محتاج ارائكم ضروري...طلمبة البنزين ولا العوامه....
السلام عليكم ورحمة الله....
حصل معايا شيء غريب كنت عاوز احكيلكم عنه....
انا اللوجان اللي معايا 2010 عامله 53 الف كيلو....صياناتها كلها في التوكيل...وامورها تمام فيماعدا تغيير البوابه الشهير وتم في الضمان....
من كام يوم كنت راجع من مشوار سفر ومؤشر البنزين فاضل عليه 3 شرط....بصراحه كسلت امون...وفضلوا ال3 شرط كام يوم معايا وكنت مستغرب انهم لسه فيهم البركه....
بعد كام يوم كان فيه شرطه واحده وكنت رايح امون....العربيه فجاه وانا ماشي حسيت كاني مش دايس بنزين والعربيه هدت وطفت وأبت ان تدور بشتى الطرق....
لاني خرجت من الضمان اعرف واحد فني شغال عندنا في توكيل اسيوط وفاتح بره ورشه ورحتله....
قالي طلمبة بنزين...يا اما تجيبها من التوكيل ب2500 او صيني 650 او موتور الطلمبه ب 150 وده هيقعد معاك مؤقتا...
طبعا عشان اطلب الطلمبه من التوكيل فيها يومين تلاته وانا محتاج العربيه ...جبتله موتور وسبتهاله يشتغل فيها....
لسا همشي قام متصل بيا وقالي العربيه ما فيهاش بنزين....
بصراحه انا حسيت ان الموضوع كله ان العوامه باظت او شريحة العوامه الي بتوصل للكومبيوتر باظت والطلمبه مافيهاش حاجه....
لكن هو اصر انه الموتور بايظ...وقالي بما ان العوامه بايظه ومافيش شريحة عوامه بتتباع بره....هات الطلمبه على بعض...( طلمبه وموتور وعوامه) صيني...مؤقتا...وهتمشي معاك مش وحشه.....
اضطريت اسمع كلامه لاني حتى لو وجهة نظري صح والعوامة هي اللي كانت بايظه والعربيه وقفت لانها شطبت بنزين..... فكده كده العوامه بايظه ومضطر اجيب القطعه الي قال عليها....
انا حاليا مركب الطلمبه الصيني وماشي بيها...ومعايا الاصليه الي هو بيقول عليها بايظه....مش عارف استمر بالصيني ولا اجيب اصليه جديده ولا اعمل ايه....
حد حصل معاه موقف مشابه؟؟؟؟؟
ولكم جزيل الشكر مقدما........
