الموضوع: الحقوني ... هاغير طقم سيور نيو أكسنت 2010

المشاركة الأصلية كتبت بواسطة omar11112010

الاسعار دي لقطع غيار اصلية من التوكيل نفسه بعد الخصم للمركز اللي بعتلك اسمه ع الخاص وفيه كمان باركود علي السيور بتخش ع النت وتتاكد انهم اصلي والمركز كمان بيوفرها بس اتصل الاول قبل ما تروح

تمام تمام، أنا هاتصل بيه إن شاء الله، وعلى الأقل أشتريه منهم.
وأشكرك وأشكركم جميعا على المتابعة.

سؤال آخير يا جماعة:

الميكانيكي لأ قولا واحدا، ولازم مركز خدمة ولا طالما الراجل موثوق فيه أظبط عنده وخلاص؟

طقم السيور الاصلى ٣٣٠جنيه عند البنا فى التوفيقه والبلى ١٨٠ البليتين اصلى والشباب لما بيتكلموا عن الشراء من خارج التوكيل فاحنا بنتكلم عن تجار محترمه وليها سمعتها ومش بتشتغل فى التقليد ومتجربه

المشاركة الأصلية كتبت بواسطة mazeen

طقم السيور الاصلى ٣٣٠جنيه عند البنا فى التوفيقه والبلى ١٨٠ البليتين اصلى والشباب لما بيتكلموا عن الشراء من خارج التوكيل فاحنا بنتكلم عن تجار محترمه وليها سمعتها ومش بتشتغل فى التقليد ومتجربه

تمام الكلام ده وأنا في الدراسه وقريب من وسط البلد وممكن اروح التوفيقيه مشي
والبنا ده فعلا سمعت اسمه قبل كده، بس انا ما عرفش مكانه بالضبط فهل اسال عليه هاوصله بسهوله ؟

وحاجه مهمه كمان هو السيور والبلي دول زي الفيرنا بالضبط ولا ايه، والاصلي بتاع بره ده محفور عليه هيونداي او كوري او اي علامه اعرف بيها الاصلي

واسف للاطاله

أنا بكرر السؤال يا جماعة أرجوكم، عشان أنا نازل أشتري النهاردة إن شاء الله، وطبعا هادور على الأصلي.

هل السيور والبليتين دول زي اللي في الفيرنا ولا إيه، لأن فيه شابه كبير في حاجات كتير مابين نيو أكسنت وفيرنا على حد علمي.

وشكرا مقدما.

وصلت لمكان معتمد لهيونداي "توكيل" في 24 ش عمادالدين وسط البلد، قريب من مسجد الفتح برمسيس، وفعلا قالي إن السيور والبليتين عاملين 750 وبعد الخصم هايكونوا في الـ 600 و ...

بالنسبة للصيانة، أنا بين أختار الميكانيكي اللي اعرفه، أو مركز خدمه في شبين الكوم ولكن مش معتمد، ومعرفش سمعته، بس هو بشوفه شغال على طول صراحة.

فما قولكم.