طب الحمد لله ان محدش وقفني ده انا عاملها دارك كلها متشوفش اي حاجه من العربيه اصلا .. طب معلش سؤال رخم تاني الناس اللي مفيمة العربيات كتير اوي دي بيعملوا ايه وازاي بيخلي الرخصه كلها فامية وهي مش جايه من بلدها فامية ؟؟
عرض للطباعة
طب الحمد لله ان محدش وقفني ده انا عاملها دارك كلها متشوفش اي حاجه من العربيه اصلا .. طب معلش سؤال رخم تاني الناس اللي مفيمة العربيات كتير اوي دي بيعملوا ايه وازاي بيخلي الرخصه كلها فامية وهي مش جايه من بلدها فامية ؟؟
بص ياباشا اللى مكتوب فى الرخصة مش محدد الزجاج الجانبى الخلفى او الامامى عادى يعنى
المهم بقى هتبقى انت وحظك لو وقعت فى امين شرطة رخم هو اللى هيسالك عن الفاميه الامامى ولا الخلفى ويغلس ويقولك ان العربية بتنزل فابريكة جانبى خلفى وخلفى فاميه مش الجانبى الامامى هتقوله الرخصة مش محددة هيرخم ويقولك هدخلك فحص تانى وده بقى لو امين شرطة رخم قوى انما فى العادى هيشوفو الرخص مكتوب فيها فاميه وتمشى .
ولو حسيت بقلق وانت داخل على لجنة ابقى افتح الزجاج الجانبى الامامى وخلاص
انا معايا byd f3 2014 و نازل في الرخصة زجاج ملون فبريقة
مش محددين ولا امامي ولا جانبي و لا ايه
اعتقد محدش يقدر يتكلم فيها دي حتي لو فيمت خالص
تانى نقول ... المكتوب بيقول فاميه فابريقه و بما ان الفابريقه مبيكونش ملزوق يبقى اى حاجه ملزوقه على الزجاج غلط .... لو شخص غلس و بص من جوه و لقى فاميه ملزوق من حقه يطلب انك تخش فحص خصوصا ان مفيش فابريقه بيكون سوبر دارك قدام و ورا
اولا الف مبروك على العربية
ثانيا
حل المشكلة زى ما ذكر الاعضاء هنا انك لو داخل على لجنة او اى حد شاكك انة هويقفك نزل الزجاج الامامى بسرعة- انا وقفونى كذا مرة و كنت ببقى منزل الزجاج الامامى و بعدى على خير الحمد للة
بالنسبة للناس اللى حاطة فاميية للعربية كلها
دى بتبقى واسطة او معرفة فى المرور و بتتثبت على الرخصة
انا ليا صديق جارى معاة فيرنا ثابت الستاير الكبس اللى بتتشال و تتحط ثابتها على الرخصة
و كان بيحكيلى موقف ان وقفوة فى لجنة و رخمو علية علشانها و قالولو متنفعش قعد يقولهم ما هى مثبوتة اهى
و الامين ماينفعش و شدد معاة راح قام خلعها و حطها فى الشنطة و بعد ما مشى حطها تانى
يعنى المقصود ممكن تقع مع واحد عايز يرخم و السلام و الموضوع مش مستاهل يعنى - مش كل حاجة تمام فى البلد وواقفة على الفامية الامامى - يشوفو اللى من غير نمر و ولا التكاتك و مصايبها
الف شكر يا جماعه ع اهتمامكم بالنقاش ف الموضوع ده والحمد لله انا فهمت كل حاجه والدنيا بقت تمام :shine[1]:
ماهو انا برضة عندى اقتراح
رخم ومفيد
ارخم من امين الشرطة نفسة
بس فية شوية تكلفة.
هانغير الزجاج لﻻبواب
اﻻمامية.زجاج ملون فاتح مش دارك
من عند د/جريش وشكرا
بيقى رخصة زجاج ملون كمان العربية
اصبحت متوافقة
يمد بقى ايدة..يرخم
مش هيلاقى ثغرة
الله يخليك يا باشا على ذوقك انا بس حاولت ابسط لك الموضوع على قد ما اقدر وكمان لانى كنت بقع كتير مع امناء الشرطة بسبب الفاميه اللى انا مركبه بس مش فبريكة وناس كانت عادى خالص بيشوفو الرخصة وبمشى وناس تانية بيعملو فيها الشرف والامانة ودول اخرهم ترمى الغرامة فى وشهم وبالسلامة ولكن موضوع تدخل فحص وكده ده مستبعد جدا لانهم دلوقتى كل همهم الغرامة .
وصدقنى والله لو القانون بيتطبق على الناس كلها من غير فارق كنت انا اول واحد شيلت الفاميه ومش هيفرق معايا طالما كلنا سواسية لكن انك تلاقى واحد مفيم ورا بس وبيتاخد مخالفة وواحد مفيم كله دارك وشايل النمر كمان ويعدى من قدامهم ويضربولو تعظيم سلام :36_2_33::36_2_33::36_2_33::36_2_33::36_2_33::36_2 _33: