التخلص من الكرش ج2 + حلم فورمه الساحل
السلام عليكم ..
ده الموضوع التاني من السلسله اللي بدأناها ب http://www.nilemotors.net/Nile/414152-a.html
بإيجاز شديد كده .. إتكلمنا عن التخلص من الكرش .. و الحلين اللي هما : 1 تنظيم أكلك 2 لعب رياضه " جري أو مشي أو جيم " أو كله مع بعض ..
النهارده هنتكلم عن الأكل ..
المثل الأمريكي بيقول Abs are made in kitchen .. يعني عايز تعمل six packs يبقي عليك وعلي المطبخ ظبط أكلك ..
أنت ممكن تاكل .. و كمان تحرق دهون !!
في أكلات معينه بتزود حرق الدهون في جسمك :
عايز تحرق دهون جرب بروتين " الجبن " ..
النظام الغذائي اللي هنمشي عليه إما نظام " غني البروتين 25 % بروتين " أو " قليل البروتين " ..
مع إعتبار إن بروتين الجبن أفضل أنواع البروتين ؟!! إيه ده يا عم يعني مش اللحمه و الفراخ .. لا لا " الجن القريش " أو شرش اللبن زي ما بيطلق عليه اللي بيدخل في تصنيع معظم المكملات الغذائيه زي ال Whey protein ..
النظام الغذائي غني البروتين : أثبتت دراسه علي أكتر من ألف شخص في جامعه هولنديه .. إنه بيقلل الجوع بنسبه كبيره .. لأ و كمان زاد عدد السعرات الحراريه اللي أستهلكها افراد الدراسه حتي أثناء النوم , أكيد بتقول عليا مجنون :shine[1]:
لأ , جرب بنفسك و مش هتخسر حاجه .. 20 إلي 40 جرام جبن .. قبل النوم مباشره ..:8954[1]:
كل دهون .. و قلل الكوليستيرول !!
طبعا العنوان ده يؤكد لحضرتك إني مختل :beated: بس تعالي نشوف و نفسر العنوان و نشوف الكلام منطقي ولا لأ ..
عايزك بس تعرف مشكله الكوليستيرول اللي هو المسئول عن زياده الوزن و الأضرار الصحيه المعروفه ..
فيه منه نوعين نوع جيد " HDL or High Density Lipoprotein " و نوع سئ " LDL Or Low Density Lipoprotein "
المعروف إننا لو أكلنا أكل قليل الكربوهيدرات " الرز و المكرونات و شبيهاتهم " هيقلل حاجه إسمها الجلسريدات الثلاثيه " اللي لها علاقه وطيده بالدهون المتراكمه في البطن و الصدر و الفخذين " و هيقلل الأنسيولين و بيزود كمان الكوليستيرول الجيد .. اللي حضرتك قريته في أخر سطرين ده نتيجه بحث طووويل علي 40 رجل و إمرأه يعانون من زياده الوزن .. بعد ما خلوهم ياخدوا اكل سعراته الحراريه 1500 كل يوم عباره عن " 12 % كاربوهيدرات و 59 % دهون و 28 % بروتين " ..
و خلوا 40 رجل و إمرأه تاني ياخدوا نفس عدد السعرات 1500 بس عن طريق " 56 % كاربوهيدرات و 24 % دهون و 20 % بروتين " ..
في النهايه لقوا الناس في المجموعه الأولي اللي أخدت كربوهيدرات قليله و دهون أكتر أستفاد جسمها من الوجبه دي .. و قلت نسب الأنسيولين و الكوليستيرول في اجسامهم بعد 12 إسبوع بس !!
عشان بس منسحرش .. و نفتكر الدهون دي اللي هي الأكل الدسم .. لأ لأ لأ
كانت في الدراسه عباره عن شرائح لحم و بيض و دي بتصنف علي إنها من الدهون .. بس " النافعه "
هنقف بس شويه عشان نرد علي سؤال مهم ..
أنا عملت ريجيم كتير .. و قللت أكلي كتير .. و كان بيجي معايا بأثر عكسي .؟!!
تمام كلامك صحيح إلي حد كبير .. اللي بيحصل إننا المفروض " نحايل " جسمنا لحد ما نوصل بيه للي إحنا عايزينه .. يعني موضوع أنام و أصحي لا اكل عيش ولا مكرونه ولا رز و لا اي حاجه معتقدا إن ده هيخسسني .. " غلط " للأسف :Copy of majd(4):
جسمك في اول كام يوم من حرمانه الفظيع ده هيخس فعلا ..
بس هيصاب بالذعر .. من نقص الوزن و هيحاول يقلل من عمليه ال Metabolism عمليه حرق الدهون عشان يحافظ علي الطاقه ..
حضرتك لازم تسايس جسمك .. عشان ميخافش .. و عشان ميأثرش علي هرموناتك ولا تمثيلك الغذائي .. في هرمون إسمه " Leptin " ده الباشا الكبير المصيبه بتاعتنا كلنا . اللي بيقولك إمتي تاكل .. عن طريق إنه يحسسك بالجوع :_Alshmokh15[1]:
بس لو قل ال Leptin هيقلل التمثيل الغذائي بتاع جسمنا طيب عشان نتغلب علي المشكله دي و الكلام المتناقض ده .. هنحصص يوم كل من 7 إلي 10 أيام .. ناكل فيه اللي إحنا عايزينه بس برده مش هنسيبها مفتوحه هما جرامين كاربوهيدرات لكل باوند من جسمنا " لكل 450 جرام " هناكل في اليوم ده مكرونات عصائر .. حاجات زي دي ..
بس ده بقا لو سيطرنا عليه .. هتكسب دهب .. هتوصل للمرحله اللي حضرتك عايزها من التخسيس .. هتقلل دهون جسمك .. و هتشبع من اقل وجبه .. بس نفكر صح ؟!
أكلات مهمه أوي في مرحله التخسيس
البروكلي
السالمون
البيض
السمك عموما .. بس الجمبري غني بالكوليسترول ينصح بتناوله مره كل إسبوعين مثلا
الجبن الحلوم " من السوبر ماركت الكبيره "
منتجات اللبن قليله الدهون " زي الجبن القريش "
الدجاج منزوع الجلد
لبن الزبادي
دقيق الشوفان " ده أنسب فطار في فتره التخسيس يعني يعمل معا للبن البارد زي الكورن فليكس .. و ده بيخليك تشعر بشبع رهيب .. و بيخلي نسبه الجلوكوز في دمك معتدله بعد تناوله بأكتر من 8 ساعات ! "
الخضار السوتيه ..
لحم الديك الرومي
البقوليات عموما " الفل و الفاصوليا و غيرها "
أختار العيش المكون من الحبوب الكامله " العيش المصنوع من القمح الكامل بقشره من المقشر و الرز البني "
السلطه و تتبيله السلطه زيت الزيتون و الخل أو تتبيله قليله الدهون ..
الفاكهه بأي كميه .. بس لازم قبل الأكل بفتره كويسه .. بلاش تمام فاكهه بعد الأكل , عشان نتجنب الإنتفاخ و الغازات وكمان عشان نخلي الأمعاء تمتص الأكل بصوره جيده .. الفاكهه بعد الأكل بتخلي إمتصاص الأمعاء للأكل أقل ..
لو نفسك هفتك علي " الباستا " خليك في الصلصه العاديه اللي من الطماطم بلااااااااش السلطه الجاهزه ..
إبعد عن المقلي بشدددددددددددددده خليك في الحاجات اللي معموله في الفرن و المشويات و المسلوق أو اللي علي البخار ..
لو عايز Appetizer خليك في البسكويت المملح أفضل من البطاطس المقليه ..
إبعد عن المشروبات الغازيه .. خليك في الميه و العصائر الفريش 100 % اللي بتعملها في البيت ..
لازم حضرتك تشرب ميه كتير أوي كل يوم بمعدل 3 إلي 4 لتر يوميا ..
أتمني لحضرتك فورمه ساحل سعيده ..
و أتمني أكون فيدتك بأي حاجه ..
و أنتظروني في الحلقات القادمه :worried:
