الموضوع: رابطة مالكى فيكترا b

المشاركة الأصلية كتبت بواسطة bmya

طيب انا مش معايا اوبل بس بعشق العربيه ديوعاوز اجيبها بس من كتر مابشوف مشاكل خايف اجيبها وتقرفني
فلو قدامي عربيه 2001 1600 اتوماتيك ماشيه 135 الف هل الموتور ده كويس ولا وحش والموديل ده له اعطال ولا ايه النظام والسعر الرينج كام تقريبا وشكرا

هو موتورها نفس الموتور اللي في الاسترا مو 2005 ..موتور كويس بيطلع 101 حصان.مشكلته
انه احيانا يعني مع بعض الناس وليست شكوي عامه , الموتور بيجيب كونترول , وده لان عليه احمال كتير. مشهور بين الصنايعيه بالموتور البلاطه ابو دواسه كهرباء .
انما العربيه اللي حضرتك بتسال عنها دي تعتبر زيرو .. فلو حالتها حلوه توكل علي الله. وفي اخ معانا هنا عمل العكس بالنسبه للكونترول ده. خفف حمل الدواسه الكهرباء وبدلها بدواسه واير عاديه والدنيا تمام معاه..

المشاركة الأصلية كتبت بواسطة a.sattar

السﻻم عليكم
انا احمد عبد الستار معايا فيكترا 2001 مانيوال بقالها 3 شهور وبصراحة مستمتع بيها الحمد لله وبصراحة اكتر بستفيد جدا من المنتدي و كل الي بتعرضوه عليه
وربنا يجعل الموضوع ده مفيد لنا كلنا

وعليكم السلام, اهلا بيك يا باشا..

المشاركة الأصلية كتبت بواسطة mohamedeltawel

]انا كمان اتشرف بالانضمام معاكم فى الرابطه
انا اسمى محمد الطويل من اسكندريه معايا فيكترا بى 1 موديل 96 اوتوماتيك 2000 سى سى ايكوتيك
معايا من شهر 8/2013 والحمد لله مريحانى جدا
وانا اخترت الفيكترا بعد كل اللى قريته للاستاذ فادى والباشا طنانى والاستاذ احمد فهمى وهما حببونى فى الفيكترا وكت بدور على ال cdx بس للاسف مالقيتش
والحمد لله ربنا وفقنى واشتريت ال cd ومريحانى جدا وانا بشكرهم جدا على المجهود اللى بيبذلوه لخدمة الاعضاء وربنا يجازيهم خير
وبالنسبه لعربيتى انا استهلاكى حوالى 200 كيلو فى الصفيحه وانا شايف انه مناسب جدا للاداء اللى باخده منها وانا جاهز لاى خدمه من اسكندريه للاعضاء

منور يا محمد وربنا يبارك لك..

المشاركة الأصلية كتبت بواسطة ah-elgendy

وانا احب انضم ليكم انا معايا فيكترا 99 1600 مانويل الموتور الاسود العربيه معايا من 2005 وبصراحه عربيه ممتازه وبتستحمل البهدله ومتقولش لأ

اهلا وسهلا, فعلا عربيه حموله جداا

المشاركة الأصلية كتبت بواسطة iram

ياتري اوبل فكترا 2002 فابريكه برة وجوة 1600 مانوال تعمل كام وبعدين العربيه دي فعﻻ قطع غيارها غاليه فعﻻ وﻻ ايه ياريت حد يطمني

تعمل 65 الف,,
قطع غيار رخيصه ومعمره جداااا
مالهاش اي عيوب وموتور خدمه شاقه

المشاركة الأصلية كتبت بواسطة harphosh

بسم الله الرحمن الرحيم
تحياتي لجميع مالكى الأوبل يسعدنى الانضمام للرابطه
محمد محمود عبد الرحمن
فيكترا بي1 مو 98 1600 مانيوال ( جميع الكماليات عدا الفتيس )
حلوان
معظم الصيانات أقوم بها بنفسى ميكانيكا وكهرباء وعفشة
التكييف عند محمد سعيد بالمعادى
سمكرة ودوكو فى حلوان
قطع الغيار باشتريها من صقر قريش للجديد ( نيو أوبل ) أو وطنية فى السلام
الاستيراد( سفينة أوبل - إسلام - الشاطر - النواصرة ) بالحرفيين - مدينة السلام

اهلا بيك يا محمد...
ربنا يبارك لك..

المشاركة الأصلية كتبت بواسطة عمرو الجميلي

السلام عليكم ورحمة الله
انا اخوكم عمرو
واشتريت اوبل فكترا 2002 gls موتور ايكو تك 1600 اتوماتيك
انا عايز اعرف الفرق بين ال cdxو gls
ويا ترى السيارة ديه جيدة
انا عاشق الاوبل والالماني عموما
ويا ريت الرد
جزاكم الله خير

gls بيطلق علي اي موتور 1600 سي سي
cd بيطلق علي اي موتور 2000 سي سي
cdx موتور 2000 سي سي بكماليات خاصه

المشاركة الأصلية كتبت بواسطة m7nsh

موضوع ممتاز ولو ان منتدى اوبل كله تقريبا فيكترا بى ماشاء الله عشان الحسد :))

معايا 97 1600 مانيوال ,, صيانات مع صابر سابقا وحاليا محمد طنانى فى المعادى ..
قطع غيار : العايدى - الفولى - سفينه - اسلام عبد الشافى - محمدقشطه دا كله استيراد .. وتقريبا مجبتش حاجه جديده :))

سؤال سريع تقريرى هدفه التأكيد : الموتور ال 2000 ايكوتيك يتسقط عادى على الفتيس ال f16 من غير مشاكل ..صح ؟ طيب لو ااه مش نسب النقلات بتاعت الفتيس هتكتف الموتور شويتين على اساس انها كانت نازله على ال1600 ؟

نصيحة : Af 20 انسب فتيس لكود الموتورين x20xev وc20sel ودة فتيس اوتوماتيك اما لو عايز منيوال يبقى af18 ودة انسب واحد للمتورين السابقين ودى نصيحة اخوية بالاش af16 لان نسب الفتيس بتاعته مش هتناسب مع الموتورين دول
ورجاء مراجعة موضوع ا/ احمد عاشور الخاص بنسب الفتيس للأهمية
وهو تقريبا : الوصول الى١٠٠ كم على كم rpm والموضوع دة تحديدا وضح اهمية نسب تروس الفتيس
تحياتى