و يبارك لك يا كبير :)
ممكن تبقي تعمل تقيم ان شاء الله و مقارنه بين البي ام و الباسات و الفانتازيا من وجهة نظرك ان شاء الله.
الساده الأفاضل
كل التعليقات اللي انا قريتها على عيشه الاوكتافيا a7 أنها مش مالتي لينك مع اني جبت البرشور بتاعها من المعرض ومكتوب أنها مالتي لينك و ستبلايزر بار
وممكن يكون موضوع الهواء وعدم ثبات العربيه على سرعات عاليه مع الهواء الجانبي ناتج عن ضغط الإطارات و أن العربيه وزنها أخف من الفانتازيا و أعلى ارتفاعا عنها
المهم احنا عايزين نتأكد هل العغشه مالتي + ستابلايزر ولا طورشن بيم
تورشن بيم ١٠٠٪
الموتور ال١٤٠٠ اساسي معاه التورشن بيم و مش بينزل كأوبشن
طب ازاي مكتوب في البرشور مالتي لينك + استابلايزر بار
البرشور مضروب
إما اللي كتبه قاصد علشان يضلل الناس او نقله من برشور الفانتازيا من غير ما ياخد باله و في الحالتين ممكن لو واحد اشترى عربية بناءا على الكلام ده و اكتشف العكس بعدها ممكن يقاضي الشركة... بس طبعا هايتحججوا بالجملة السخيفة اللي بتتكتب في كل البروشورات ان المواصفات ممكن تتغير بدون اخطار او انذار
ممكن تقولنا البرشور ده منين و لو امكن ترفع صورة له؟
البرشور من معرض فورميلا اللي فات و انا صورت الصفحة لكن مش عارف ارفعها من الموبيل كل شويه اجرب يقولي في صيانه في الموقع
على فكرة ده برشور مطبوع من ارتوك اوتو فيه كل حاجه عن العربيه والمواصفات والفئات بس مش عارف ارفعه ازاي
هي الصورة لو مساحتها 0.95 ميجا ينفع تترفع ازاي
اظن انى شوفت البروشور ده و هو مكتوب فيه اسم غريب كده فعلا للعفشه الخلفيه
حاجه كده زي
مالتي لينك تورشن بار و استبليزير و كده
متتعبوش نفسكم العفشة تورشن بيم مع استابيليزر بار