انا مهندس المسافه بينى و بين عملى 25 كم و منهم 1كم متر طريق ترابى به مطبات
عايز اشترى عربيه لا تزيد عن 30 الف و تستهلك بنزين قليل و تكون قطع غيارها متوفرة
عرض للطباعة
انا مهندس المسافه بينى و بين عملى 25 كم و منهم 1كم متر طريق ترابى به مطبات
عايز اشترى عربيه لا تزيد عن 30 الف و تستهلك بنزين قليل و تكون قطع غيارها متوفرة
السلام عليكم
انت حضرتك ممكن تدفعها مقدمة فى سوزوكى التو 1000 سى سى بالتكيف
او 800 من غير تكيف او لو محتاجة فى 800 بالتكيف و هذة الفئة من السيارات موفرة جدا فى الوقود و على فكرة هتستحمل عشان دى زيرو يعنى انت و استعمالك
مثلا فى الطرق الغير ممهدة تمشى بسرعة قليلة حفاظا على العفشة مع المتابعة الدورية مع التوكيل او لو مش عجباك معملتهم ممكن تتابع ميكانيكى يكون معرفة و امين.
و لو حضرتك عاوز مستعمل يبقى على 128 بس موديلات اواخر تسعينات و تكون حالتها ممتازة
او ممكن برضو من المستعمل هيونداى اكسيل بس ممكن تزود كمان 5000
و تبقى الحالة فوق الممتازة و العربية دى برضو كويسة جداجدا
و شكرا
لو مستعمل وتناسب مشوار حضرتك يبقا
ممكن سوزوكى ماروتى زى مقال الاستاذ(hossam_chixo) وكلام حضرتو فعلا هو ده الصح بس طبعا هيبقا عليها اقساط
او ب 30000 تجيب عربية لادا 2107 حلاتها زى الفل وموتور 1600 وموفرة فى البنزين وشكلها كويس بردو وقطع غيرها ببلاش واى حد بيفهم فيها وممكن لاحقا تركب لها تكييف (طبعا ولادا دى شغالة تاكسى فى القاهرة الله ينور 24 ساعة عربية زى الفل )
وممكن فيات ريجاتا ركوبة كويسة وحالتها زى الفل وصالون وشنطة واسع وقطع غيار متوفرة ومجهزة لتكيف وشكلها كويس
طبعا فى بعد كدة بس محتاجة 5 الى 10 الاف عشان تبقا حاجة تمام زى الكورى مثلا بانواعة
ودة من وجهة نظرى الشخصية والله اعلم
زودعليهم 3 الف واشتري كيا برايد كوري بنكيف
لو عايز انا اعرف واحد بيبع عربيتة
504 اكيد من غير كلام
يابشمهندس مادام فى كيلو فى مدقات ترابيه يبقى ولا عربيه من دول تنفع معاك ونصيحه بلاش تجيب زيرو عشان هاتتبهدل ومش هاتستحمل لان العربيات الزيرو اللى بيقولولك عليها حلوه فى المدينه لكن السفر المستمر والمدقات ما تستحملهاش زى الماروتى واللادا كمان عفشتها ماتستحملش وفيها 16 بيضه معرضين للفلت فى اى وقت وبعد 3 شهور هاتعوم منك وتشخلل
دور على عربيات الرفاهيه فيها اقل لكن عفشتها قويه او مفيهاش عفشه زى البونى موديل 80 هى شبه الداتسون لكن مفيهاش عفشه
ايييييييييييوه مفيهاش مفشه او بمعنى اصح عفشتها نص نقل بس هى انعم منها شويه والموتور هادى وقوى ويابانى ميتسوبيشى وقطع غيار الموتور موجوده وفى منها ال 1200 و 1400
ومن مميزاتها ان المستعدين بتوعها قويه جدا جدا واما تضرب العربيه دى على ورق وياى والياى ده بيخليك تقدر تشيل المساعدين وتمشى من غيرهم اصلا
ايييييييييييييييييوه تمشى من غير مساعدين نهائى وبتفرق بس انك ماتقدرش تاخد الملفات الحاده بسرعه لان العربيه بتميل اكتر من المعتاد
العربيه دى مع والدى ولحد النهارده مش راضى يبيعها
النضيف منها ب 18 الف والتعبان منها ب 12 الف بس ماتتركبش
لو معاك 30 الف هاتها للشغل واصبر شويه وهات ماروتى للخروج والاتنين مابياكلوش بنزين وبكده هاتحافظ على الماروتى ده لو وقع اختيارك عليها ومن ناحيه تانيه تبقى وفرت لنفسك مواصله للشغل وماتشيلش همها
وناس كتير بتعمل كده
اعتبر عربية الشغل دى كان لم تكن واشترى بيها راحتك وطبعا مايهمش شكلها
على اد مالمهم اداءها
انا ببيع ال128 بتاعتي موديل 2006علشان مسافر
شوفها هنا
http://www.nilemotors.net/Nile/showt...954#post437954
لو عاجباك كلمني حنزلك في سعرها طالما حتروح لواحد محترم زيك وزي بقية اعضاء المنتدى الجميل ده
سلام
انا عندي دايو مانيز 99 موفره جدا في البنزين تعمل في الصفيحه حوال 400 ك الحاله جيده جدا ومكيفه وممكن تزود 1500
دلوقتى ممكن تجيب شاهين اودوجن