كم وفلتر الزيت بتاع الفتيس هتجيبه فيبي الماني ب 80ج ونصيحه ليك العربيات الالماني بالذات صيانتها لازم تكون في معادها علشان تعيش معاك وادائها ميقلش منك ويارب اكون افدتك ولو عايز اي حاجه انا في الخدمه

**mando2002m** · 15-04-2014 04:12 AM

المشاركة الأصلية كتبت بواسطة hitmangate

بص يا باشا اولا الف مبروك وربنا يديك خيرها ويكفيك شرها
ثانيا:الصيانه ثم الصيانه هتغير سير كاتينه وبليه كاتينه وسير مجموعه وسير التكييف وطبعا زيت موتور وفلتر بالنسبه للسيور خليك في الكونتننتال انضف حاجه بعد الاصلي والبليه skf وبيتغير كل 40000كم والتكلفه لكل السيور حوالي 800ج غير التركيب وزيت الموتور احسن حاجه مجربها ليها توتال كوارتز 5000 ب 125ج بعد كده تغير زيت الباور ب زيت gunk علبه صفرا امريكي والزيت لونه ابيض ده برضه افضل حاجه لطرمبه الباور لانها بتنعم الطرمبه وبتحافظ عليها وتغير زيت الفرامل ده مهم جدا جدا جدا وتغير زيت dot4 بتاع توتال كويس والعلبه نص لتر ب25ج وزيت الفرامل بيتغير كل سنتين حتي لو ممشيتش بالعربيه وبعدين تغير ميه خضراء بتاعت موبيل وتنضف دوره المياه قبل التغيير والعربيه بتاخد 7 لتر مياه وبعدين تظبط زوايا وتربط عفشه وترصص عجل وفي الاخر وده مهم جدا زيت الفتيس علشان ده بيتحسب بالمعاد بالضبط هتغير زيت فتيس ابيض وفلتر فتيس العربيه بتاخد 4 لتر زيت ابيض ولازم ابيض ومافيش غيره علشان محدش يفتي ويقولك زيت الاتوماتيك احمر الزيت باعها ابيض مصفر شويه وده اللتر منه ب 90ج في شارع دمشق ماركه فيبي الماني وبيقعد 40000 كم وفيه الاصلي تقريبا تمنه حوالي 275ج ده اللتر وبيقعد 60000كم وفلتر الزيت بتاع الفتيس هتجيبه فيبي الماني ب 80ج ونصيحه ليك العربيات الالماني بالذات صيانتها لازم تكون في معادها علشان تعيش معاك وادائها ميقلش منك ويارب اكون افدتك ولو عايز اي حاجه انا في الخدمه

استاذ ورئيس قسم والله اله ينور عليك يا كبتن احمد زود عليهم فلتر التكيف والهواء بيتغيرو كل سنتين وفلتر بنزين كمان

**Ahmed Saad** · 15-04-2014 11:26 AM

المشاركة الأصلية كتبت بواسطة mando2002m

استاذ ورئيس قسم والله اله ينور عليك يا كبتن احمد زود عليهم فلتر التكيف والهواء بيتغيرو كل سنتين وفلتر بنزين كمان

ازيك يا استاذ محمد ليك واحشه والله عندك حق انا سقطت مني فلتر الهواء والبنزين والتكييف شكرا على التذكره

**mando2002m** · 16-04-2014 02:33 AM

المشاركة الأصلية كتبت بواسطة hitmangate

ازيك يا استاذ محمد ليك واحشه والله عندك حق انا سقطت مني فلتر الهواء والبنزين والتكييف شكرا على التذكره

ولا يهمك يا كابتن ليك وحشة والله حكلمك باذن الله بكرة

**munse2004** · 17-04-2014 07:32 AM

استاذى الفاضل / hitmangate
لا ادرى كيف اشكر سيادتك على هذه المعلومات القيمه والمفيده حقا لى
جعلكم الله عونا لنا .
قال رسول الله صلى الله عليه وسلم: " إن لله خلقاً خلقهم لقضاء حوائج الناس، آلى على نفسه أن لا يعذبهم بالنار، فإذا كان يوم القيامة وضعت لهم منابر من نور يحدثون الله تعالى والناس في الحساب "

**munse2004** · 17-04-2014 07:44 AM

كنت بسأل عن العفشه الاماميه اغير المقصات طقم كامل ولا التالف فقط ومنين اجيبهم استيراد ولا جدادوسعرهم ولو عندك حد بتاع عفشه كويس يفهم فيها ياريت لو تقولى وشكرا
وكان عندى كاوتش وجنوط بتوع اودى 4 16/205/55
ينفع اركبهم عليها

**Ahmed Saad** · 17-04-2014 09:04 AM

المشاركة الأصلية كتبت بواسطة munse2004

كنت بسأل عن العفشه الاماميه اغير المقصات طقم كامل ولا التالف فقط ومنين اجيبهم استيراد ولا جدادوسعرهم ولو عندك حد بتاع عفشه كويس يفهم فيها ياريت لو تقولى وشكرا
وكان عندى كاوتش وجنوط بتوع اودى 4 16/205/55
ينفع اركبهم عليها

بص ياسيدي أولا لا شكر على واجب
ثانيا بالنسبه للجنوط تركب عادي مفيش مشكله طالما هي 5 خرم وانا مركب في عربيتي جنوط نفس المقاس ده مافيش مشكله
ثالثا بالنسبه للمقصات أو الشدادات انا خدتها نصيحه من أشرف الشهابي اللي في شارع دمشق قاللي كل مقصات الباسات الجديد اللي في السوق مضروب الأفضل هات استيراد لأن الاستيراد بيبقى انت اللى بتنقيه وعلى التجربه والاصلي بتاع بلده بس اهم حاجه وانت بتشتريهم تتأكد من البيض يكون تقيل في حركته والجلب مش مشققه أو فيها قطع كده يبقى الشداد اللي بتمسكه في ايديك تمام وهتلاقيهم على بعضهم في الاستيراد رخاص الطقم بيبقى في حدود 1200ج على بعضهم 8 شداد + 2 شداد ميزان وهتنزل الحرفيين في شارع المرسيدس هتلاقي بتوع الفولكس كتير هناك والبضاعه على افه من يشيل وفيه ناس هتلاقيها شغاله باسات بس وبالنسبه للعفشجي فبصراحه مش بتعامل معاهم علشان انا الحمد لله بتعامل بنفسي في العربيه في العفشه بالذات وأي استفسار انا في الخدمه

الموضوع: الحمد لله اشتريت باسات موديل 2000 اتوماتيك لو حد عنده معلومه مفيده

LinkBack

أدوات الموضوع

عرض

-

-

-

-

-

-

المواضيع المتشابهه

انا اشتريت باسات 2000 اعمل الصيانه فين

حد عنده معلومه عن نيسان صنى موديل 97 كوبيه امريكانى

الحمد لله ربنا كرمنى و اشتريت دايو جوليت 1 موديل 2000

معلومه مفيده عن الاطاارت (الكاوتش)

معلومه مفيده عن الأوبترا

الكلمات الدلالية لهذا الموضوع

المفضلات

المفضلات

ضوابط المشاركة