بسم الله الرحمن الرحيم
عاوز نصيحه منكم ي جماعه
عاوز عربيه صينى بس تستحمل المشاوير وتكون واسعه وكمالياتها حلوة طبعا
والاهم العفشه تكون حلوة وتعمر معايا
مش كل يوم اخدها توكيل واحتاس بيها
مستنى ردودكم من اجمل منتدى ف الدنيا
عرض للطباعة
بسم الله الرحمن الرحيم
عاوز نصيحه منكم ي جماعه
عاوز عربيه صينى بس تستحمل المشاوير وتكون واسعه وكمالياتها حلوة طبعا
والاهم العفشه تكون حلوة وتعمر معايا
مش كل يوم اخدها توكيل واحتاس بيها
مستنى ردودكم من اجمل منتدى ف الدنيا
emgrand7
لالالالا ياريت ابعد عن جيلى اميجراند خالص مش نازلالى من زور
اى ى جدعان محدش بيرشحلى واحده ليه؟
رأيي سبيرانزا m11 او سبيرانزا انفي
بي واي دي او انفي
عندك byd وانفى و m11
الانفي الافضل في راءي حاليا
عندك الشانا الايدو تحفه موتور 1600 ccاتوماتيك
رأيك هو الصواب يا هانى
و على فكرة كنت هارشحها للاخ اللى بيسأل عن الصينى و فى رأيى الشخصى هى أفضل سيارة صينى سيدان على أرض مصر على الاطلاق توكيل و قطع غيار و وسائل أمان و موتور بلو كور يابانى جبار فى العزم و موفر جدا ً فى البنزين و عالية عن الأرض مابتحكش فى المطبات و طبعا ً كفاية جودة التقفيل و فتحة السقف و خامات التابلوه و الجنط الـ 16 و الصاج المحمل
اوعى تجيب غيرها
و على العموم لما استلم ان شاء الله هاعمل تقرير وافى عنها
انتظرونى
و على العموم دى مواصفاتها
1600 cc
125حصان
الفتيس ستيبترونيك 5 سرعات (يابانى التصنيع من شركة ايسن الموردة لاغلب الشركات العالمية )
الموتور بتقنية Blue Core اى (اقصى قوة -اقصى هدوء للموتور -وموتور صديق للبيئة )
Full option بالاضافه الى فتحة سقف
جميع وسائل الأمان ABS , EBD , AIRBAGS , Immobilizer
حجم الشنطة يصل الى 510 ليتر
حجم تنك البنزين 52 لتر
التحكم بالمرايات كهربا ء و طبعا ً فتحة السقف كمان
فوج لايت أمامى و خلفى
السيارة تصميم ايطالى
نظام الفرامل من AWT الامريكية
تكييف الكترونى ( مع خاصية توفير الطاقة فى الوضع الاقتصادى )
النظام الصوتى ممتاز ( بها CD Displayer صوت و صورة )
ده غير طبعا ً ان التحكم فى الصوت من عجلة القيادة ميزة جميلة )
عفشة محترمة ( المسافة بين قاعدة العجلات 2660 mm )
ثبات و لاكلمة ( جنوط اسبور ألمونيوم 16 )
مصفحة للموتور من أسفل
مابتحكش فى المطبات ( ارتفاعها عن الأرض 1490 mm يعنى حوالى 15 سم )
نظام عازل فى الكبوت ( ماتسمعش للموتور صوت خالص )
انت طلبت نصيحة لوجه الله
قبل ما تفكر في الصيني تحديدا فكر في الاتي
1- سعر اعادة البيع ( وبلاش تقول انك مش ناوي تبيع بعد كده )
2- فكر في قطع الغيار متوفره ولا لاء
لو حسمت التفكير هتختار فيرنا فورا بدون تردد
قطع غيار وسعر اعادة بيع ولو حبيت تبيع في اي وقت
الصيني وعن تجربة شخصية مع عربيتين صيني من قبل
اعادة البيع بتخسر النص + قطع غيار في التوكيل وبس ولو بره انت وظروفك
تروح للميكانيكي يقول مبشتغلش في الصيني وتحس انك داخل عليه بمركبة فضائية
العربيات الصيني بيقولك الفتيس ياباني والموتور ياباني والباب ياباني وخلافة
خلاص اشتري ياباني اضمن مليون مرة
والله ده تجربه شخصية
استاذ هاني
انا محتار بين بي واي دي الشكل الجديد الاوتوماتك وال ايدو
الاثنين ليسوا بضاعه حاضره عندك فكره حينزلوا امتي
حتنزل امتي وهي فعلا l3, زي الصور
وهي احسن ولا الايدو الجديده
حد جرب شانا ايدو ي جماعه اصل خايف منها برضه هتستحمل سفر طويل ولا اى ظروفها
اى ى جماعه مفيش عربيات ولا اى
قبل ما ارد حابب ان انت تبص على اللينك
长安EADO逸动宣传片—在线播放—优酷
واقولك بعد تجربة حوالى خمسة شهور
اولا : ثبات العربية
محترمة جدا فى ثباتها على السرعات العاليه وانا شخصيا وصلت بيها الى 160 ولو كنت كملت معندهاش مشكلة
العربية مزودة ب التالى
ABS
EBD
ESC او Electronic stability control ودة مش هتلقية فى كل العربيات لانة دة المسئول عن ثبات العربيه من خلال تنسيقة ما بين ABS و EBD وخصوصا فى حالة وجود مطر
ثانيا : عزل العربية
كويس جدا مش عايز ابالغ واقول ممتاز مقارنة بالعربيات اللى انا اتفرجت عليها ومنها الايمجراند والبى واى دى وحتى اللوجن.
ثالثا : الدهان والتقفيل
محترم جدا ويكفى ان العربية تقفيل بلدها والفنيش بتعها محترم
والكراسى جلد مش مصمت يعنى مزودة بفتحات تهوية
التكيف جربتة عملى ولمدة ساعة ونصف فى موجة الحر اللى فاتت كان منها حوالى نصف ساعة فى اشارة وحدة وكان اداة كويس جدا
رابعا : العفشة رياضيه واللى بتتوائم مع الشوارع بتعتنا بالاضافة الى ان العربية تعتبر الاعلى فى فئتها عن الارض وبالتالى لما تركب عيلة مش هتلقيها بتحك فى المطبات ولكنى عندى راى ان شوارعنا الفل عايزة عفشة دبابات وعلى العموم انا حريص ان انا احفظ امكان المطبات والحفر فى طريقى باستمرار
وحتى الان العربية مخزلتنيش فى اى حاجة لا اصوات غريبة ولا تزييق .
والحقيقة انا لما خدت القرار واشترتها كنت اول شهر موسوس على الاخر يعنى كانت ودانى حساسة لاى حاجة ممكن تحصل والحمد الله حتى الان العربية بتزيد ثقتى فيها يوم عن اليوم اللى قبلة
عايز قولك ان العربية مش صينى زى منتا فاكر يعنى
التصميم ايطالى
الموتور بتعهم تطوير مشترك بينهم وبين فورد (وليهم مراكز بحوث فى امريكا ) مزود بخاصية اسمها Blue core ودى بتعنى ثلاث حاجات
اقصى قوة فى اداء الموتور 120 حصان 1600 cc
اقصى هدوء فى صوت الموتور
اقصى محافظة على البيئة
اهم حاجة
الفتيس ستريبتونك 5 سرعات يعنى اتواتيك تلقية ومنوال تلقية والاهم انه (يابانى التصنيع من شركة ايسن الموردة للاغلب الشركات العالمية زى تويوتا مثلا وبرندات تانية كتير .
نظام الفرامل من شركة امريكية مشهورة اسمها TRW
جنوط اسبور مقاس 16
عايز اقول حاجة مهمة ولو حابب تقارنها فحطها فى مكنها الصح يعنى المقارنة(من حيث الامكانيات والسعر و التقفيل وخلافه مع
الهيونداى الالينترا -كيا سيراتو - البيجو 301 -نيو اوبترا و كمان MG )
استهلاك البنزين خلال الالف كيلو اللى فى الاول 8- 8.6 ليتر/100 كيلو
بعد كدة ثبت جوه القاهرة عند 9.5 ليتر /100 ك