مشكلة في موتور أفيو 2013

**a_hammamy** · 13-04-2014 11:59 PM

السلام عليكم,

أرجو مساعدتكم أنا اشتريت أفيو 2013 في شهر 5/2013 (من حوالي سنة) بس باتأخر في تغيير الزيت.

أول مرة غيرت زيت كانت بعد6500 كم. بعد تاني مرة أغير زيت (12000 كم) ابتديت أسمع صوت "تكتكة" في الموتور (زي ما تكون حاجة مفكوكة).

وديت الأفيو لمركز في الرحاب والمهندس قاللي الصوت ده عادي في موديل 2012 و2013. المهم لما أخدت العربية بعدها لنفس المركز عشان الصيانة الثالثة قالولي ده في مشكلة في الموتور وهحتاج أغير الهيد وحاجة تانية وهيكلفني 2300 لأن سبب المشكلة هو التأخر في تغيير الزيت.

سؤالي هو: هل التأخر بتاع أول مرة ده ممكن يكون السبب في مشكلة الموتور؟ (لأني ما اتأخرتش تاني مرة)

وتنصحوني بإيه في التعامل مع مراكز الصيانة وإذا تعرفو مركز أحسن من بتاع الرحاب؟

شكرا جزيلا.

**amr elsisi** · 14-04-2014 12:05 AM

سيبك منهم الموضوع بسيط
دة صوت كستبانات
انت بتحط زيت اية
بلاش التاخير
وجرب غير الزيت مرتين بسرعة ورة بعض لايزيد عن 1000 ك
وان شاء الله الصوت حيروح

**mona_881** · 14-04-2014 12:57 AM

المشاركة الأصلية كتبت بواسطة a_hammamy

هو الحاجة التانية اللي قاللي تتغير غير الهيد كانت فعلا 2 كستبانات. هل معنى كلامك ان هي مش محتاجة تتغير ؟ أنا لسة مغير زيت من 300 كم فممكن أغيره تاني بس هل ده حل كويس ولا هيأثر على الموتور قدام؟

أنا أول مرتين غيرت زيت كان شيل 5000.

هو شل 5000 ده اللي علبته لونها اصفر مش كده؟
أظن ده للمواتير القديمة شوية اللي عدت ال 100 الف مثلا او اكتر
حضرتك كان المفروض تحط شل الترا الرمادي او الازرق لان عربيتك لسه جديدة
وان شاء الله تطلع حاجة بسيطة