لأهل الخبرة ... مشكلة كبيرة مع صنى الشكل القديم 2013

بسم الله الرحمن الرحيم

استلمت العربية شهر 8 2013 وعملتلها صيانة الالف فى توكيل الكرنك بالاقصر وبعد 3 شهور بالتمام والكمال ظهرت مشكلة اثناء تشغيل السيارة وهى عدم ظهور لمبة شيك الموتور الصفراء احيانا وسماع صوت زنة من الكبوت وساعتها لا تدور السيارة اطلاقا ، افصل البطارية وانتظر ساعتين تلاتة واحيانا يوم كامل واكرر المحاولة اكثر من مرة حتى تضئ لمبة التشيك وتعمل السيارة
المهم رحت توكيل الكرنك تانى محصلتش الحركة دى عندهم وقالولى كله بقى تمام وبعد يومين ظهرت نفس المشكلة تانى ، رحتلهم للمرة التالتة عملت معاهم مشكلة اخدوا العربية بيتوها عندهم وظهرت المشكلة قالولى خلاص هنبقى نتصل بحضرتك فضلت العربية عندهم اكثر من شهر لان للاسف طلع معندهمش جهاز كشف اعطال اساسا واتصلوا بيا قالولى غيرلانك حساس الاكسجين والكنترول وكله تمام جربت العربية واخدتها ومشيت مكملتش اسبوع ورجعت المشكلة
اتصلت بقسم الشكاوى وبلغتهم مردوش عليا اخدتها توكيل الاتحاد الوطنى فى طنطا مع واحد صاحبى من هناك لانى سمعت انه توكيل محترم شوية ، برضه باتت العربية عندهم وتانى يوم اتصلوا بيا قالولى المشكلة برضه فى الكنترول لانه مش بيقرا حساس الاكسجين احيانا وساعتها بتظهر ايرور لمبة الشيك والموتور ما بيدورش وقالولى المشكلة ان الكنترول اللى غيروه فى توكيل الاقصر الاصدار بتاعه قديم عشان كدا مبيقراش حساس الاكسجين ، طيب اوكى غيروه قالولى نغيره بس هيكلفك 5500 جنية ، يا جدعان العربية فى الضمان قالولى خلاص لو عايز تغيره فى الضمان يبقى فى الفرع اللى غيرلك الكنترول اللى هو فرع الاقصر
القكرة دلوقتى انى مبقتش واثق فى فرع الاقصر ولا فى شركة نيسان نفسها وحاسس انهم بينصبوا عليا
العربية لسة جديدة وبقالها اكتر من 4 شهور بايظة ، مفروض اعمل اييييه ؟

انا معلوماتى عن الصنى القديمة ان مفيهاش حساس اكسجين اصلا :d
ده غير ان اصلا لو فيها ، مش هو اللى يخلى العربية ما تدورش
اللى يخلى العربية ما تدورش حساس الكرنك ، الكامة ، الكنترول نفسه ، انما الاكسجين تدور عادى بس تاكل بنزين زيادة وبس

اقتباس:

---

المشاركة الأصلية كتبت بواسطة amrelsaqqa

انا معلوماتى عن الصنى القديمة ان مفيهاش حساس اكسجين اصلا :d
ده غير ان اصلا لو فيها ، مش هو اللى يخلى العربية ما تدورش
اللى يخلى العربية ما تدورش حساس الكرنك ، الكامة ، الكنترول نفسه ، انما الاكسجين تدور عادى بس تاكل بنزين زيادة وبس

---

موديل 2013 اول موديل ينزل فيه حساس الاكسجين حسب ما قالولى فى التوكيل غير كدا المشكلة مش فى حساس الاكسجين يا باشا المشكلة فى الكنترول اللى مش بيقراه فبيجيب الايرور اللى قلت عليها والعربية مدورش

اسؤ شيئ في مصر للاسف مستوي مهندسين و فنيين السيارات ممكن تكون المشكلة بسيطه لكن تحليلها خطا الفني المصري فهلوه بدون علم و للاسف الشديد ايضا مهندسين كتير كده ربنا يعينك

انا عندي حساس اكسجين في موديل 2011 بس انت روح التوكيل و قلهم لو المشكله متحلتيش انا هروح لجهاز حمايه المستهلك و هما اساسا مستويين على الاخر روح التوكيل و هات من الاخر ربنا معاك انت خلاص سخنت اتكل على الله

عليك وعلى اوتو ايجبت في ابو رواش هو الي هيحللك المشكلة وسيبك من مراكز الخدمة التعبانه دي..

اقتباس:

---

المشاركة الأصلية كتبت بواسطة ahmed452003

عليك وعلى اوتو ايجبت في ابو رواش هو الي هيحللك المشكلة وسيبك من مراكز الخدمة التعبانه دي..

---

المشكلة ان العربية مش راضية تدور خالص ، شكلها هترسى على ونش

بص يا باشا ده حقك انت عربيتك فى الضمان يعنى اى عيب فنى فى العربيه بيتصلح ببلاش فى التوكيل انا رايى انك تكلم الشركه نفسها اللى هى نيسان ايجيبت اللى فى 6 اكتوبر وتقولهم المشكله بتاعتك واذا قالولك روح اى مركز صيانه معتمد عندهم علشان يحللك المشكله روح اتو ايجبت ابو رواش ده مركز صيانه كويس جدا باجماع كل الاعضاء اللى اتعاملوا معاه وعلى فكره المشكله دى لو اتحلت مش من المفروض انك تدفع مليم علشان هى فى الضمان وممكن تهددهم بانك هتراسل الشركه الام وده بعد ما تاخد التقرير اللى يفيد ان العربيه فيها عيب كذا وكذا مع اثبات ان العربيه لسه فى الضمان وكمان تقول لهم انك هتعمل شكوى فى جهاز حماية المستهلك علشان ده كده نصب ومتنساش تقول لهم انك عضو فى منتدى نايل موتورز علشا يهتموا وربنا معاك

اقتباس:

---

المشاركة الأصلية كتبت بواسطة aboomar77

بص يا باشا ده حقك انت عربيتك فى الضمان يعنى اى عيب فنى فى العربيه بيتصلح ببلاش فى التوكيل انا رايى انك تكلم الشركه نفسها اللى هى نيسان ايجيبت اللى فى 6 اكتوبر وتقولهم المشكله بتاعتك واذا قالولك روح اى مركز صيانه معتمد عندهم علشان يحللك المشكله روح اتو ايجبت ابو رواش ده مركز صيانه كويس جدا باجماع كل الاعضاء اللى اتعاملوا معاه وعلى فكره المشكله دى لو اتحلت مش من المفروض انك تدفع مليم علشان هى فى الضمان وممكن تهددهم بانك هتراسل الشركه الام وده بعد ما تاخد التقرير اللى يفيد ان العربيه فيها عيب كذا وكذا مع اثبات ان العربيه لسه فى الضمان وكمان تقول لهم انك هتعمل شكوى فى جهاز حماية المستهلك علشان ده كده نصب ومتنساش تقول لهم انك عضو فى منتدى نايل موتورز علشا يهتموا وربنا معاك

---

بدأت بالفعل يا باشا فى الكلام دا ومستنى رد الشركة بس على الله يهتموا

اقتباس:

---

المشاركة الأصلية كتبت بواسطة hakoool

بسم الله الرحمن الرحيم

استلمت العربية شهر 8 2013 وعملتلها صيانة الالف فى توكيل الكرنك بالاقصر وبعد 3 شهور بالتمام والكمال ظهرت مشكلة اثناء تشغيل السيارة وهى عدم ظهور لمبة شيك الموتور الصفراء احيانا وسماع صوت زنة من الكبوت وساعتها لا تدور السيارة اطلاقا ، افصل البطارية وانتظر ساعتين تلاتة واحيانا يوم كامل واكرر المحاولة اكثر من مرة حتى تضئ لمبة التشيك وتعمل السيارة
المهم رحت توكيل الكرنك تانى محصلتش الحركة دى عندهم وقالولى كله بقى تمام وبعد يومين ظهرت نفس المشكلة تانى ، رحتلهم للمرة التالتة عملت معاهم مشكلة اخدوا العربية بيتوها عندهم وظهرت المشكلة قالولى خلاص هنبقى نتصل بحضرتك فضلت العربية عندهم اكثر من شهر لان للاسف طلع معندهمش جهاز كشف اعطال اساسا واتصلوا بيا قالولى غيرلانك حساس الاكسجين والكنترول وكله تمام جربت العربية واخدتها ومشيت مكملتش اسبوع ورجعت المشكلة
اتصلت بقسم الشكاوى وبلغتهم مردوش عليا اخدتها توكيل الاتحاد الوطنى فى طنطا مع واحد صاحبى من هناك لانى سمعت انه توكيل محترم شوية ، برضه باتت العربية عندهم وتانى يوم اتصلوا بيا قالولى المشكلة برضه فى الكنترول لانه مش بيقرا حساس الاكسجين احيانا وساعتها بتظهر ايرور لمبة الشيك والموتور ما بيدورش وقالولى المشكلة ان الكنترول اللى غيروه فى توكيل الاقصر الاصدار بتاعه قديم عشان كدا مبيقراش حساس الاكسجين ، طيب اوكى غيروه قالولى نغيره بس هيكلفك 5500 جنية ، يا جدعان العربية فى الضمان قالولى خلاص لو عايز تغيره فى الضمان يبقى فى الفرع اللى غيرلك الكنترول اللى هو فرع الاقصر
القكرة دلوقتى انى مبقتش واثق فى فرع الاقصر ولا فى شركة نيسان نفسها وحاسس انهم بينصبوا عليا
العربية لسة جديدة وبقالها اكتر من 4 شهور بايظة ، مفروض اعمل اييييه ؟

---

معايا نفس العربية وظهر فى اول ثلاثة شهور تسريب فريون وأتظبط فى توكيل أسيوط. من خبرتى مع التوكيلات الزيون اللى قدامهم عبارة عن ورق فلوس . يطلعوا منة على قد ما ربنا يقدرهم . أتمسك بحقك يا أفندم ومن غير ما تدفع مليم . أنت لسة ضمان . لأن فى مشكلتى قالولى حتحاسب على الفريون . وفجأة لقيوا بنى أدم تانى خالص واقف قدامهم . والمدير نفسة كان كل شوية يطلع يطمنى ويقولى عامل حسابك فى جاكت تقيل علشان برد التكييف.:36_2_33:
وربنا معاك وتخلص من العكننة دى

اقتباس:

---

المشاركة الأصلية كتبت بواسطة hakoool

بدأت بالفعل يا باشا فى الكلام دا ومستنى رد الشركة بس على الله يهتموا

---

ايه الاخبار طمننا ايه اللى حصل معاك.

اقتباس:

---

المشاركة الأصلية كتبت بواسطة ehab_hamed

ايه الاخبار طمننا ايه اللى حصل معاك.

---

عملت شكوى فى نيسان ايجيبت وبعتوا ايميل على توكيل الاتحاد الوطنى فى طنطا انه يتم اصلاح السيارة داخل الضمان ... حاليا العربية عندهم يا باشا بس لسة منتظرين الكنترول ، طالبينه من اكتر من شهر ومجاش وحاليا بتابع فى الشكوى وشكلها هترسى على حماية المستهلك عشان ينجزوا

متابع

اقتباس:

---

المشاركة الأصلية كتبت بواسطة islamabady1980

متابع

---

العربية فى توكيل طنطا من اكتر من شهر ولسة الكنترول ماجاش ، انا حالى واقف

بص انت مشيت خطوة حماية المسنهلك ودى تمام، فيه ايه تاني بقى:
1. نيسان الأم و ميدل إيست
2. كلم الوطنبة دي اللي في طنطا وقوله انك هاترجع تعمل الصيانة وتدفع ال 5500 وسب والعن في التوكيل بتاع الأقصر واطلب منه يبعتلك فاكس أو إيميل بتقرير بعدم توافق الكنترول المثبت حاليا من شركةالأقصر مع السيارة.
3. اقفش التقرير دا بقى ونفض تماما لطنطا واطلع ضيفه على شكوتك في حماية المستهلك وشوفلك محامي صغير يقوم بيه محضر غش تجاري باسم الشركة بتاعة الأقصر.
4. كلم نيسان تاني وعرفهم إنك هاراسل نيسان الشرق الأوسط وتطلب سحب توكيل الأقصر
5. لما نيسان مصر تكلمك اطلب منهم ترحيل العربية على ل AutoEgypt في الجيزة وإتمام الصيانة هناك وتحمل تكاليف النقل

ربنا معاك