تقرير (( بالصور )) عن تويوتا يارس 2014 خاص من الداخل ××××

https://encrypted-tbn2.gstatic.com/i...ZtCsxqMM5Yor2d

بسم الله الرحمن الرحيم

وبه نستعين على صراط المستقيم سيدنا محمد وعلى أله وصحبه أجمعين
أقدم لكم اليوم يا حضرات تقرير خاص مصور عن تويوتا يارس 2014 الجديدة ... وهقدم لكم التقرير بالصور + الصورة الذهنية وأنطباعي عنها بمنتهى الحيادية .

وخلونا نخش على طول جوا العربية ونفتح الباب ونقول بسم الله الرحمن الرحيم ... يارب يا ساتر ... يالي جووه ... الي مش مغطي شعروا يحط حاجة على راسو ... لا لا بجد أول ما بتخش العربية بتلاقي المنظر دهو

https://fbcdn-sphotos-f-a.akamaihd.n...86168776_n.jpg

طبعاً من الصورة هنا بنلاحظ حاجة مهمة
بنلاحظ ان المصمم مبتكرشي حاجة جديدة ... ومجابشي حاجة من عندو ... دا عامل كوبي وبست لتابلوة البي أم دابليوا الفئة التالته الجديدة ومش ناقص غير يحط الشاشة بتاعت بي ام وعلامت بي أم دبليو

https://encrypted-tbn2.gstatic.com/i...oXPlvLAqMlgV5g

عامةً

برضو اللمسة الجميلة للمصمم الياباني وأضافتها على عربيات تويوتا يارس كانت لفته أنسانية جميلة فمثلاً بص حضرتك على الصورة الي جية تحس أن الدريكسيون متخيط وواخد خياطة دوبل من الجمب زي Bmw حتى برضو حتت الالمانيوم أو الحته البلاستيك الميتالك المطعمة بيها الدريكسيون كمان لزيزة والتحكم في الصوت من الدريكسيون .... وتخانت وسمك الدريكسيون ذات نفسو بتديك أحساس وملمس ديريكسيونات BMW أحساس الفخامة والرفاهية ويمكن الي ساق أو ركب عربية BMW الفئة التالته الصغيرة هيعرف انا بتكلم عن أيه .

https://scontent-b-lhr.xx.fbcdn.net/...51915307_n.jpg

طبعاً أهو زي ما أنتو شايفين يا حضرات
صورة تقريبة للخياطة بس شهادة برضوا أحاسب عليها قدام الناس
أن في بي أم بتحس أن جلد جلد أو حيوان أتقتل وأتخيط علشان بسلامتك تسوق في تويوتا لأ بتحس بالتاتتش الصناعي وتحس أنو جلد مش أصلي قوي بس طبعاً أحسن من الكوري الي بيحسسك أن فايبر أو عجينه مكبوسة ومعمولة ديريكسيون .

https://fbcdn-sphotos-a-a.akamaihd.n...98399805_n.jpg

بس طبعاً مش عاوز أغادر الصورة الأولانية وأمشي من عليها مرور الكرام
تصميم العدادات ... غير مبتكر بالمرررة يعني شفناه في الانسر شارك وشفناه كمان في الكيا سيراتوا وفي المازدا ثري .

@@@@@@

طيب نيجي بقة للصورة الي جيه من جنب الدريكسيون
ومعليش واحد يقلي انتا هتسلخ العربية هقولك معليش تويوتا على عينا وعلى راسنا بس برضو بنقول ونوضح على بعض العيوب علشان الاشكال الجديدة يتلافوا الموضوع ده

المهم بص كده حضرتك من الجنب

https://fbcdn-sphotos-h-a.akamaihd.n...77086102_n.jpg

حلو انكم عملتو التشغيل بكبست زرار للعربية الي هو أستارت أنجن ولكننننننننننننننننننننن
أنتا سايبلي طبه ليه مكان المفتاااااح ليييييييييييييييييييييه .

يعني أمتى بس الصنيعي الياباني هيبقى عندو ضميررر

ماهو يا نعمل الحاجة صح الصح يا نقفلها ونقلبها مصنع عجــــــــــــــــل أحسن !

##############

نيجي بقه الناحية التانية

https://scontent-b-lhr.xx.fbcdn.net/...57607494_n.jpg

يالهووووووي على الجمال والشياكه والازازة
فعلاً أنهم مبدعين .... بس برضوا انا شايف بي أم قدامي مش شايف شخصية تويوتا الي أتعودنا عليها في بساتطها وجمالها ولو تأملنا الصورة الي فوق دي على طول دي صورة مكان للكوباية + شوف الاكرة معمولة كروم أزاي وملمس رائع رائع رائع يوحي بالفخامة ... تطعيم التابلوة بالخياطة شيك شيك شيك وشغل عالي وعلى مستوى فتحت حامل الكوبايه بيتفتح بشكل أنك تحس بالقوة والفخامة مش بالضعف أو تحس أن مكوناتوا ركيكة .... حاطين لنا كمان تويوتارات في الجنب وأسمحولي أقول

http://1.bp.blogspot.com/-OeS24ICEUb...0/Untitled.jpg

لقد هرمنااااااااااااااااااااا ااااااااااااااااااااااااا ا
من أجل هذه اللحظة التاريخية الي تحطولنا فيها تويتر في تويوتا يارس .

طبعاً كل ده وحتت كمان النيكل او البلاستيكة او الالمنيوم السيلفر الي مطعم فيها التابلوة دي شغلانه تانية وفخامة فخامة فخامة ... وحلوة منك على قد سنك يا تيوتا ... وبجد تسلم أيديكي يا توتو علي عملاها في اليارس وعلى أن المهندسين بيحاولوا يضيفو كل حاجة ممكن تنضاف من أكسسورات وحليات وكنا بصراحه نفتقدها في الطرزات السابقه ...

ملاحظة : مازال للموضوع بقيه ... كافئ مجهوداتنا بلايك أو شكر وأكتب متابع عقبال ما أحضرلك الباقي ..

@@@@@@@@@@
وتحياتي

تسلم يا كبير علي التقارير الوافية الشافية الدقيقة.
انت فصصت التابلوه كويس , مستنيين من حضرتك بقية العربية , ولا اييه ؟
تحياتي لشخصك الكريم

تسلم ياغالى

ألف شكر على الموضوع ويا ريت يكمل ويبقى موسوعة لليارس...

ملحوظتي على اليارس إنك تركز أكتر على الفئة الأولى عشان هي اللي عليها طلب وسعرها مناسب مقارنة ب الهاي لاين...

مشكلت اليارس الجديدة معايا إنها نزلت بعد الكورولا عكس الخليج وده خلاني الصراحة أقفل من اليارس الهاي لاين أول لما شوفتها مقارنة بالكورولا بيزك خصوصا إن فرق السعر مش كتير قوي.

وتستمر المفاجـئات

https://fbcdn-sphotos-b-a.akamaihd.n...93111955_n.jpg

بصوا العربية دي كلها مفاجئات

http://i1.ytimg.com/vi/ifhAlW6Yw2I/hqdefault.jpg

هههههههههههه
لا لا بجد بجد

نيجي بقه لناحية السواق ... ونبص كده على الصورة دي ونشوف مع بعض

https://fbcdn-sphotos-f-a.akamaihd.n...38795083_n.jpg

ها شايفن أيه في الصورة دي .... أخيراً أخيراً بقو ينزلوا خاصية طي المرايات من الداخل Retractable turn بس مع الفئة الهاي لاين ... يعني الي معاه فلوس يبقى قاعد باشا كده وبلمست زررر يقفل المرايا من جوا ... ممعكش فلوس ياحبيبي مد أيدك ما تتكسيفش وقفلها بأيديك بطل تناكه :) .

http://s5.paultan.org/image/2013/10/...or-850x566.jpg

طبعاً برضو حتت لمبة الاشارة الي بتبقى في اليارس الجديدة كنا زمان بنلف التوفقية كلها ونروح شارع دمشق وشارع بورسعيد أنوا نلاقي الكا فرر بتاع المرايا ابو اشارة مكناش بنلاقي غير للكورولا بس الان بقى بينزل في العربية أستندر .

@@@@@@@@@@@@

طيب هنا بقة صورة درج التابلوة
أو الي بيسموه درج القفازات .... وطبعاً زي ما أحنا شايفين كتاب سلاح التلميذ التيوتاوي موجود فيه ... أو الي بيسموه بعض مانيول العربية .... المهم نخلي بالنا للي بيستلم العربية جديد يخلي بالووو جداً وأول حاجة يبص عليها اذا الكتاب ده موجود او مش موجود ... هتقلي أصل مباحبش المذاكرة هقولك ده مش للمذكرة يا بابا ده لمن تيجي تبيع العربية انشاء الله وجود الكتاب ده في العربية ومتحافظ عليه بيدي لعربيتك سعر وقيمة وتلاقي الزبون يقول واااااااو ده المالك الاول وواضح ان العربية على أبوها وبورقها وكتلوجاتها وكارتينها وحاجتها لذلك حافظ على الكتاب ده مهم جداً .

وطبعاً زي مانتم شايفيني التكيف هنا ديجيتااااال بس لأني راكب الهاي لاين بسم الله مشاء الله

https://fbcdn-sphotos-e-a.akamaihd.n...95184179_n.jpg

لاحظ كمان لمست الاستانليس او تطعيم الكروووم في التابلووة والاوكر وحتى الكاسيت ... بص من الاخر أنا بمووووت في الحبكشتنات الي زي كده والشغل الؤونطة ده بحبوا يكون موجود في أي عربية وهو ده الي بيفرق بين لمست الفخامه وبين العربيات العاديه ... يعني حبت التفهات دي علشان تعملها هتكلفك ؤلوفات ومش هتتعمل مزبوط .

https://www.facebook.com/photo.php?f...type=3&theater

نيجي بقه لشكل الكنسوووول الوسطاني
وهنلاحظ ان تويوتا مقدميتش شيء جديد هو هو بتاع المودل القديم
نفس الخامات المستخدمة ويمكن نفس المساحه لكن الفرق أن بص هتلاقي زرار فرامل الهاند بريك بقى مطعم كروم .... يعني مثلاً بتاع التويوتا يارس القديمة والله ثم والله لو أتنطط ما هيعرف يعمل زرار فرامل اليد بتاعتوا كروم كده وبتلمع + لاحظ كمان الخياطة بتاعت كنب العربية الخيط الدوبل الازرق الجميل والكرسي ذات نفسوا وانتا قاعد تحس انو حاضنك كده من وره ... ولازق فيك وبيقولك انا معاك يا معلم ..

https://scontent-a-lhr.xx.fbcdn.net/...22106682_n.jpg

بصفة عامة تابلوة تويوتا يارس تابلوة لزيبز وشيك وأدي نظرة عليه كمان
الكاسيت cd وفيه فتحت اسمها أيه دي بتاعت الام بي ثري واليو أس بي والحركات بتاعت اليومين دول .... مكان فتحات التكيف ممتاز وأديلو 10/10 لييييييييييه لأنو محطوط في مكان أستراتيجي قريب منك ويدي على قلبك شوية طراوة في عز الحررر من غير ما يضرك ... جميع الزراير والكاسيت وكلو كلو في متناول الايد ومحطوط في أماكن سهلت الحفظ والذاكرة لا تشغل العقل عن القيادة وتبقى سايق وحاسس ان العربيه كلها بتقلك انا كلي ليييييييييك سرعة العربية زي ما احنا شايفين 220 .

https://scontent-b-lhr.xx.fbcdn.net/...51915307_n.jpg

@@@@@@@@@@@@

الصالون الخلفي

نيجي بقة نفتح الباب ورى ونشوف الدنيا فيها أيه ورى

https://fbcdn-sphotos-f-a.akamaihd.n...36725278_n.jpg

بصو الباااااب عامل ازاي اللهم صلي على النبي
لكننننننننننن ... دلوقتي الباب كصاج ممتاز جداً وعارف تعرف العربية فخمه ولا لأ أزاي من قفلت ورنت الباب بتعها وهوا بيتفتح او يتقفل ... بيسيب أنطباع سلبي أو أيجابي للزبون وهو بس بيفتح الباب او بيقفلوا .... ويحس قد أيه العربية دي فخمه ولا عربية أي كلام .... لكن الماتريل بتاع الباب من جوة محتاج يكون أقوى من كده شوية زي الالماني يعني عارفين العربيات الألماني بتيجي تخبط على الفرش الداخلي تحس ان في جوا الباب أجهزة وحاجات وحلات وانو حته وحده لكن في تويوتا يارس بتحس برغم قوة الباب بس بتحس أنو واخد تلبيسة أو عليه حتت بلاستيك أسمها الفرش الداخلي بس طبعاً تقيمي ليها 7/10 .

لكن لا تنسى أن قزاز اليارس بالكامل عازل للحرارة ... وان ابواب يارس بالكامل عازلة للصوت بسم الله مشاء الله .

@@@@@


https://fbcdn-sphotos-d-a.akamaihd.n...00736542_n.jpg

نيجي بقه نغوص كمان شوية وندخل العربية ونشوف القعدة ورى أخبارها أيه .. هنلاقي ان الموديل الجديد بجميع المقايس أوووسع من الموديل القديم ومش بس كده ممكن تلاته طواااال يقعدوا ورى مرتاحين 170 او 180 وأذا أطول من كده شوية أحنا ممكن نفتحلهم الشنطة ونخليهم يمددوا رجليهم على كتف السواق أذا يحبو ههههههههههههه .

https://fbcdn-sphotos-d-a.akamaihd.n...00736542_n.jpg

طبعاً مسند النص ده بيبقى في الفئة الكاملة + كراسي خلفية قابلة للثني .

صورة أخرى تبين صدق كلامي وتبين المساحات الحقيقة بين الكراسي الامامية والخلفية وعلى فكرة انا كده مرجع الكرسي الامامي على الاخر أصل بحب أنيم كرسي السواق عادة أكتسبتها من أيام الكابريس الله يسامحها بقه .

https://scontent-a-lhr.xx.fbcdn.net/...78217840_n.jpg

بصفة عامة العربية واسعه وجميلة جميلة جميلة من جوى
وتبهرك وتخليك تقول واااااااااااااااو .... فعلاً واو ...

https://scontent-a-lhr.xx.fbcdn.net/...34355717_n.jpg

ولمسة الفخامة الداخلية والمساحات الداخليه المستغله فعلاً رائعه رائعه ... وخلو بالكم عمر ما تويوتا تهتم للشكل ولا الي بيشتري تويوتا بيهتم بالشكل... الي بيشتري تويوتا بيهتم بالجوهر وبيهتم بمنتج يعيش أما حتت الشكل والهمبكة والكلام ده سيبينوا للكوري والصيني ... والخامات الداخليه الفخمه سايبينو للفرنساوي والالماني ... والوسع سايبينو للامريكاني ... لكن في تويوتا يارس او جميع فئات تويوتا الأن بقت تجمع أفضل الاشياء وتقتنيها في عربياتها بحيث الي بيقتني تويوتا يارس يكون مرتاح بأذن الله .

@@@@@@@@@@@

وتقبلوا تحياتي
ومتنساش ربنا يكرمك في بتاعه كده تحت زي البصامة مكتوب عليها لايك دوس عليها قبل ما تطلع عقبال ما أنزلك باقي الصور .

تسلم ايدك على التقرير
الهايلاين عربية مختلفه تماما عن الفئه الاولى.
والسعر بتاع الفئتين عاليين قوي. انا مش هدفع اعلى من سعر العربيه عشان علامة تويوتا -_-

من اجمل التقارير فى المنتدى شكرا على مجهودك

Sent from my GT-S5282 using Forum Runner

معليش انا طولت عليكم انا عارف ... بس أحنا لازم نتناول العربية وندرسها دراسة مستفحلة ... مينفعش اننا نمر على عربية تويوتا كده مره الكرام ....

نيجي بقه نفتح الشنطة
نشوف فيها أيه !

https://scontent-b-lhr.xx.fbcdn.net/...b1&oe=53E1E2E0

بسم الله ... كحجم يعني مفيش فرق ملحوظ قوي عن الموديل القديم ... وهو بالزبط الشنطة دي تكفي لاسرة مكونه من اربع اشخاص مسافرين الساحل الشمالي مثلاً وكل واحد معاه شنطة هاند باااك حجم كبير .... او لو رايح تستقبل حد من المطار فهيا تتسع لشنطة كبيرة وحده وهاندباك وحدة وكيس مثلاً لو جايب حاجة معاه من السوق الحرة خرطوشة سجاير ولا حاجة واذا معاه لاب توب يخدو على حجروا بقه او ممكن نحشرهولوا جمب الشنطة .

طبعاً كالعادة التنجيد سقف الشنطة لا جديد

https://fbcdn-sphotos-f-a.akamaihd.n...20497724_n.jpg

لكن المفاجئة ومش في كل العربيات انك بتلاقي عجلت الاستيبن جنط خامس هدية
ودي نادر ما بتحصل او نقدر نقول في العربيات المحترمة فقطططط

https://fbcdn-sphotos-d-a.akamaihd.n...39054799_n.jpg

وعلى فكرة تحت سجادت الشنطة هتلاقي سيخ حديد ده الي بترفع بيه الكوريك الي هتلاقيه كالعادة تحت كرسي السواق محطوط بطريقة أحترافية ... وطبعاً جمب الاستيبن ورى هتلاقي شنطة صغيرة كده جلد فيها العدة .

طبعاً مقاس الجنط

185/60r15 ALLOY

ونوع الكويتش يوكوهاما

https://scontent-a-lhr.xx.fbcdn.net/...74753608_n.jpg

تـــــــابـــــــع
من فضلك أقلب الصفحة

بس قبل ما تقلب في برضو بتاعه كده على شكل بصمه مكتوب جمبها Like شايفها !!! ... دوس عليها كده شوفها شغاله عندك ولا لأ ... لحــــــــسن يكون الكمبيوتر معلق ولا حاجة :)

تقرير اكثر من رائع تسلم ايدك

واخيرا العدادات امام السائق ، السيارة كده تحفة

تسلم ايدك ع التقرير والمجهود ، اخبار السعر ايه ؟

البتاعة اللى جنب البصامة اللى هيا ليك اشتغلت معايا مرتين وعلقت فى التالتة .............
عايزة تتزيت :shine[1]::shine[1]:

هههههههههههههه

لاحول ولاقوة الا بالله

شقى عمرررررررررري ضااااع يارجالة شقى عمري ضااااع
قعدت بكتب تكملت الموضوع وقلت يالله كلوو مره وحده بقه وقعدت أكتب أكتب وأكتب وخلاص جي أدوس على أعتمد المشاركة لقيت الماوس مبيتحركش والكمبيوتر ما بيتنفسش والشاشة مغمى عليها والفانه ياعيني بترعش كده ... وشوية لقيت خير اللهم أجعلو خير الشاشة بقت سوووودة ... ياااااااااااااااااااااااا اااااااااااااه يااااااااااااااااااه ألله لايوريكم



عارفين كمية الاحباااااط لمن تشوف الشاشة سووودة
اللهم أني لا أسئلك رد القضاء ولكن أسئلك اللطف فيه لسه هكتب الموصفات تاني والاسعار تاني وانزل صور تاني يااااااااااااااااااااااه ياااااااااااااااااه يازمن
أأأأأأأأأأأأأأه يا مررتي ياني يمه ... لا وانا الي عمال أدعي وأقول يارب ما تقطع الكهربا قبل ما أبعت التقرير ... تيجي الكهربا متقطعش والكمبيوتر هو الي يعلق !!!!!!!!!

ياريت بقي اسعار قطع الغيار، لاني باسمع انها غالية جدا

اقتباس:

---

المشاركة الأصلية كتبت بواسطة mohamed.hany

تسلم يا كبير علي التقارير الوافية الشافية الدقيقة.
انت فصصت التابلوه كويس , مستنيين من حضرتك بقية العربية , ولا اييه ؟
تحياتي لشخصك الكريم

---

يارافع من روحي المعنوية يسلملي مرورك يا منسقنا يا غالي ... ياباشا كلو بتشجيعكم ودعمكم ليا :)

اقتباس:

---

المشاركة الأصلية كتبت بواسطة elawany13

تسلم ياغالى

---

حبيبي الي منورنا ومشرفنا دايمن وعلى طول أحمد باشا يسلملي مرورك يا غالي

اقتباس:

---

المشاركة الأصلية كتبت بواسطة mustafa_zain

ألف شكر على الموضوع ويا ريت يكمل ويبقى موسوعة لليارس...

ملحوظتي على اليارس إنك تركز أكتر على الفئة الأولى عشان هي اللي عليها طلب وسعرها مناسب مقارنة ب الهاي لاين...

مشكلت اليارس الجديدة معايا إنها نزلت بعد الكورولا عكس الخليج وده خلاني الصراحة أقفل من اليارس الهاي لاين أول لما شوفتها مقارنة بالكورولا بيزك خصوصا إن فرق السعر مش كتير قوي.

---

في دي معاك حق ياباشا ... بس هما بيلعبوا على حتت البانزين أن الي عاوز 1600 سي سي ياخود الكورولا والي عاوز 1300 يديها يارس في ناس بقى هاجس البانزين عندهاااا شيء مرعب وبيني وبينك كل المؤشرات الاقتصادية بتدل على كده مستحيل مصررررر تفضل تدعم البانزين مستحيييييييييييييييل وبالذات مع التكاتيك والموتسيكلات الصيني الي كتروا قوي وعمالين ياكلو في الاحتياطي الاستراتيجي للبلد من النفط ... لازم يوصل لتر البانزين ل 10 جنية في يوم من الايام او على الاقل تلاقي اللتر بدولار يعني 7.5 جنية ... لذلك الاتجاه العام انهم ياخدو عربيات مواتيرها صغيرة بس تكون قوية وفخمة وهنا تيجي دور اليارس ... يعني حتى بتوع الكورولا في يوم من الايام هيعانوا ... لذلك يارس هيا الاختيار الانسب للايام الي جيه

اقتباس:

---

المشاركة الأصلية كتبت بواسطة mahmoud_afifi

تسلم ايدك على التقرير
الهايلاين عربية مختلفه تماما عن الفئه الاولى.
والسعر بتاع الفئتين عاليين قوي. انا مش هدفع اعلى من سعر العربيه عشان علامة تويوتا -_-

---

محمد باشااااا منور الموضوع يا غالي
وياباشا الموضوع صدقني نسبي وسعرها مش غالي ولا حاجة ... يعني هيا بتبقى نسبة وتناسب مع الكوري ومع سعر صرف الدولار ... يعني الهاي لاين مثلاً ب 165000 وهيا بتبتدي من 132 مثلاً
ومن زمان سعر اليارس مقارب لسعر هونداي ألينترااا ... حتى كنا زمان بنقول ايه الي عاوز حاجة كبيرة واسعه ياخود ألينتراااا بس يعمل حسابو على 75 جنية في كل تفويل وكل مشوار ... والي عاوز عربية يباني وحلوة يجيب اليارس ... فشوف النهردة سعر الينترا عامل كام ياباشا ومفهاش الف باء الامان لا امبوليزر وهم يحزنون .... وتحياتي

اقتباس:

---

المشاركة الأصلية كتبت بواسطة amgomaa

من اجمل التقارير فى المنتدى شكرا على مجهودك

ربنا يخليك ياباشا
كلمتينك دول شهاده غاليه على قلبي اعتز بيهم واشيلهم نيشان على قلبي

sent from my gt-s5282 using forum runner

---

اقتباس:

---

المشاركة الأصلية كتبت بواسطة j a g u a r

تقرير اكثر من رائع تسلم ايدك

---

جاكور باشاااا تسلم يا غالي
ويسلممللي مرورك يا غالي

اقتباس:

---

المشاركة الأصلية كتبت بواسطة د.محمود صلاح

واخيرا العدادات امام السائق ، السيارة كده تحفة

تسلم ايدك ع التقرير والمجهود ، اخبار السعر ايه ؟

---

دكتور محمود باشا ربنا يخليك لينا يا دكتور
يارافع من روحنا المعنوية ... وتحياتي

اقتباس:

---

المشاركة الأصلية كتبت بواسطة zarif

البتاعة اللى جنب البصامة اللى هيا ليك اشتغلت معايا مرتين وعلقت فى التالتة .............
عايزة تتزيت :shine[1]::shine[1]:

---

ههههههههههههههه
حبيبي حبيبي حبيبي يا ظريف باشا
... ياباشا كفاية بصمتين منك دي عندي بالدنيا كلهاااا ... يسلمللي مرورك يا غالي .

اقتباس:

---

المشاركة الأصلية كتبت بواسطة bayoumisoft

ياريت بقي اسعار قطع الغيار، لاني باسمع انها غالية جدا

---

من عنيااااااااا
أنشاء الله قريب هنزل أجبلكم عرض أسعار لقطع الغيار .
بس هو يا جماعه المشكلة ان حتت أسعار قطع الغيار بتبقى نسبية ... يعني الموديل القديم لغايت دلوقتي تمن الباب بتاعو 3000 جنيةوفاضي كمان ... فما بالكم الجديد هيبقى بكام ... بس تعالوا مثلاً شوفوا باب الانسر الشارك من التوكيل عامل كام شوفوا الهوندا سيتي كمان بابهها عامل كام شوف هونداي الينترا الباب الكوري عمرك ما هتلاقيه أقل من 4000 او 6000 جنية .... فأنشاء الله هتلاقي قطع غيار صيني او تيواني او حتى تركي بأسعار حنينة .... فاهمني ... وتحياتي .

تقرير رائع
العزل بتاعها عامل ايه ؟

اقتباس:

---

المشاركة الأصلية كتبت بواسطة Y a r i s

ههههههههههههههه
حبيبي حبيبي حبيبي يا ظريف باشا
... ياباشا كفاية بصمتين منك دي عندي بالدنيا كلهاااا ... يسلمللي مرورك يا غالي .

من عنيااااااااا
أنشاء الله قريب هنزل أجبلكم عرض أسعار لقطع الغيار .
بس هو يا جماعه المشكلة ان حتت أسعار قطع الغيار بتبقى نسبية ... يعني الموديل القديم لغايت دلوقتي تمن الباب بتاعو 3000 جنيةوفاضي كمان ... فما بالكم الجديد هيبقى بكام ... بس تعالوا مثلاً شوفوا باب الانسر الشارك من التوكيل عامل كام شوفوا الهوندا سيتي كمان بابهها عامل كام شوف هونداي الينترا الباب الكوري عمرك ما هتلاقيه أقل من 4000 او 6000 جنية .... فأنشاء الله هتلاقي قطع غيار صيني او تيواني او حتى تركي بأسعار حنينة .... فاهمني ... وتحياتي .

---

بعد ما حجزت الياريس ، ناس كتير بتقولي ومالها الريو عربية فخمة وقطع غيارها ارخص بكتير من الياريس

وخصوصا ان كيا نزلت فئة فيها ايرباجز و abs في حدود ١٣٦ الف تقريبا،
لان الاول الهاي لاين بس اللي نازل فية abs وايرباجز وكان ب ١٥٠ الف للهاتش باك و ١٤٨ الف للسيدان

اقتباس:

---

المشاركة الأصلية كتبت بواسطة y a r i s

هههههههههههههه

لاحول ولاقوة الا بالله

شقى عمرررررررررري ضااااع يارجالة شقى عمري ضااااع
قعدت بكتب تكملت الموضوع وقلت يالله كلوو مره وحده بقه وقعدت أكتب أكتب وأكتب وخلاص جي أدوس على أعتمد المشاركة لقيت الماوس مبيتحركش والكمبيوتر ما بيتنفسش والشاشة مغمى عليها والفانه ياعيني بترعش كده ... وشوية لقيت خير اللهم أجعلو خير الشاشة بقت سوووودة ... ياااااااااااااااااااااااا اااااااااااااه يااااااااااااااااااه ألله لايوريكم



عارفين كمية الاحباااااط لمن تشوف الشاشة سووودة
اللهم أني لا أسئلك رد القضاء ولكن أسئلك اللطف فيه لسه هكتب الموصفات تاني والاسعار تاني وانزل صور تاني يااااااااااااااااااااااه ياااااااااااااااااه يازمن
أأأأأأأأأأأأأأه يا مررتي ياني يمه ... لا وانا الي عمال أدعي وأقول يارب ما تقطع الكهربا قبل ما أبعت التقرير ... تيجي الكهربا متقطعش والكمبيوتر هو الي يعلق !!!!!!!!!

---

ههههههههههههههههههههههه معلش مكتوبلك تتعب زياده في الموضوع :d

اقتباس:

---

المشاركة الأصلية كتبت بواسطة y a r i s

محمد باشااااا منور الموضوع يا غالي
وياباشا الموضوع صدقني نسبي وسعرها مش غالي ولا حاجة ... يعني هيا بتبقى نسبة وتناسب مع الكوري ومع سعر صرف الدولار ... يعني الهاي لاين مثلاً ب 165000 وهيا بتبتدي من 132 مثلاً
ومن زمان سعر اليارس مقارب لسعر هونداي ألينترااا ... حتى كنا زمان بنقول ايه الي عاوز حاجة كبيرة واسعه ياخود ألينتراااا بس يعمل حسابو على 75 جنية في كل تفويل وكل مشوار ... والي عاوز عربية يباني وحلوة يجيب اليارس ... فشوف النهردة سعر الينترا عامل كام ياباشا ومفهاش الف باء الامان لا امبوليزر وهم يحزنون .... وتحياتي

---

ده نورك يا كبير وفعلا موضوع باين انه متعوب فيه

بالنسبه للاسعر هي فعلا نسبيه وكلامك صح كان سعر الياريس مقارب لسعر الالنترا . بس سعر الياريس الهايلاين هو الي كان مقارب لسعر الالنترا اول فئه اوتو. الاتنين كانوا في وقت من الاوقات سعرهم 103 في المعارض.
يعني دلوقتي لو بصينا بنفس المقياس هنلاقي ان الياريس الهايلاين المفروض يبقى سعرها نفس سعر اول فئه اوتو من الالنترا الي هو تقريبا 150. يعني العربيه مسعره اكتر من سعرها ب10 الاف لحلوح :d
المفروض كمان عشان في منافس قوي اللي هو ال301 يبقى لازم تويوتا ايجبت تقلل الاسعار عشان تعرف تنافس.

تقرير ولا أروع .. تسلم أيدك يا فندم
تحياتي

عايزين تقرير زى دة يا برنس عن الجراند شيروكى الجديدة اللى مجمعة فى مصر

تقرير رائع جدا يجد وكنا مفتقدينه في القسم جدا... تسلم إيدك وإلى المزيد من العطاء...

تقرير محترم جدا جدا..... تحياتي

اقتباس:

---

المشاركة الأصلية كتبت بواسطة bayoumisoft

بعد ما حجزت الياريس ، ناس كتير بتقولي ومالها الريو عربية فخمة وقطع غيارها ارخص بكتير من الياريس

وخصوصا ان كيا نزلت فئة فيها ايرباجز و abs في حدود ١٣٦ الف تقريبا،
لان الاول الهاي لاين بس اللي نازل فية abs وايرباجز وكان ب ١٥٠ الف للهاتش باك و ١٤٨ الف للسيدان

---

أن كان موضوع شكل فمتعملش زي الشباب الي تجيلهم عروسة قمررر قمرر بس مش حاطة حاجة على وشها ومش مزبطه نفسها وتيجي ترفضها مع أن مع شوية قلم روج وكحله وقزاز منيكر وصابونة بريحة التفاح واتفرج على العروسة دي تبقى عاملة أزاي ... أنتا يا عزيزي بتشوف اليارس من بره زي العروسة الي واثقه من نفسها ومش حاطة حاجة على وشها بس تعاله أتفرج على اليارس وهيا طالعه من عند الكوافير بتبقى عاملة أزاي

http://www.motorsportchannel.com/wp-...ze-600x401.jpg

https://scontent-b-cdg.xx.fbcdn.net/...72386695_n.jpg

https://scontent-b-cdg.xx.fbcdn.net/...62418159_n.jpg

دي نقطة ... النقطة التانــــــــــــــــيـة
شركة كيا أو هونداي أو حتى شوفرلية الكورية ... هيا كلها شركات معموله كبديل للي نفسوا يركب عربية بمفهوم عصري فبيشتري عربية كوري أهو يفرح شوية من نفسوو ... وبيفرح سنة سنتين تلاته ولو بيحافظ عليها بتقعد معاه شوية لكن في النهاية المنتجات الكورية غير مصنفه كمنتجات معمرة ..

ومدام الاسعار متقاربه ... انا ليه أروح أشتري فيديو أو كاسيت كوري وعندي الياباني موجود قدامي وبنفس السعر ... يعني أنتا مثلاً لمن بتروح تشتري موبايل نوكيااا مش الافضليه بالنسبه لك الفيرلاندي ... مع ان ده نوكيا وده نوكيا بس تقول لأ أجيب التاني علشان يعيش معايا . فالكوري مش بطال بالعكس ممتاز بس لو تقدر تجيب عربية ياباني أو ألماني صغيرة أحسن مليون مره من كوري أو صيني أو حتى فرنساوي كبيرة ... ولا يمكن تقارن عربية كوري بياباني ... أهو أنتا كده كأنك بتقارن دكتور وأستاذ جامعة بمدرس أبتدائي ... انا عارف أن ده مدرس وده مدرس ... وده بيقول ألوو والتاني بيقول برضو ألووو ... بس هناك فرق سيدي الرئيس ولا أيه ! ... وتحياتي

تــــسلم ايدك ّ

الياريس انا باحبها جدا من زمان لانها كانت عربية شغلى و كانت جميله اداء ووسع داخلى علشان انا طويل (188 سم ) و تكييف مصيبه و استهلاك بنزين اعجاز بس دى كانت اليابانى و كان عيبها الوحيد ما فيش ثبات على الطرق السريعه يعنى اخرك 120 سرعه و بتجازف كمان و فراملها مش قوى بتزحف , هيه عربيه داخل المدينه ممتازه (city car ) بس الجديده 2014 فعلا سعرها مغالى فيه و ما تقللش من شأن البيجو 301 المنافس القوى لها لانها عربيه شغاله كويس و اسعارها كويسه لفئتها و يكفى انها تقفيل اسبانى مش تايلاندى , علشان كده انتشار الياريس سىء حتى الان مش عارف هل ده من توكيلها هنا اللى بيلعب على السمعه التاريخيه للماركه و لا من تسعير الشركه الام نفسها ؟ النقطه التانيه اللى انت زكرتها انه ممكن الاستعاضه عن شرى فئات اعلى من ماركات تانيه بها و ده مش صحيح , معنى كلامك انه ممكن استعوض بها عن فئة الكورولا اللى 178 او الفلوينس او الاسترا او القاشقاى اللى 175 و ده مش حقيقى لان الياريس هيه اللى مبالغ فى سعرها المفروض الهاى لاين ما يزيدش عن 155 باى حال , لكن بالسعر ده التوكيل بيقتل الياريس و مش هاتنتشر

بتجيب من صفر الي ٢٠٠ في كام ثانيه

جزاك الله خيرا
سيارة جميلة فعلا

راااااااااااااااااااااااا ائع

شكراً جزيلاً بارك الله فيك