رابطة مالكى فيكترا b

**هشام السيد** · 20-05-2014 08:04 PM

انا عندي بقي سؤالين اول حاجه لما حد بيبقي معاه الموتور الاسود علي فتيس مانوال مثلا f18 وبيجي يغيره بتقولوله هات نص بالمره وغير طنابيرمع ان الطنابير الاربعه خرم نازله مع مواتير ٢٠٠٠ كامه واحده عادي. السؤال التاني بقي هي كلبسات فلتر البنزين لو اتكسرت بتجيبها منين ؟

**فادى محمد** · 20-05-2014 11:36 PM

المشاركة الأصلية كتبت بواسطة هشام السيد

انا عندي بقي سؤالين اول حاجه لما حد بيبقي معاه الموتور الاسود علي فتيس مانوال مثلا f18 وبيجي يغيره بتقولوله هات نص بالمره وغير طنابيرمع ان الطنابير الاربعه خرم نازله مع مواتير ٢٠٠٠ كامه واحده عادي. السؤال التاني بقي هي كلبسات فلتر البنزين لو اتكسرت بتجيبها منين ؟

عفوا مش فاهم قصد سيادتك من السؤال الاول..
-كلبسات فلتر البنزين..
لو تقصد الكلبس الابيض اللي بيبقي جاي مع الفلتر . فطبيعي هتلاقيه مع الفلتر الجديد او تجيبه من عند قطع غيار الدايو ( نفس الكلبس) الواحد ب3ج - لو قصدك الكلبس الاسود اللي في طرف خرطوم البنزين الازرق . فده تجيبه علي بعضه استيراد ولو مالقيتهوش غيره من فوق ( الطرمبه) لتحت بخرطوم نفس السمك كاوتش عادي وافيز من فوق وافيز من تحت علي الفلتر ( وتلغي طبعا اللي في الفلتر)

**فادى محمد** · 21-05-2014 03:22 PM

المشاركة الأصلية كتبت بواسطة هشام السيد

انا متشكر لرد حضرتك استاذ فادي هو انا قصدي في السؤال الاول يعني لو حد موتور عربيته ١٦٠٠ اسود وفتيس f18 وحب يركب موتور ايكوتك ٢٠٠٠ هو في غني انه يغير طنابير وفرامل وكل الليله دي صح كده؟ والسؤال التاني انا قصدي فعلا علي الكلبسات اللي في الخراطيم يعني ملهاش حل اني الاقي زيها ؟ اصل حرام عشان كلبس زي ده تغير خرطوم كامل

- الشكر لله.
هو فكره انك تشتري نص علي بعضه علشان الوفر وتبقي الحاجه علي ابوها زي مابيقولوا انما الطنابير طبعا مش شرط تتغير. انما اللي لازم يتغير هو الطنابير الخلفي في حاله تسقيط ايكوتك

-الخراطيم دي قليله جدا ( مش عاوز اقولك نادره) لان العربيه بتتقطع وبيترموا او بيضيعوا واساسا بييجوا حالتهم وحشه والخرطوم ده لو اتني , باظ .. خرطوم اللانوس يركب هو نفس الكلبس ونفس فلتر البنزين..

**فادى محمد** · 21-05-2014 03:53 PM

ايوه الطنابير الخلفيه بتتغير من قباقيب لمساطر علشان تستحمل القدره الحصانيه الاعلي سواء ايكو 1600 او 2000 سي سي

**هشام السيد** · 24-05-2014 11:45 AM

هو الجانبين الامامي في العفشه استيراد بكام تقريبا فيكترا بي ٩٧

**khaled el adl** · 26-05-2014 12:28 AM

السلام عليكم
انا احب اشكر الاستاذ فادي علي المجهود الرائع و العشق لهذا الموديل و نقلهلنا
لي سؤال او اكثر الحرا ة بتعلي مع التكييف الي 98 فالفيكترا بي مود 98 -2000سي سي
و لما توصل للحرارة دي المروحة بتاعت الريدياتير تشتغل علي السرعة العليا و مروحة التكييف تفصل خالص
و هل لما انا اشغل التكييف الروحتين يشتغلو مع بعض علي السرعة الابطئ
هل السنتر بالريموت بيفتح كل الابواب حتي باب السواق اصل انا عندي الريموت يفتح كل الابواب الا باب السواق
وكنت عايز اعرف معدل استهلاكها فالبنزين مع العلم انها تعمل معايه 160: 180 لتر فالصفيحة و سعات كتيير جوه البلد 150 اما برة البلد 180

**فادى محمد** · 26-05-2014 12:58 AM

المشاركة الأصلية كتبت بواسطة khaled el adl

السلام عليكم
انا احب اشكر الاستاذ فادي علي المجهود الرائع و العشق لهذا الموديل و نقلهلنا
لي سؤال او اكثر الحرا ة بتعلي مع التكييف الي 98 فالفيكترا بي مود 98 -2000سي سي
و لما توصل للحرارة دي المروحة بتاعت الريدياتير تشتغل علي السرعة العليا و مروحة التكييف تفصل خالص
و هل لما انا اشغل التكييف الروحتين يشتغلو مع بعض علي السرعة الابطئ
هل السنتر بالريموت بيفتح كل الابواب حتي باب السواق اصل انا عندي الريموت يفتح كل الابواب الا باب السواق
وكنت عايز اعرف معدل استهلاكها فالبنزين مع العلم انها تعمل معايه 160: 180 لتر فالصفيحة و سعات كتيير جوه البلد 150 اما برة البلد 180

,وعليكم السلام ورحمه الله وبركاته..
-الحراره كده عاليه شويه , اكيد في تسريب في دوره التبريد ( الميه بتنقص) دور عليه وصلحه الحراره هتظبط معاك علي 92 بالكتير
-السنتر بيفتح كل الابواب
-معدل استهلاكها 220 في السفر - 170 جوه البلد
بس بتفرق حسب حاله الموتور وظروف التشغيل وطبيعه القياده