ألجراند شيروكى نازلة ب ٤٩٠ و ٥٥٠ الف جديدة
بيتهيألى محدش هيشتري x3 بعد كدة ؟
أية رأيكم ؟؟
ألجراند شيروكى نازلة ب ٤٩٠ و ٥٥٠ الف جديدة
بيتهيألى محدش هيشتري x3 بعد كدة ؟
أية رأيكم ؟؟
مش شرط
ال x3 في راي حجمها مناسب للبلد اكتر
ده غير انها sporty اكتر
و غالبا استهلاكها للبنزين احسن
أعتقد انهم حددوا في الاعلان ان سعر 490000 ج لموديل لاريدو اما سعر 550000 ج فلموديل ليميتد و كلاهما بمحرك هيمي 5700 سي سي و لكن المفاجأة و أرجو ألا أكون مخطأ فان كلا الموديلين بدون نظام دفع رباعي و لكن 4x2 و الفارق فقط للموديل الأعلى في شاشة 8.4 بوصة بدلا من 5 بوصة و جنوط 20 بدلا من 18 و بارك سيستم و كاميرا خلفية.
الرابط التالي من موقع جيب مصر و لو في زميل فاضل لاحظ أي معلومة عن وجود
Quadra-Trac II® 4WD System ياريت يصحح لي معلوماتي.
الرابط:
2014 Jeep Grand Cherokee | Exterior
موجود فى الجزء دة
http://jeep.com.eg/en/grandcherokee-capability.html
SELEC-TERRAIN TRACTION CONTROL
Legendary Jeep vehicle capability improves with the Selec-Terrain traction control system, giving you five modes to tackle almost any condition including snow. Traction is also enhanced through the Quadra-Trac II 4WD systems.
قضي الأمر و شاكر لحضرتك التأكيد و فعلا سعرها كده منافس لل x3 و glk كمان في فئة ال 3000 سي سي طبعا و ان كان مؤكد استهلاك الجراند شيروكي أعلى بسبب المحرك ال 5.7 لتر.
خالص الاحترام يا باشا
imo ,, ال X3 برقبتها
ياراجل!!!! طب شوف الفيديو دة ...
Jeep Grand Cherokee SRT8 - جيب غراند شيروكي اس ار تي 8 - YouTube
بس برضه عايز اعرف ايه السبب المفاجئ فى نزول تمنها 300 ألف مره واحده كده أكيد فى سبب
هيا بقت بتتجمع فى مصر يعنى ولا إيه
ياباشا الشيروكى ال SRT8 دى فئة super suv
و دى بتنافس ال X5m و الكايين التيربو (دى البوب بتاع الفئة دى )و دول مش اقل ابدا من
الشيروكى ال SRT اذا ماكانوش احسن منها (ف الاداء و ليس السعر)
و ماتنساش ان الجرند شيروكى 2012 لما دخلت moose test كان ادائها "فضيحة"
و للى ميعرفش ,, ال moose test دا اختبار بتعمله مجلة teknikensvarld المشهورة و
بتختبر بيه قدرة العربيات على المناورة evasive maneuver
http://nileup.com/up/uploads/nilemotors_13975166161.jpg
السعر دة ممتاز وأكيد أحسن من إل x3 ....
دي أصلا نفس فئة إل x5 ....
وبعدين الموتور الهيمي يقطع أي مكنة موجودة في مصر ...
رئيس الوزراء محلب يفتتح ويقود اول سيارة جراند شيروكى خارجة من المصنع
‫محلب يشيد بالإمكانات الهائلة للهيئة العربية للتصنيع ويصفها بالقلعة الصناعية‬‎ - YouTube
لو البافريه فيها ناس بتفكر
يلغوا ال x3 ال 20i اللي ملهاش لازمه دي و معاها ال 35i
و ينزلوا ال 28i بمواصفات ال 35
و بكده يكونوا اصابوا الجراند في مقتل هي و ال glk كمان
متور 2000 سي سي تيربو 245 حصان و ضريبه 1000 جنيه في السنه
شريف باشا تفكير رائع و مشترك بيننا و فعلا سألتهم في المبيعات من 6 شهور على الموتور ال 245 حصان كان ردهم ان عقد تجميع ال x3 في مصر لازم 400 عربية في السنة و منهم نسبة محددة اجباري من الموتور ال 3000 سي سي و بالتالي لو استورد ال 254 حصان 2000 سي سي عمره ما هيبيع عربية واحدة 3000 سي سي و ده سبب اضافي يبين لك ليه ال 2000 سي سي الحالية فاضية جدا بالوضع الحالي بتاعها.
الحاجة التانية ان آخر السنة دي المفروض يبدأ حجز الفيس ليفت لل x3 موديل 2015 و متوقع ان سعرها هيكون أعلى طبعا من اللأسعار الحالية طبقا للمعلن من بي ام نفسها.
تحيا مصر يا باشا.
تسلم يا محمد باشا
و انا مش بقول يستوردوا ال 28
انا بقول يجمعوه
اهو بعد نزول الجراند بالسعر ده ال 35 سعرها بقي كتير و خصوصا بعد الفيس لفت زي ما بتقول
ده غير الحوار الحمضان بتاع الضريبه و الدعم
فلو عايزين يشتغلوا و يبيعوا مش قدامهم الا اللي انا بقوله ده
و انا شايف ان ال 28 لو اتجمع هنا و سعر العربيه بقي في رينج ال 450-500 و بمواصفات ال 35 هتبيع اكتر من ال 400 عربيه و اكتر من مبيعات ال 20 و ال 35 دلوقتي مجتمعين
ده ال glk مبقتش اشوفها الا بعد ما ال 250 نزل منها
شريف باشا هما أصلا مش شاغلين بالهم بال جراند شيرووكي و عارفين ان العملاء كانوا ليهم انطباع معين خاص بالثبات و هي مستوردة فما بالك و هي مجمعمة محليا ب 45% منتج محلي. البافارية دايما تركيزها على الموديل المنافس من مرسيدس فقط لأن أودي أساسا ملهاش سوق رغم ان ال Q5 ملهاش حل.
الحاجة التانية ممكن تستنى كبيمر معشوقتك المفضلة من الكويت ال X5 المجمعة محليا :Copy of majd(4):
حسب كلامهم معايا من بعد اوتوماك و طبعا بالشكل الجديد تماما.
كل الاعتذار لصاحب الموضوع لو خرجنا عن الغرض المخصص ليه بس فعلا نزول الجراند شيرووكي مجمعة محليا كان يستوجب المقارنات الموجودة.
خالص الاحترام للجميع.
+++111
لا شك ان الجراند غير الشيروكى و مختلفه تماما ...
و لكن البى ام x3 لها متعه رياضيه غير موجوده او محسوسه فى الجراند ...
وبصفه عامه و عن عده تجارب كل مواتير الجيب قدره كبيره للعزم اكتر منها للتسارع و الشد ... لانها معموله لل off road ...
و الدليل للى ركب اوجرب الشيروكى ان موتورها ٢٣١ حصان ... لكنى بالسى ٢٠٠ الى ١٨٥ بطير منها :)
تحياتى ...
لا ادعى للاعتذار
الموضوع معمول عشان نستفيد ونعرف الفروق ونقارن بين نفس الفئة
بس أنا كنت فى التوكيل اللى على طريق الإسماعيلية بتفرج على الشيروكى الصغيرة ومندوب المبيعات قالى أن فى قائمة حجز كبيرة على الجراند شيروكى ... مين عارف اية اللى هيحصل فى السوق
الجراند ميزتها انها فئه اكبر و عربيه قويه جدا كماتور و عفشه و برستيج كمان و شيك جداا
البى ام لا غبار عليها لاكن لو حطيت الاتنين جمب بعض كتير هيروحوا للجراند
ممممم مكنتش اعرف ان في نيه لتجميع ال x5
و هي مش معشوقتي قوي لانها موجوده مع الحج اهي
و للاسف الموديل ده لا يصلح لمصر بسبب نشوفيه العفشه
بس يقال الجديده احسن كتيييير
و عموما كده كده مش فارقه
اذا ال x3 اهي داخله علي ال 600 الف
دي مش هتقل عن 750 باي حال من الاحوال
يعني برضه بعيده عن الجراند
و بالمناسبه الجراند مش سهله برضه
دي مشتركه مع المرسيدس ال ml في حاجات كتير
على فكرة موضوع ال moose test جيب صلحته في موديل 2014
[youtube]http://www.youtube.com/watch?v=8Fs5M8GuvcU[/youtube]
انا بحس ان ال x3 عربية حنينة يعني مش للعمل الشاق او الطرق الغير ممهدة او المكسرة غير الجراند اللي هتستحمل شوارع مصر المكسرة والمطبات
وبالنسبة للبنزين ياتري في فرق كبير بينهم ولا هيكون عادي
انا بحس ان ال x3 عربية حنينة يعني مش للعمل الشاق او الطرق الغير ممهدة او المكسرة غير الجراند اللي هتستحمل شوارع مصر المكسرة والمطبات
وبالنسبة للبنزين ياتري في فرق كبير بينهم ولا هيكون عادي
اتفرجت على الجراند شيرووكي المجمعة محليا عند المصرية للسيارات - كلية البنات و عارضين فقط الليمتد أعلى فئة و لفت نظري ان سعرها 600 ألف و ليس 550 ألف نظرا لقوائم الحجز على العربية - over price - و فعلا عربية محترمة جدا بس حجمها صعب شوية كعربية للمدينة و الشوارع بتاعتنا و أيضا لفت نظري تقفيل الشنطة البارز من الخلف عن باقي جسم العربية بوضوح شديد و طبعا الكلام ده لن تجده في عربية متجمعة في مصنع بي ام او مرسيدس المحلية في مصر أبدا.
طول العربية 4.8 متر و قاعدة العجلات 2.9 متر مع ارتفاع للسيارة قدره 1.76 متر و عرض الهيكل 1.94 متر و ده سبب الحجم الكبير للعربية مقارنة ب ال X3 ذات طول اجمالي 4.65 م و قاعدة عجلات 2.8 م بارتفاع 1.67 م و ان كان مساحة التخزين الخلفية ضعف مساحة تخزين ال X3 بواقع 1000 لتر للجراند مقابل 550 للبي ام.
الخلاصة ان المقارنة سعريا فقط مع الكماليات الجيدة جدا تعطي أفضلية مطلقة للجراند شيرووكي دون التطرق لحجم العربية و المناورة و طبعا للأداء لأن البي ام بالموتور التوين باور تيربو ال 3000 سي سي تتفوق بدون جدال.