افيدونى لأنى بجد محتار
ايه رأى الخبراء انا مقيم فى المملكه العربيه السعوديه ونازل نهائى مصر ان شاء الله وناوى اشترى سياره من هنا قبل ما أنزل فى رأيكوا اشترى بيجو 301 ولا تويوتا ياريس ولماذا
وجزاكم الله عنا خير الجزاء
افيدونى لأنى بجد محتار
ايه رأى الخبراء انا مقيم فى المملكه العربيه السعوديه ونازل نهائى مصر ان شاء الله وناوى اشترى سياره من هنا قبل ما أنزل فى رأيكوا اشترى بيجو 301 ولا تويوتا ياريس ولماذا
وجزاكم الله عنا خير الجزاء
ياريس بس 1500 cc
تويوتا وش
طالما من السعودية .. تبقى جيت في منطقتي
بص يا ابن الحلال
اولا ابعد عن البيجو لان كتير بيشتكي منها .. من اول مروحة التبريد لغاية الفتيس وحاجات كتير وممكن تقرا في المنتدى هنا المشاكل
لو عجباك الياريس شكلا هاتها بس هات ال 1500 لان الماكينة الصغيرة ضعيفة
عندك الاوكتافيا نازلة بماتور 1200 سي سي و 1400 سي سي تربو .. ودي طبعا ممتازة بس غالية حبتين
فيه بقى الالنترا والسيراتو لو انت حابب الكوري
واوعى الشيطان يوزك وتبص للكورولا .. اووووووووعى ازعل منك جداااااااا
ليه بقى
الكورولا اللي في السعودية هي هي 2013 في كل حاجة ما عدا الشكل
يعني الماتور هو هو الفتيس هو هو . ده حتى السعر هو هو
مقارنة باللي في مصر .. اللي في مصر تكسب باكتساااااااااااااااح
اكيد تويوتا باريس
ابعد عن عبد اللطيف جميل افضل لك
انا عايش في السعودية وعبد اللطيف جميل جعل سمعة كرولا في الأرض
شوف انت جيتلي على الجرح ، بس الاخوة الاعضاء اللي ردوا عليك لازم ياخدوا بالهم من كام حاجة كده
اولا سعر البيجو المانيوال 38000 ريال بينما الياريس مانيوال 47000 ريال ، يعني فرق السعر كبير
ثانيا هو نازل مصر نهائي فمافيش مقارنة بين التوكيلات اللي في السعودية
ثالثا الالنترا و السيراتو سعرهم حوالي 55000 ريال يعني غاليين كتيير مقارنة بالبيجو و الياريس
أنا شخصيا في نفس الحيرة ديه بس رأيي الشخصي
البيجو أوسع و أشيك و أوبشن أكتر و ماكينة أقوى و صاج محمل
البيجو أرخص و هاتقدر تجيب الهاي لاين براحتك
البيجو جماركها أرخص بشوية حلوين
مافيش عربية مابيظهرش فيها مشاكل و عيوب
المشاكل اللي فيها اللي اخونا قالك عليها : مروحة التبريد و ديه مش مشكلة اصلا هي بس مالهاش شبكة داخلية و مش هاتعمل مشكلة الا لو حد تعمد يحرك الخرطوم جنب ريش المروحة ، و مستحيل الخرطوم يتحرك لوحده لأنه ثابت
مشكلة الفتيس هي نتشة من الاول للتاني و رجلك بتاخد عليها بعد فترة قصيرة
اعتقد التويوتا سمعتها افضل من بيجو فى السعوديه
السمعة في السعودية بتبقى سمعة الوكيل مش العربية
يعني الوكيل سمعته حلوة العربية تنتشر حتى لو مش قد كده و العكس
وكيل بيجو هو وكيل جيلي بس تسويقه للجيلي اكبر فتلاقي الجيلي منتشرة جدا عن البيجو اللي بتشوف الاسد بتاعها صدفة
اشكركم جدا ...بس انا كدا احترت جدا
انا هشترى السياره ونازل نهائى ان شاء الله فى شهر يناير القادم (( يعنى مش هلحق اتعامل مع التوكيل هنا فى السعوديه )) لو جبت الياريس 1500 ماهى مش موجودة فى مصر وخايف حاجه تحصل فى الماتور واحتاس بيه ولو جبت اليارس 1300 كتير بيقولوا ضعيفه ومش قد كده ولو جبت البيجو 301 برضوا لاقيت شكوى كتير منها فى المنتدى وان كمان وكيل مصر بتاعها سىء وفى نفس الوقت مينفعش اعدى 50 الف ريال لسعر السياره فأرجوكم ساعدونى بخبراتكم وأرأكم
حيث كده بقى ماقدامكش الا حل واحد
تعمل زي عامة الشعب و تجيب ريو
ابعد عن الاكسنت
الريو هي حلك الوحيد في السعر ده
بس خد بالك يمكن تندم بعدين انك بعت الفرنساوي و الياباني علشان كوري
Safsaf43 انت كدا حيرتنى زياده ...يعنى رأيكم النهائى كيا ريو رغم انى سمعت كلام كتير عن عفشتها
الخليجى موجود في مصر وقطع الغيار موجودة خليك في اليارس
يعنى بلاش بيجو 301؟؟
واسف جدا جدا على الإزعاج
ارجو الافاده من الخبراء
بلاش 301؟
أشتري ياريس من مصر و ريح دماغك.
تمام كدا يبقى نلغى تماما بيحو 301 نظرا لكثره مشاكلها ونخلينا فى الياريس وجزاكم الله خيرا
بس ياجماعه ياريت ننصح الناس المقدمه على شراء 301 بالبعد عنها نظرا لمشاكلها
شكرا جزيلا مره تانية
نصيحة من الآخر..يارس .. ومن مصر...تاني من مصر.....
اخي العزيز
انا استخدمت اليارس لمدة ٤ سنوات ١٣٠٠ سي سي و ايضا بأستخدم البيجو ٢٠٧ صار لي ٣ سنوات ومازالت معايا و كان عندي بيجو ٢٠٦ جديدة استخدمتها سنه ونص و بعتها عشان كانت مانيوال . و استأجرت يارس ١٥٠٠ سي سي في أمريكا لمدة شهرين .
و حاجز بيجو ٣٠١ موديل ٢٠١٦ اعلى فئة و ان شاء الله ح استلمها بعد شهر .
انا كلامي حيكون بناء عن تجربة
اليارس سيارة عملية جدا و تكييف لا يعلى عليه .
البيجو ٣٠١ سيارة عملية جدا و التكييف ممتاز ( في الزحمة و السيارة واقفة ١٠ دقائق يقل التبريد ، بس مش حار ).
اليارس صغيرة داخليا ، المسافة بين الكرسي الخلفي و الأمامي ضيق ، عرض كنبة الجلوس الخلفية صغيره.
البيجو ٣٠١ واسعة جدا ، المسافة بين الكرسي الخلفي و الأمامي كبيرة ، ممكن شخص بطول ١٨٠ سم يجلس براحة تامه . عرض كنبة الجلوس الخلفية اكبر من اليارس .
اليارس خفيفة في السفر .
البيجو ٣٠١ ثابتة في السفر ، تحس انك راكب سيارة .
اليارس محركها ١٠٦ حصان ل١٥٠٠ سي سي و بالنسبة ل ١٣٠٠ سي سي ٨٥ حصان .. عدد الأحصنة في الياباني تمثل عدد أحصنة المحرك و ليست عدد الأحصنة الفعلية على الكفرات ( العجل ) عشان كده ضعيفة جدا سواء ال ١٥٠٠ او ١٣٠٠ سي سي . لغاية ما توصل الأحصنة من المحرك للعجل تكون فقدت لا تقل عن ٢٠٪ من قوة المحرك .
البيجو ٣٠١ محركها ١١٥ حصان ، و عدد الأحصنة دي تتعبر الفعلية على العجل بدون اي نقصان .
اليارس الأتوماتيك سعرها في السعودية تقارب ال ٥٣ الف ريال لأقل فئة ١٥٠٠ سي سي ، قزاز كهرباء ، مرايات كهرباء.
البيجو ٣٠١ الأتوماتيك موديل ٢٠١٦ اعلى فئة ب ٤٧ الف ريال، قزاز كهرباء ، جنوط مش غطاء عجل ، قزاز كهرباء ، مرايات كهرباء ، شاشة كمبيوتر للرحلات ، اضاءة داخلية امامي خلفي ، تكييف لمس ( إلكتروني ) ، كشافات ضباب ( الشبورة ) ، اضاءة للفانوس الخلفي أقوى في حالة الشبورة ، عدد ٤ ايرباق ( اكياس هوائية للسلامة ) فرش داخلي قماش عالي الجودة ، المرايات الخارجية و مقابض الأبواب بلون السيارة ، بلوتوث للتليفون ، مؤشر خلفي في شاشة الكمبيوتر عند ركن العربية في مواقف ضيقة ، فرامل ABS , ضد انزلاق السيارة traction control... هذا اللي متذكره تقريبا .
اليارس الصيانة كل ٥ آلاف كيلو ، أرخص من البيجو .
البيجو ٣٠١ كل ١٠ آلاف كيلو ( صيانتين في اليارس أرخص من صيانة واحدة في البيجو بسبب الوكيل !!! )
مثال ، صيانة اليارس ٢٠ الف تكلف في السعودية تقريبا ٦٠٠ ريال ، البيجو في حدود ٩٠٠ ريال .
صيانة الوكيل في كل السيارتين غالية و لا بيعملوا اي حاجة في العربية ، اشتري الفلاتر ( صفاية ) زيت المحرك و غيرها بره الوكيل و هواء المحرك و المكيف ممكن انت تغيرهم بنفسك ( جدا سهله و توفر على نفسك ٢٠٠-٣٠٠ جنيه .
اليارس صرفية البنزين للقيادة المعتدلة ١٢-١٣ كيلو في اللتر الواحد و يكون بنزين لا يقل عن ٨٧ و لا يحتاج بنزين فوق ال ٩٠ .
البيجو ٣٠١ صرفية البنزين ١١-١٢ كيلومتر في اللتر الواحد و يكون البنزين ٩٠ او اعلى .
البيجو ٣٠١ بدأت إنتاجها عام ٢٠١٢ ، يعني سيارة جديدة شكلا و مضمونا ، بس شركة بيجو صار لها فوق ال ١٠٠ سنة بتصنع سيارات ... و كل السيارات الجديدة تكون لها مشاكل و تبدأ الشركة المصنعة بتجميع مشاكل السيارات من وكلائها في جميع أنحاء العالم و تبدأ تحسن في تصنيع الموديلات القادمة .
المازدا كانت عندهم سيارة اسمها ترايبوت و مشاكلها كثيرة جدا جدا و تم سحب السيارة من الاسواق و إلغاء إنتاجها .
مازدا كان عندهم ٩٢٩ ، و كانت العربية تتقسم بالنص و هي ماشية .
الستروين كان عندهم عربية تتحرق بعد ما تطفئ العربية ب ١٠ دقائق .
الفولفو كانت عندهم مشكلة في الفرامل و صارت حوادث مميته .
الاودي ٥٠٠٠ كانت فيها مشكله ان العربية تتسارع لوحدها مجرد تغيير الفتيس .
آلبي ام دبليو كان عندهم مشاكل تكييف .
شوف السيارات الصيني ، تعيسة جدا و لكن شركات مالها في السوق يا دوب كم سنه ، كمان ١٠-٢٠ سنه الناس ح تبدأ تشتريها بكثرة عشان جودتها .
الأمثلة كثيرة جدا وفي كل الشركات تحصل من ياباني ل كوري ل ألماني ..... الخ
عشان كده اوعى اي حد يشتري عربية تكون موديل جديد اول مره تتصنع ، اول ما نزلت ال ٣٠١ كان نفسي اشتريها وما اشتريتها و لكن الان اشتريتها لان لها ٤ سنوات في السوق .
اسأل الله لك التوفيق .
نسيت حاجة مهمه في البيجو ، لما تقفل النوافذ و يد الأطفال او رأسهم بره القزاز ... القزاز بيوقف عند نقطة معينه عشان ما يقفل على دماغهم او ايدهم وهي بره .