الغى الحجز واريح دماغى من المشاكل

ياجماعة انا لسة حاجز بيجو 301 والمنتدى هناهو اللى شجعنى انى احجز 301 لما لقيت الاعضاء بيشكرو فى العربية ولكن بعد محجزت لقيت المواضيع نازلة ورا بعض فى عيوب فى العربية:Copy of majd(4): من مشكلة فرامل وبيجوهات ومشاكل مع التوكيل وارتفاع اسعار قطع الغيار والصيانة فىالتوكيل بالمقارنة بسيارات اخرى فى نفس الفئة وفئة اعلى كمان ولقيت كل الناس بتشتكى نفس الشكوى . يعنى الموضوع مش واحد ولا اتنين لا دة كتير بيشتكو نفس الشكوى وانا بصراحة بعتمد على المنتدى من زمان من اراء الاعضاء اللى فيه و المنتدى كان سبب اختيارى للبيجو 301 بالمقارنة بسيارات اخرى فى نفس الفئة فانا احترت وخايف يكون اختيارى غلط والعربية هتتعبنى بعد كدة . مش عارف اعمل اية الغى الحجز واريح دماغى ولا المشاكل دى بسيطة والعربية فعلا تستحق انى اشتريها ومش هتتعبنى بعد كدة فى صيانة اوفطع غيار مع ان كل الناس مخوفانى من عدم اعتمادية البيجو وارتفاع اسعارها وعدم توافر قطع غيار لها خارج التوكيل ودة مقلقنى جدا ساعدونى ياجماعة لانى بثق فيكم جدا هل العربية حلوة ونضيفة فعلا ومميزاتها اكثر من عيوبها ولا اية ولكم جزيل الشكر .:shine[1]:

أنا عندي نفس الحيرة برده ..
العربية بالنسبة لسعرها تعتتبر كويسة جدا
اما بالنسبة لتيل الفرامل تقريبا كل الفرنساوي اخويا معاه لوجان و غير التيل علي 12 الف كيلو ... انا شايف ان تغير تيل الفرامل علي 20 الف يعني يعتبر شبة معقول
اما بالنسبة للبوجيهات فجدول الصيانة بيقول انها بتتغير علي اول 20 الف و علي 40 بيكشفوا عليها

تقريبا ال abs بيستهلك التيل اكتر من المعتاد لانه بيزود فترات احتكاك التيل بالطنابير " مجرد تخمين عشان طبيعة عمل ال abs انه الفرامل مش بتمسك علي طول بتقعد تمسك و تفك 15 مرة في الثانية علي حد علمي "

عما العربية كويسة و انا شايف ان حجز الجيش ده حيخلي عدد العربيات منها يزيد و ده ممكن يخلي وفرة في قطع الغيار و ممكن الاسعار ترخص

انا شايف ان حضرتك عارف اللى فى العربيه كويس من مميزات وعيوب ..

بالنسبه لأى حاجه ظهرت فى الفرامل او البوجيهات او التكييف فدى حاجات كلها تعتبر بسيطه ..


بالنسبه ليا انا شايف اكبر عيب ان الاكصدام مش بارز والخبطه بتدخل على الكبوت والفوانيس وبعد كده انها لسه مخدتش اعتماديتها فى السوق فلازم يبقى قطع غيارها غاليه والتوكيل بيستعبط فى الاسعار واعاده البيع تعبانه

غير كده العربيه كويسه .

شكرا لرد حضراتكم لكن العربية فعلا بدات اشك فى مدى اعتماديتها انا لما روحت احجزها واتفرج عليها حسيت انها تحفة وفيها كل اللى بتمناه لكن المشاكل اللى واجهة الاعضاء دى حاجة تقلق ولازم التوكيل يعرف انه لو مغيرش العيوب اللى ظهرت العربية هتخسر كتير اوى لان فعلا العربية كويسة جدا وشايفها احسن عربية فى فئتها السعرية لكن الحلو مبيكملش ودة كلو بسبب التوكيل انه مش بيحاول يغير من نفسه ويسمع شكاوى العميل ويعمل على ارضاء العملاء من خلال تغيير الحاجات اللى ظهرت فى العربية من فرامل وبيجيوهات وهو اللى هيخسر لما تكون عربية لسة فى اول عشرين الف وظهرت كل دة امال فى 100 الف هيغيرو المكنة والله انا مش عارف اعمل اية وخصوصا ان الاسعار فى التوكيل اقصد اسعار الصيانات مبالغ فيها جدا ومفيش مقارنة بنها وبين الفئة السعرية اصلا للعربية ربنا يسهل يارب والتوكيل يحاول يغير العيوب التى ظهرت ويتحمل لو حتى جزء من اسعار تيل الفرامل والبيجوهات مع الاعتراف بعيوب فى قطع الغيار مش زى مهما بيقولو دة استهلاك وربنا يوفق لان العربية فعلا تستحق توكيل افضل من توكيل بيجو هيسوء سمعة بيجو وهينزل كمان من العربية لانها مفروض تكون افضل من كدة سيبنا اية لسيارات الصينى .

اتكل على فيها كل حاجة فيها مميزات و عيوب بس هية كعربية و قيمة مقابل سعر ممتازة و سيبك من كلام الناس لا بيقدم ولا بياخر واللة استخر ربنا فيها و جربها و اتفرج عليها مرة و اتنين و تلاتة و اتكل على اللة فيها

يارب تكون اختيار صح دة انا اتمنى ذلك لانى بصراحة انا مكنتش بتشد لبيجو لكن العربية دى قدرت تجذبنى فيها كل شى وكل اللى انا عايزه مقابل سعرها وانا بعتبر سعرها معقول وفعلا اقتصادية لكن التوكيل بيحاول يجمع فلوس باى طريقة على حساب العميل و من الصعب توكيل يقول انه هو المخطىء وعلية تحمل تكاليفها لكن ذلك لم يحدث ياريت التوكيل يعرف انة بطريقتة دى فى التعامل هيخسر كتير اوى اوى لان المفروض العربية دى يكسب من وراها كتير ويبيع منها كتير وسوقهاا هيبقى ممتاز لكن بطريقة التوكيل هيجعل الواحد يفكر وخصوصا انى حجزت من هنا والمواضيع نزلت تشكتى من العربية ومن سوء النوكيل وسوء قطع الغيار وخصوصا يل الفرامل والبيجوهات ومواضيع تشتكى من التوكيل والاسعار فى الصيانات وان التوكيل بيغير حاجات قبل ميعادها غير تكلفة الصيانة اللى بتوصل الى 1800 جنية كل هذا ظهر اول محجزت قبل محجز مواضيع شكر فى العربية وعن مدى اعتماديتها وان خامتها ممتازة ومواضيع تشكر فى بيجو و تقارير لمميزات السيارة مش عارف كل دة ظهر لية اول محجزت:Copy of majd(4): يارب يكون اختيارى صح والتوكيل يطلع عند حسن الظن ويحترم العملاء ويقلل من تمن الصيانات وقطع الغيار ويعترف بسوء الفرامل ويحاول يغيره باى نوع تانى يكون افضل من المستخدم حاليا و
كذلك البيجوهات وكل ماظهر من عيوب زى الشبكة وزى خرطوم الراداتير وحاول يصلح العيوب لان السيارة فعلا ممتازة لكن بطريقة التوكيل هيخسف بيها الارض وهينزل من قيمتها ويخلى الواحد يعيد نظر فى السيارة حتى لو هى فيها كل المميزات يافرحتى بعرببية فيها كل الاوبشن وفى الاخر تبقى خامتها سيئة واخرها عشر سنين وتنتهى . يارب يطلع كل اللى بفكر فيه مش صح والعربية تثبتلى عكس كلامى والتوكيل يكون عند حسن الظن .

-أنا لو منك أجيب تويوتا ياريس و أنسى بقى العيوب التعبانة دي تيل بيتغير كل 10 ألاف ةو يقولك عيوب مش جوهرية..أركب تويوتا مرحبا بك في قلعة اﻹعتمادية ;)

بص يا سيدي الفاضل
أنا من الناس اللي مدحت فالعربية و شجعت على إقتنائها
و في نفس الوقت صاحب موضوع الشكوى ضد التوكيل

العربية كقيمة مقابل سعر ممتازة جداً
و مش هتلاقي شياكة و لا ركوبة بالمستوى ده في السعر ده
إعتمادية السيارة شئ منقدرش نحكم عليه قبل 5 سنين من دلوقت
لكن حتى لآن دي مجرد إجراءات لحفظ الحقوق و لو مقدرتاش نوصل لحاجة هعمل الصيانات بره زي ال206
أنا متعود على كده أصلا

أنا مش هدخل في نقاشات و جدالات عن الأوروبي و الياباني و الكوري
لكن كنصيحة شراء
معاك فلوس الشارك أو الفلوانس يبقى متفكرش
الياريس لا تنتمي لقلعة الياباني و سعرها كتييييييييييير عليها جدا
لو مش بتهتم بالشكل و الموديل إشتري بومة

الأوروبي مشاكله معروفة من زمان و مش جديدة (مش أي حد يشتغل فيه-التوكيلات بتستعبط-قطع الغيار غالية-الإعتمادية أقل من الياباني بس الياباني بجد)
بس برضه له مزاياه
ثبات-أمان-رفاهية-جودة خامات الصالون و التابلوه

الحمد لله ال301 كسرت عيب عدم إنتشار البيجو
إستخير ربنا
و ربنا يوفقك للخير

بصراحة لو مكان حضرتك
هلغى طبعا الحجز من كلام الاخوة الاعضاء تيل يتغر على 9000 واحد على 16000 ويدفع فيه 650 جنية حق التيل والمصنعية حراااام بصراحة هى العربية بكام اصلا علشان ادفعلها 650 فى تغير تيل وياريته بيقعد اصلا
يعنى لو مثلا هدفع 650 جنية فى تغير تيل البيجو 508 هقول ماشى هيكون فيه نسبة وتناسب

جرب تفكر بره الصندوق و تشوف سوبارو امبريزا
العربية بجد مظلومة كتير في مصر
انا شخصيا جربتها يومين و حسيت فعلا بثبات الدفع الرباعي
هي في جودة خامات الصالون مش زي الاوروبي طبعا
بس تستحق التفكير قيها

اقتباس:

---

المشاركة الأصلية كتبت بواسطة madmant

جرب تفكر بره الصندوق و تشوف سوبارو امبريزا
العربية بجد مظلومة كتير في مصر
انا شخصيا جربتها يومين و حسيت فعلا بثبات الدفع الرباعي
هي في جودة خامات الصالون مش زي الاوروبي طبعا
بس تستحق التفكير قيها

---

و سعرها كام يا ترى
بتيدأ من 175 ألف
يعني فئة تانية خالص ملهاش دعوة بالبيجو من أساس

يعنى افهم من كلام حضراتكم انكم متشجعوش انى اكمل فى حجز البيجو واشوف عربية تانية ... مع انى براهن على العربية دى وبدافع عنها اوى حتى كل صحابى وقرايبى قالوليلى بلاش بيجو عمتا مش 301 واحد بس . لكن اية يكون بديل للعربية لو لغيت الحجز بخلاف الياريس لان ماتورها 1400 ومش عجبانى اصلا ولو فكرت فى الكيا او الهيونداى هزود كتير اوى عشان اركب عربية كاملة ومش عارف العربية ال301 لو هى فعلا دون المستوى لية ضغوطات الحجز عليها وعشان تستلم اقل حاجة 3شهور وغير ان الجيش سحب منها كتير هل كل هذا الاقبال عليها وتكون فى الاخر السيارة دون المستوى ومشاكلها كتير وعدم اعتماديتها واللة انا حيران . ياريت التوكيل يشوف ان فى ناس كتير عايزةتشترى العربية بس خايفة وهو بالطريقة دى هيخسر كتير اوى فى سيارة مفروض يكسب من وراها دهب ويحقق بيها اعلى مبيعات . لكن بطريقتة هيخلى الناس تبعد عن الشراء وتعيد نظر فى العربية ( احترت اوى بجد ) وكل مدخل قسم من اقسام العربيات فى المنتدى اشوف شكاوى لناس من العربيات كلها مفيش حاجة كاملة فعلا . ياريت ملاك العربية يقولو رايهم ايه ويساعدونى ولكم جزيل الشكر . :_Alshmokh15[1]:

مهوا هتلغي الحجز و تشتري ايه؟!! العربية دي برقبة كل العربيات الي في فئتها السعرية زي الصني و الأكسنت و الريو و الياريس!! لو معاك فلوس زيادة يبقى ماشي ألغي الحجز و اشتري حاجة اقوى

دي اول مشاركة ليه هنا ... بصراحة المنتدى هنا رائع والناس محترمة وبتساعد بعد فوق الوصف
انا علي فكرة عندي نفس الحيرة دي بالظبط بس مع الستروين سي اليزيه ... بس بما ان القسم هناك نايم جدا فهتلاقوني علي طول لاجئ هنا اسأل واستفسر لان اللي اعرفه ان العربيتين زي بعض بالظبط فمعلش بقي هتقل عليكما ... الحاجة اللي مستغربلها ان ناس كتير بشوفها عايزة تشتري البيجو او الستروين ومترددة ومش عارفة تاخد قرار زي حالاتي كدا بسبب التوكيل واسعار قطع الغيار ... وان كان توكيل ستروين مختلف وهو عز العرب بس بردو عمل نفس حركة التيل دي مع واحد عامل 16000 كيلو بالعربية

عايز اعرف راى حضراتكم فى الاكسنت ار بى 2014 هل سيارة كويسة ولا بها عيوب لانى لو لغيت حجز البيجو مش معايا ازود فعايز حاجة فى نفس الارنج بتاع سعر البيجو وتكون طبعا سيارة متجربة وكويسة ولقيت ناس بتشكر فى الاكسنت وان قطع غيرها متوافرة جدا سواء فى التوكيل او خارج التوكيل . مش عارف رايكم اية .

حابب اعرف رايكم فى الكيا ريو 2014 من حيث المواصفات واعتمادية السيارة وقطع غيارها

شوف الفولكس بولو سيدان :-)

الخيارات
أكسنت
ريو
بيجو-سيتروين
صني

بالنسبة لواحد زيي إشترى بيجو مانيوال ب108 مفيش خيارات كتير
و لو رجع بيه الزمن هشتري بيجو برضه


لكن لومعاك 136 بتوع الهايلاين أظن اﻷكسنت و الريو مش خيار سئ
لكن هتاخد مميزات مش موجودة فالبيجو زي الصيانة و قطع الغيار
و تخسر حاجات تانية زي الصاج و الشكل و الثبات

إستخير ربنا و ربنا يقدر لك الخير

اقتباس:

---

المشاركة الأصلية كتبت بواسطة m mosalam

حابب اعرف رايكم فى الكيا ريو 2014 من حيث المواصفات واعتمادية السيارة وقطع غيارها

---

الريو الهاى لاين مليانه كماليات بعكس اول فئه فاضيه خالص يعنى مفيهاش غير ايرباج واحد والبيجو تتفوق فى النقطه دى ..

انما اعتماديه الريو اعلى طبعا من البيجو .

رأيى المتواضع الغى الحجز و خليك فى الكورى
عندك ريو و اكسنت بس دور على الايموبيليزر

استخير يا باشا. أنا متأكد من أن سواقة البيجو هتكون أحسن كتير من الكوري. لكن صدقني هتعاني من قلة قطع الغيار. علي فكرة الأسعار في الكوري هتلاقيها عالية بردو.

يجماعة انا استخرت ربنا وقررت اكمل حجزى فى البيجو 301 بعد بحث مابين السيارات اللى فى نفس رنج سعر البيجو لقيت فيهم عيوب مثل الثبات مثلا وان الصاج خفيف وهذه العيوب تاخد امامها اعتمادية قطع غيار صيانة يعنى مفيش حاجة كاملة الكمال لله وعشان كدة مش هلاقى زى البيجو وربنا يسهل والتوكيل يخلى عنده دم ويغير طريقته وتبقى قطع غيارها متوفرة خارج التوكيل مما يسهل فى نزول سعرها عند الوكيل وان شاء الله خير انا حاسس ان العربية دى حلوة اوى اوى فى فئتها السعرية لكن التوكيل هو اللى عامل قلق ولازم يغير طريقتة لان فى ناس كتير بتفكر تبعد عن شراها بعد مكانو مبهوريين بالعربية ياريت شكاوى الاخوة الاعضاء تجيب نتيجة ويحدث تغير فعلى من ناحية التوكيل فى المشاكل التى واجت ملاك السيارة ياريتنى كنت استلمت كنت انضميت معاكو فى الشكوى ضد التوكيل هو الحمد لله العربية مفهاش عيوب صناعة لكن فيها مشاكل زى تلف تيل الفرامل بعد عدد كيلوات قليل بالمقارنة بالسيارات الاخرى والبيوجهات ايضا غير موضوع المروحة اللى بتقطع خرطوم الرداتير وايضا ارتفاع اسعار الصيانات وتعنت الوكيل مع الملاك ارتفاع مبالغ فية لصيانات وتغيير قطع غيار قبل ميعادها ولو التيل الفرامل سىء ياريت يتم تغييره فى السيارات اللى لسة متسلمتش والسيارات التى استلمت يقوم الوكيل بتغيرها لهم فى الصيانات طبعا على حساب الوكيل ويعترف بسوء خامات الفرامل والبيوجهات وياسلام لوعملو حل مثل شبكة على مروحة الراداتير حتى لاتقطع الخرطوم يبقى بجد توكيل ملوش حل ويقوم بتخفيض الاسعار فى الصيانات وقطع الغيار .هيخلى الناس تتسارع بشراء سيارات بيجو مادام الوكيل فى ضهرهم ياريت ده يحصل وميكنش حلم .:ops:

اختيارك موفق ان شاء الله

يارب يكون اختيار موفق ان شاء الله وشكرا لحضرتك جدا .