السلام عليكم
بالنسبه لمفتاح فصل البنزين علشان السرقات ربنا يحفظ الجميع
هل حد جربه و ياتري بيتكلف كام ؟
و هل ممكن يعلق و ابقي انا قفلتها علي نفسي
مع الشكر .........
عرض للطباعة
السلام عليكم
بالنسبه لمفتاح فصل البنزين علشان السرقات ربنا يحفظ الجميع
هل حد جربه و ياتري بيتكلف كام ؟
و هل ممكن يعلق و ابقي انا قفلتها علي نفسي
مع الشكر .........
متابع+++
بتروح لاي كهربائي بيعملك مفتاح بيفصل بيه طرمبه البنزين .. او بيفصل كهربة الموتور كلها .. وبعدين بيخفيلك المفتاح في مكان صعب الوصول اليه علشان لو حد حاول يسرقها ويكسر الكونتاكت او يوصل سلكتين برضو مش هدور الا لما تشغل المفتاح .. التكلفة مش متذكر الرقم كام .. بس الافضل من المفتاح بيبقي فيه اجهزة الكترونية بكارت او ميدالية لازم تبقي موجودة مع المفتاح علشان العربية تدور .. وحتي لو دورت العربية بمفتاحها الاصلي من غير الكارت ... مش هدور ومش هتلاقي كهربا ... الجهاز ده موجود في محل اكسسوارات خلف مسجد القوات المسلحة بمدينة نصر عند سيتي ستارز وتكلفته 300 جنيه
انا فعلا روحت لكهربائي و قالي 80 جنيه
بس عاوز اعرف الموضوع محتاج كهربائي شاطر ولا اي حد ؟؟؟
مش مستاهلة على فكرة
انت روح لكهربائى تانى وقولة يقطعلك سك الكهربة الرئيسى بتاع الطرمبة من عند الكنبة اللى ورا ويلحم فى كل ناحية سلك طولة مترين وبس خلاص واديلة 10ج
انت بقة هات مفتاح شدة واحدة او اى مفتاح وادفن السلوك تحت الفرش بتاع العربية واعمل المفتاح فى اى مكان يعجبك
شكراااااااااا يا استاذ zarif جدااا
انا برضوه كنت حاسس انه مبالغ ف ال 80 جنيه و باذن الله اعمل بنصيحتك ف الاجازة
جزاك الله خير
خلى الكهربائى يخلى طرمبة البنزين تفصل مع الانذار
انا روحت لكهربائي تاني ف البلد و جيبتله طلبات ب 15 جنيه و وصل لسلك طرمبه البنزين و ووصل سلك و حط مفتاح ف مكان ما
و الحمدلله الموضوا ما كلفنيش حاجه كبيرة
بس بصراحه المكان مش مريحني
لو حد عنده مكان عبقري يبعتلي ع الخاص ياريت
خصوصا اني الحمدلله مع اني مبتديء لكن فضلت جنب الكهربائي اشوفه بيعمل ايه والموضوع بسيط فعلا زي ما قال الاستاذ مصطفي " Zarif"
ف بفكر انقل مكان المفتاح بس عاوز مكان ف الجوووووول
مع الشكر ...
\
تحت الطابلوة
وممكت تفككتاوت الطلمبة وتاخدة معالك البيت وتركبة وانت ماشى بعد كدة
شكرا لجميع المشاراكات و جزاكم الله خير
زي مالاخوه وضحوا كل شئ ماشاء الله عليهم هو الموضوع بسيط جدا تختار كهربائي ميعرفش بيتك ومفتاح خلاط صغير من اي كهربائي هيعمل من 2 جنيه الي 7 جنيه حسب الخامه و2 متر سلك 1 مل وطول المتر حسب مكان المفتاح هيكون فين !!! وتروح للكهربائي هيفك علبه الفيوزات اللي جوه وياخد الفيوز الرابع من تحت في العلبه ويوصله ويوصل الفرده التانيه بالمفتاح وخلاص شكرا كده مفيهوش اي قلق ولا اي مشاكل لو لقدر الله المفتاح باظ منك هتفك منه السلكتين وتوصلهم ببعض عشان تقفل الدايره تاني وتكلفه التركيب من 25 جنيه الي 40 جنيه بالكتير حسب الكهربائي واسعاره .... بالنسبه للجهاز اللي بيركب وبيدور بكارت ده صيني وسعره من 250 جنيه الي 265 جنيه انا من وجهه نظري مش عملي بالمره بالذات لو الكروت ضاعت ... يارب اكون افادتك من واقع تجربتي للموضوع
شكرا جزيلا meero_boy2000
اكيد طبعا افدتني و باقي الزملاء ف المنتدي اللي اجمل حاجه فيه اننا بنساعد بعض بدون معرفه او مصلحه او اي شيء
وباذن الله يكون لوجه الله تعالي