بركاتك يا سحليه يوميات فيرناوي !!

**verna2008auto** · 14-04-2014 11:19 AM

اجمل صباح الخير وصباح السعاده يا فيرناويه
يوميات فيرناوي كالمعتاد صباحا قبل كل شيء (( الفيرناوي )) لازم يفتح الكبوت ويبتدي عمليه البحث عن سوائل ناقصه زيت الموتور الخ ..
لكن هيا وصلت لحد كده وكفايه ...

سحليه تقريبا عجبها تدخل ف العلبه البلاستك ( اول علبه قبل علبه الفلتر )

احكي من البدايه ... انا يوميا افتح الكبوت وتشيك علي العربيه عندي لاحظت وجود ( عضم - قش - قطع ورق )
فا كنت با اقول عادي .. بتحصل في احسن العربيات ..وماكنتش با خد بالي ..

النهارده الصبح قبل ما ادور وبعد ما نضفت الحاجات دي قلت اتمعنن في البص شويه لاحظت اثار اقدام ثلاثيه زي بتاعت العصفوره كده ..

بس عصفوره ايه اللي ها يدخلها عندي جوه

المهم .. با خبط علي العلبه السوده ده ... (( واتسرعت )) مره واحده حسيت ان فيه غساله اوتوماتك فيها وشظايا تراب خرجت من الفتحه ومره واحده حاجه خرجت دمغها وظفلطت نفسها ونزلت تحت العربيه ..

طبعا مش عاوز اوصفلكم قد ايه انا كنت ( جريء ومش خايف ) بس اللي انا فاكره اني كنت بعيد عن العربيه بحوالي 10 -15 متر.. مره واحده ومش عارف ايه اللي وداني هناك ...
المهم..
طبعا رجعت وانا في شده رباط الجأش والوقار الي العربيه بعد ما اتلفت حولين نفسي اشوف مين شافني .. مافيش حد الحمد لله ..

المهم قعدت اخبط كده من بعيد ليكونو عشيره واله قبيله جوه واله حاجه .. لغايت ما الحمدلله ماشوفتش حد تاني ..

وطبعا عالصبح كده فكيت العلبه وقعدت انضف فيها وبا ادعي مايكونوش اتسلو علي سلك واله كاوتشه واله حاجه ...

حقا لا مكان للسحالي بيننا ..
بعد كده ها جيب كلب شرس يخلي باله من العربيه زي ده

فيرنا فيرنا تاحيا فيرنا
ويجعله عامر

**ameros** · 14-04-2014 12:33 PM

هههههههههههه موضوع جميل والله

**hamada6050** · 14-04-2014 01:09 PM

مواضيعك كلها جميلة هههههههههه

**haysam2000** · 14-04-2014 01:17 PM

و الله يا عاصم انت دايما محظوظ :)))
ربنا يكون فى عونك , حاول تربى اى حاجه شرسه جنبها حتى لو قطه :)

**verna2008auto** · 14-04-2014 01:46 PM

المشاركة الأصلية كتبت بواسطة hamada6050

مواضيعك كلها جميلة هههههههههه

والله يا مومبيك انا خايف المره الجايه الاقي الراجل ده مستنيني جوه العربيه اصلها لوكانده هيا اصل

**verna2008auto** · 14-04-2014 01:49 PM

المشاركة الأصلية كتبت بواسطة haysam2000

و الله يا عاصم انت دايما محظوظ :)))
ربنا يكون فى عونك , حاول تربى اى حاجه شرسه جنبها حتى لو قطه :)

والله يا مومبيك .. شكلي ها جيب حوار الكلاب ( الويلف ) ده وها ربطه ف شبكة العربيه من قدام عشان اخلص

**Eng_Designer** · 14-04-2014 01:56 PM

انا رايح اشغل العربية لقيت قطه صغننة كيوت كدا مستخبية فوق الكاوتش عند الرفرش كدا ببص من بعيد افتكرت حد خبط العربية لقيت ودانها طالعه برا قلت والله لسبها :d

**verna2008auto** · 14-04-2014 04:52 PM

المشاركة الأصلية كتبت بواسطة Eng_Designer

انا رايح اشغل العربية لقيت قطه صغننة كيوت كدا مستخبية فوق الكاوتش عند الرفرش كدا ببص من بعيد افتكرت حد خبط العربية لقيت ودانها طالعه برا قلت والله لسبها :d

يا مومبيك كله يهون بدل الخضه اللي عالصبح من سحليه واله خارتيت مستخبي جوه ...

اهو ده بكره يستخبالي جوه الكابوت

مش فاهم ايه حبهم للقرب من الفيرنا ,,
يا جمالك يافيرنا ... يا حلوتك يافيرنا .. كلهم غيرانين منك وبيحسدوكي علي شعبيتك يا فيرنا

**wael6** · 14-04-2014 07:06 PM

سحلية تفوت ولا حد يموت ههههههههههه
سلامة فيرنتك يا بوب

انت تقصد علبة العمه ولا ايه ؟

-

الموضوع: بركاتك يا سحليه يوميات فيرناوي !!

LinkBack

أدوات الموضوع

عرض

بركاتك يا سحليه يوميات فيرناوي !! - انشر الموضوع فى :

-

-

-

-

-

المواضيع المتشابهه

سوال فيرناوي

باركولي بقيت فيرناوي

بركاتك يا غبور و قطة فوق الموتور

انا بقيت فيرناوي

مشكله فيرناوي مبتدئ

الكلمات الدلالية لهذا الموضوع

المفضلات

المفضلات

ضوابط المشاركة