| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 20

  1. #1

    الصورة الرمزية hagagatc

    رقم العضوية : 122420

    تاريخ التسجيل : 29Mar2012

    المشاركات : 1,338

    النوع : ذكر

    الاقامة : مصر

    السيارة: OPEL KADETT 1984

    السيارة[2]: OPEL VECTRA 2003

    دراجة بخارية: دراجه ناريه

    الحالة : hagagatc غير متواجد حالياً

    افتراضي توكيل عز العرب يبيع سياره جديده وهي في الاصل عامله حادث ومرشوشه كمان - Facebook Twitter whatsapp انشر الموضوع فى :

    hasad">

    كل اللي ليه مشكله مع توكيل عز العرب حاجه والمشكله دي حاجه تانيه خاااااااااااااااااااااااا ااااااااااالص
    ممكن الكتير مننا سمع من واحد صاحبه او زميله في الشغل عن حد يعرفه انه اشترى عربيه زيرو وطلعت مرشوشه
    انا هحكي موقف زي ده بس ده لا سمعته من واحد صحبي ولا من زميلي ده حصل معايا شخصيا
    روحت اشتريت عربيه من توكيل عز العرب الفرع الرئيسي زيرو كاش
    الغريب في العربيه ان من ساعت ما اشترتها وفي فترة الضمان العربيه غيرت قطع غيار كتير داخل الضمان زي:
    1- سنسور بارك خلفي
    2- فبرة دركسيون
    3- زراير Multi
    4- عدادات تابلوه
    5- ساكاكات ابواب
    6- ماكينة زجاج امامي (مرتين)
    7- علبة دريكسيون
    8- مساعدين امامي
    9- مساعدين خلفي
    10- مسمسار سينترك مقص خلفي
    11- بلية شداد كاتينه
    زي ما موضح في تقرير التوكيل اللي في الصورة
    مع اني بحافظ جدا على العربية بس قلت عادي ممكن يكون الطرق اللي عندنا هي اللي بتعمل كده في العربيه
    وانا ماشي مره بالعربيه جه واحد بعربيه نقل خبطني خبطه خفيفه في الجنب الشمال هي الخبطه مش جامده قوي بس حك الرفرف الامامي الشمال والمرايا الشمال
    من اثار الخبطه ان البويه اللي على الرفرف والمرايا اتقشرت افاجأ ان لون البطانه اللي تحت لون المرايا احمر مع العلم ان لون عربيتي اسود زي ما هو باين في الصور ه كده
    ودي صوره الرفرف والمرايه الشمال

    انا شكيت فبصيت على المرايا اليمين والاكصدام الامامي والاكصدام الخلفي لقيت ان المرايا اليمين والاكصدام الامامي التجاريح اللي فيهم مبينه بطانه لونها ابيض اما الاكصدام الخلفي والمرايا الشمال مبينه بطانه لونها احمر
    تاني يوم روحت التوكيل عشان استفسر عن الموضوع ده قابلت المهندس المسئول عن الدهانات جه بص على المرايا الشمال والاكصدام قالي دول مرشوشين قبل كده فا طلبت اني اقابل مدير التوكيل كان اجازه فا ادوني رقمه عشان اكلمه واحدد معاه ميعاد كلمته وحكتله على اللي حصل قالي انا هرجع لملفات العربيه واشوف ان كان فيها اصلاحات ودهان قبل كده
    كلمته تاني قالي انا ملقتش حاجه في الملفات فا لو كده ابعتلى ميل رسمي عشان نجيب العربيه ونفحصها في التوكيل (لتاني مره)
    بعتله الميل وحددت معاه معاد وروحت التوكيل قابلت نفس المهندس اللي قابلني اول مره عشان يفحص العربيه تاني (اللي كان قايل اول مره انها مرشوشه) بص على العربيه قالي لا دي بطانه عاديه مفهاش حاجه طلبت منه انه يديني تقرير فني بالكلام اللي هوا بيقوله ده مرضيش
    دخلت لمدير التوكيل حكتله على اللي المهندس قاله وانه مرضيش يعمل تقرير وانه هوا اللي قالي اصلا اول مره ان العربيه مرشوشه قالي لا ازاي الكلام ده اللي هيبص على العربيه مدير الصيانه جه مدير الصيانه بص على العربيه قال اه دي مرشوشه
    خدني ودخلنا لمدير التوكيل وقاله على ان العربيه مرشوشه
    فا مدير التوكيل قالي طلباتك قلتله انا شاري من عندكوا عربيه زيرو يبقى اخد عربيه زيرو مش مرشوشه
    فا مدير الصيانه رد عليا رد غريب جدااااااااااااااااااااااا ااا باسلوب اغرب قالي عندك جهاز حماية المستهلك روح قلهم الكلام ده وابقى تعالى قلى قالولك ايه (على فكرة الكلام ده اتقلى كده بظبط من مدير الصيانه بس انا عرفت بعد كده هو قالي كده ليه)
    مدير التوكيل عشان يهدي الموقف قالي انا هعرض الموضوع على مجلس الادارة وارد عليك بعدها بفترة رد عليا وقلي انهم رفضوا
    قبل مااقدم شكوى قلت لازم اتاكد ان العربيه مرشوشه بعت ايميل للشركه الام اسالها عن لون البطانه اللي المفترض انه يكون في المرايا والاكصدام ردوا عليا بان البطانه لون موحد هوا اللون الابيض
    نسترجع بقى موقف العربيه من الاول عربيه مغيرة كل قطع الغيار الي قلت عليها قبل كده وكمان يطلع المرايا والاكصدام مرشوشين يبقى مفيش غير استنتاج واحد ان العربيه دي عمله حادثه ومتصلحه ومتباعه على انها جديد
    المهم روحت عملت شكوى في جهاز حماية المستهلك وحددوا معاد لجلسه لمناقشة الشكوى
    حضر في الجلسه مدير الصيانه نيابة عن التوكيل وعرفت مدير الصيانه قلي روح جهاز حماية المستهلك ليه لاني اكتشفت انه هوا ومدير الجلسه اساسا على معرفه جامده جدااااااا ببعض وفوجئت في الجلسه ان رئيس الجلسه عايز يحفظ الشكوى قلتله ازاي من غير ماتفحص العربيه قلى ماعندناش الامكانيات والاجهزه اللى نعرف نثبت بيها ان الرش ده كان من التوكيل والتوكيل مقدم ورق بكل الصيانات اللي في العربيه بتقول ان العربيه مفهاش حاجه
    اخدت نسخه من الورق اللي التوكيل مقدمه لقيت الكارثه اللي رئيس الجهاز اتغاضى عنها
    ان العربيه قبل مااستلمها بيوم كان بيتعملها صيانه في التوكيل وكانت ماشيه 340 كيلو ( زي ماهو موضح في الصور تاريخ عقد البيع واول تاريخ صيانة)
    سبت الجلسه ودخلت لرئيس الجهاز وحكتله على اللي حصل قلى ازاي يقول كده لا طبعا ما ينفعش لازم العربيه تتفحص و طلب ان يتحدد معاد جلسه تاني يتفحص فيها العربيه
    في الجلسه اللي رئيس الجهاز حددها حضر نفس رئيس الجلسه ومدير الصيانه وعمل نفس الموقف انه عايز يحفظ الشكوى قلتله لا رئيس الجهاز قال العربيه تتفحص قبل اي قرار المهم وبعد كلام كتير انتهت الجلسه بفحص العربيه في كلية الهندسه جامعة عين شمس
    وفعلا روحت في المعاد اللي اتحدد لفحص العربيه وبردوا حضر الفحص مدير الصيانه (اللي العربيه بتتفحص على ايده لتاني مره) وكان بيفحص العربيه دكتور من كلية الهندسه ومعاه اتنين فنين وكان نتيجه الفحص اللي اتاكد منها مدير الصيانه ان الرش على العربيه ده رش التوكيل وان المرايا والاكصدام متفكوش اصلا من ساعة ما اشتريت العربيه زي ما موضح في صورة التقرير
    واتحدد جلسه في جهاز حماية المستهلك لمناقشة التقرير ولتالت مره رئيس الجلسه بعد ما اقرا التقرير يصمم انه يحفظ الشكوى مع وجود دليل قاطع بان العربيه مرشوشه
    روحت عملت محضر في القسم وقلت لنفسي طالما كل الاوراق دي تثبت حقي يبقى اجيب حقي بالقضاء المصري العادل واتحددلي جلسه في المحكمة الاقتصادية بس للاسف ان المحكمة مخدتش بالورق اخدت بحكم جهاز حماية المستهلك اللي مبيحميش حد
    لمل انا اخد عربية زيرو وفيها كل العيوب دي اللي اكتشفتها والله اعلم فيها ايه تاني وكان ممكن اعمل حادثه ويحصلي حاجه والمسئولين دول كلهم مش فارق معاهم حياة الناس انها تروح هدر يبقى ده اسمه ايه وشغلانتهم اصلا ايه
    ده اللي حصل معايا وحسبنا الله ونعم الوكيل في كل من شارك في ضياع حقي

    ودي صور من الاميل المستلم من شركه بروتون

    صوره من تقرير معاينه فنيه في كليه الهندسه

    صوره من تاريخ عقد البيع وتواريخ الصيانه



    منقول للعلم

    اخوكم عبدالرحمن حجاج


  2. #2

    الصورة الرمزية د.عماد صلاح

    رقم العضوية : 133042

    تاريخ التسجيل : 03Jan2013

    المشاركات : 1,426

    النوع : ذكر

    الاقامة : cairo

    السيارة: بيجو 301

    السيارة[2]: اوبترا 2013

    الحالة : د.عماد صلاح غير متواجد حالياً

    افتراضي -

    ان ربك لبلمرصاد

    اللهم ارنا الحق حقا و ارزقنا اتباعه
    و ارنا الباطل باطلا وارزقنا اجتنابه


  3. #3

    الصورة الرمزية a_arazik

    رقم العضوية : 53857

    تاريخ التسجيل : 24Nov2009

    المشاركات : 593

    النوع : ذكر

    الاقامة : 7adayek El Ahram

    السيارة: lanos II 2001

    السيارة[2]: lanos II 2001

    دراجة بخارية: no

    الحالة : a_arazik غير متواجد حالياً

    افتراضي -

    حسبي الله ونعم الوكيل ربنا علي الظالم .......


  4. #4

    الصورة الرمزية NASSER2

    رقم العضوية : 130982

    تاريخ التسجيل : 06Nov2012

    المشاركات : 55

    النوع : ذكر

    الاقامة : الجيزه

    السيارة: بيجو406

    السيارة[2]: بيجو406

    الحالة : NASSER2 غير متواجد حالياً

    افتراضي -

    دا جهاز سرقة ونهب المستهلك مش حماية المستهلك
    من حق الاجانب يجيبولنا زبالة العربيات وفيها اخطاء الدنيا
    طالما عندنا النوعيه دي من المسؤولين
    وحسبنا الله ونعم الوكيل


  5. #5

    الصورة الرمزية walloo1978

    رقم العضوية : 65344

    تاريخ التسجيل : 16Mar2010

    المشاركات : 101

    النوع : ذكر

    الاقامة : helwan

    السيارة: LESA

    السيارة[2]: LOGAN

    دراجة بخارية: دراجة نارية

    الحالة : walloo1978 غير متواجد حالياً

    افتراضي -

    حسبي الله و نعم الوكيل
    ربنا ينتقم من الفاسدين


    و يردلك حقك


  6. #6

    الصورة الرمزية aymanshebl

    رقم العضوية : 47609

    تاريخ التسجيل : 20Sep2009

    المشاركات : 2,135

    النوع : ذكر

    الاقامة : cairo

    السيارة: no

    السيارة[2]: no

    دراجة بخارية: no

    الحالة : aymanshebl غير متواجد حالياً

    افتراضي -

    يعني مش هقول اكتر من ديه مصر و ناس مصر


  7. #7

    الصورة الرمزية ah-elgendy

    رقم العضوية : 144963

    تاريخ التسجيل : 08Jun2013

    المشاركات : 649

    النوع : ذكر

    الاقامة : CAIRO

    السيارة: NO

    السيارة[2]: Vectra 99

    الحالة : ah-elgendy غير متواجد حالياً

    افتراضي -

    لأ حول ولا قوه الا بالله ربنا ينصرك عليهم ان شاء الله وكل واحد شارك فى الجريمه ديه يصرف اضعاف اضعاف الفلوس عليه وع عياله فى مرض ميعرفش هو ايه بس انت متسكتش وابعت للشركه الام وكلمهم وخد راء محامى فى رفع قضيه ع التوكيل واطلب تعويض وحاول توصل مشكلتك للبرامج ع الراديو والتليفزيون بس اللى بلومك عليه ازاى تستلم عربيه زيرو وعدادها عامل 340 كيلو


  8. #8

    الصورة الرمزية powerofhelll

    رقم العضوية : 30677

    تاريخ التسجيل : 21Jan2009

    المشاركات : 3,496

    النوع : ذكر

    الاقامة : alex

    السيارة: proton saga 1.3

    السيارة[2]: BMW E36

    دراجة بخارية: no

    الحالة : powerofhelll غير متواجد حالياً

    افتراضي -

    ربنا يعوضك خير ان شاء الله

    [mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
    http://www.mp3quran.net/basit_mjwd.html
    القران الكريم بصوت الشيخ عبد الباسط عبد الصمد

    143


  9. #9

    الصورة الرمزية matantawy

    رقم العضوية : 137443

    تاريخ التسجيل : 27Mar2013

    المشاركات : 418

    النوع : ذكر

    الاقامة : القاهرة

    السيارة: هيونداى i10

    السيارة[2]: Hyundai Accent RB

    الحالة : matantawy غير متواجد حالياً

    افتراضي -

    انشر الكلام ده هنا كمان و بالصور
    https://www.facebook.com/groups/Dont.shop.here/

    م/محمود طنطاوى


  10. #10

    الصورة الرمزية speed demon666

    رقم العضوية : 1075

    تاريخ التسجيل : 21Jun2007

    المشاركات : 688

    النوع : ذكر

    الاقامة : المعادي

    السيارة: searching

    السيارة[2]: speranza tiggo 2010

    دراجة بخارية: NO

    الحالة : speed demon666 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة ah-elgendy مشاهدة المشاركة
    لأ حول ولا قوه الا بالله ربنا ينصرك عليهم ان شاء الله وكل واحد شارك فى الجريمه ديه يصرف اضعاف اضعاف الفلوس عليه وع عياله فى مرض ميعرفش هو ايه بس انت متسكتش وابعت للشركه الام وكلمهم وخد راء محامى فى رفع قضيه ع التوكيل واطلب تعويض وحاول توصل مشكلتك للبرامج ع الراديو والتليفزيون بس اللى بلومك عليه ازاى تستلم عربيه زيرو وعدادها عامل 340 كيلو
    انا رأيي من رأي الأستاذ ah-elgendy متسيبهومش لأن ده حقك و انت بتدفع دم قلبك في عربية تريحك مش تطلع مرشوشه ... و بوجهلك نفس العتاب بتاعه

    و عندي رأيي تاني إبعت للشركة الأم كل التقارير اللي معاك و إعمل برباجندا جامدة ليهم لأن الأجانب بيخافو على السمعة أكتر من أي حاجة .... إوعى تسيب حقك و تحسبن و خلاص و إلا هيعملوها مع كتيير بعدك

    FEAR NOTHING.... RISK EVERYTHING



 
صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 4
    آخر مشاركة: 11-03-2014, 04:38 PM
  2. توكيل نيسان يبيع القشقاي الاتوماتيك باوفر برايس !!
    بواسطة schumy في المنتدى نيـــــــــسان
    مشاركات: 33
    آخر مشاركة: 12-06-2012, 08:12 PM
  3. سبيرانزا A113 عامله حادث
    بواسطة hsalem84 في المنتدى قســم خاص لبيع السيارات فقـــط
    مشاركات: 10
    آخر مشاركة: 08-01-2009, 10:21 PM
  4. سياره لادا 2107 موديل 2007 عامله 6 الاف كم
    بواسطة eng_assar في المنتدى قســم خاص لبيع السيارات فقـــط
    مشاركات: 2
    آخر مشاركة: 14-03-2008, 09:54 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2