الموضوع: تقييم أوكتافيا a7 بعد حوالى 5800 كيلو و مقارنتها بالسيفيك 2007 و بى ام e90 2008

اولاً أمين أمين أمين على دعواتكم الجميله
ربنا يبارك فيكم جميعاً

السؤال هل التورشن بيم يفرق اوى كده؟
و بعدين يا جدعان دى مش اى عربيه
على الأقل التورشن بيم بتاع VAG المفروض يبقى حاجه كويسه

هو الفكره مش الهوا بس انا ساعات بحس بردوا ان العربيه فيها Skidding بسيط شمال و يمين من الخلف على سرعات زى 140كم مثلاً

هو كده كده فى كل الحالات دى لمبة الESP مش بتنور

هيا منورتش معايا بصراحه غير لو دوست بنزين جامد على الاول او التانى :)

اخيراً بقا
موضوع الأزاز ده هل ليه حل؟ هل فيه حاجه زى الفيميه بس يكون عازل صوت كمان ولا مفيش فى مصر حاجه كده؟

المشاركة الأصلية كتبت بواسطة tarroka

طيب حلو بما انك محسوك زي حالاتي كده .. انا عندي نفس العربيه بتاعتك بالظبط .. بتسمع صوت شخشخة زي صوت حديد كده و انت فاتح الازاز و الارض يبقى فيها نقر و برضو بسمعو بين النقلات خفيف .. التوكيل بيقلي الصوت ده عادي بس انا بصراحه مش مصدق .. هتلاقي في النت الناس بتقول عليه rattling .

فيه صوت تاني بعد ما تخلص مشوار و تطفي الموتور .. هتلاقي صوت كأن العرببه بتتنفس .. الصوت برجو طالع من عنر الفتيس .. انا احساسي بيقول الصوت ده طبيعي breathing

الصوت الاول يا فندم ده طبيعي مع الفتيس ده الي هو dry clutch من زمان في كل عربيات فولكس و شفتلوا فيديوهات للشيروكوا على اليو تيوب و ملوش اي علاقه بعمر الفتيس ، هو مضايق ابن خالتي بس انا مش مركز معاه خالص بصراحه كنت عارفه و متوقعه و مطنشوا

الصوت التاني اه بيحصل طبيعي جدآ بعد كل قفل للمحرك فلا تقلق ان شاء الله.

المشاركة الأصلية كتبت بواسطة amgomaa

الف مبروك بس علي كلامك أكيد برضه مفتقد السيفيك شويه بس دى ليها مميز ات ودي ليها الف الف مبروك

Sent from my GT-S5282 using Forum Runner

الله يبارك في حضرتك

بعد التغيير و الاستعمال اقدر اقول ان السيفيك فعلاً مش اي عربيه و مش سهله
الاكتافيا افضل في اغلب الحاجات بس السيفيك متقدرش تقول انها وحشه او قديمه او مش ركوبه جنبها

و الوهم بتاع الالماني ده و اليباني بصراحه مش فارق كده بين الهوندا و السكودا

مقدرش احكم على بقيه اليباني بصراحه بس اظن المازدا كمان ممكن تكون مقاربة

هما بس الاوربي او مجموعهvag متفوقين في نظم المعلومات و الترفيه عن اليباني بكتير بس.

مبروك ياباشا ربنا يباركلك فيها بس ازاي بتعوم
هيا مش فيها esp

ممكن اضيف كام معلومه للملاك :)

اولا وانت واقف و مدور هتسمع صوت تكتكه غريبه من الموتور بس صوتها واطى
لا تقلق ده طبيعة صوت ال direct fuel injectors الي في الموتور ده و اسمع انها في الكوري زي الgdi اعلى بكتير جدا

من حلولها كفر موتور فولكس cc معرفش بيتباع في مصر ولا لا بيكتم صوت الانجيكتورز ببطانه عازله

ثانيا الدي اس جي بيوصل لاحسن نعوميه لما العربيه بتسخن مش اول ما تطلع فبراحه عليه اول المشوار

ثالثا مهم او للحفاظ على التربو عندك حرارة الزيت في الشاشه الوسطنيه
متحرقش خالص قبل ما الحراره دي تبقي ٨٠ درجه مهم اوي للحفاظ على الشاحن التوربيني و تزيتوا كويس

و ميعديش الحراره ١١٠ حسب سكودا و ١٣٠ اقصى حاجه حسب فولكس
لو وصلت للحراره دي متحرقش على الغيارات و امشي عادي بس

لما تقرب من نهاية مشوارك هدي السواقه و اقف شويه بعد ما تركن لحد ما حرارة الزيت توصل حوالى ٩٥ او اقل و بعدين اطفي المحرك
مش كويس اوي انك تطفي و الحراره ١٠٠ مثلا ولا حاجه

المعلومات دي مجمعه من مواقع للgolf r و gt و الحاجات دي من ناس غاوية سواقه و فاهمين في التربو و الحوارات دي :)