محتاج مساعدة الخبراء في شراء فلوانس كسر زيرو..ارجو التفاعل

**MEDOBAT** · 13-04-2014 09:51 PM

اخواني الاعزاء
امامي سيارة فلوانس 2014 عامله 5000 كم الفئه e3
ارجوا من سيادتكم توضيح الحاجات اللي لازم اشيك عليها قبل الشراء مع شويه ايضاح لاخوكم
السياره استلام يناير 2014 ببصمه واحدة والمعاينه الخارجيه تمام (شويه خدوش بسيطه)
ارجوكم مرة تانيه متبخلوش عليا بنصايحكم عشان ناوي اخلص بكره
شكرا جزيلا

**ramymechanics** · 13-04-2014 09:58 PM

مبروك مقدما ... اولا تشيك انها مرشتش حاجة من الدواخل (وأعتقد بالكيلوات دى مش هتبقى راشة ان شاء الله) تتأكد ان الازاز الكهربا كله شغال والكاسيت والبلوتوث وتشوف مقاس الزيت والمية وتجرب تمشى بيها وتاخد مطبين تطمن ان مفيهاش حاجة وان شاء الله مش هيبقى فيها

وشوف السعر اذا كان مناسب ولا لأ وبالتوفيق ان شاء الله

**SoFiMaN** · 13-04-2014 10:26 PM

كسر الزيرو عادةً مش بيحتاج حاجة كبيرة هو بس انها متكونش رشت.. بس السعر كام ؟

**MEDOBAT** · 13-04-2014 10:26 PM

شكرا استاذ رامي
ايه الحاجات اللي لازم اخدها مع العربيه؟ هل في كتالوجات مثلا للعربيه او الصيانه؟
(هي العربيه لسه معملتش ولا صيانه لحد دلوقتي)
هل تفضل اني ارفعها في التوكيل؟ ولو ده رائيك هل الموضوع بيبقي بسيط ولا لازم ناخد ميعاد من التوكيل؟
اسف للاطاله بس نفسي متدبسش المرة دي :)

**kokowasfy** · 13-04-2014 10:27 PM

انا لو منك اخدها و اطلع على التوكيل اعمل فحص كامل عليها انت مش هتدفع مبلغ قليل مش مهم الى هيخدو التوكيل بس تبقا مضمونة و الف مبروك مقدما

**MEDOBAT** · 13-04-2014 10:27 PM

المشاركة الأصلية كتبت بواسطة sofiman

كسر الزيرو عادةً مش بيحتاج حاجة كبيرة هو بس انها متكونش رشت.. بس السعر كام ؟

158 الف
يعني رأي حضرتك مش محتاجه كشف في التوكيل؟
هل لازم اخد معايا حد خبير؟

**MEDOBAT** · 13-04-2014 10:29 PM

المشاركة الأصلية كتبت بواسطة kokowasfy

انا لو منك اخدها و اطلع على التوكيل اعمل فحص كامل عليها انت مش هتدفع مبلغ قليل مش مهم الى هيخدو التوكيل بس تبقا مضمونة و الف مبروك مقدما

الله يبارك فيك يافندم :)
بس هل لازم حجز في التوكيل قبل الزيارة؟

**kokowasfy** · 13-04-2014 10:34 PM

المشاركة الأصلية كتبت بواسطة medobat

الله يبارك فيك يافندم :)
بس هل لازم حجز في التوكيل قبل الزيارة؟

غالبا لازم تحجز عشان تاخد معاد

**dfdfdf** · 13-04-2014 11:16 PM

أنا رأى حضرتك لازم تكشف فى التوكيل حتدفع حوالى 600 جنيه أو حتى أكتر بس تبقى مطمن و أنت بتدفع ألاف زى دى يأما تشترى زيرو من المعرض و تبقى أول واحد يركبها ، و قصة حصلت مع واحد صحبى أشترى جيتا كانت ماشية 5ألف كيلو فقط ب180 ألف جنية و طبعاً فابريقة بالكامل و الأستيكرات و ريحة الفابريقة جوه العربية و أشترى من غير ما يكشف فى التوكيل بعد كدة أكتشف أن العربية عملة حادثة كبيرة بدون رش خالص و الحادثة كانت ان العربية دخلت فى الرصيف على سرعة عالية بدون ما الصاج ما يتخدش .