كان جالي دور برد
وانتهي بكحة
البرد راح والكحة مش عاوزة تروح
الدكتور كتبلي مضاد حيوي ودواء شرب طارد للبلغم واقراص سليجون
وقالي ده حساسة في القصبة الهوائية
خدت الدواء والكحة راحت
ماعدا اثناء النوم بيجيلي ساعات نوبات سعال مفاجئ وشديد
وشكرا مقدما
عرض للطباعة
كان جالي دور برد
وانتهي بكحة
البرد راح والكحة مش عاوزة تروح
الدكتور كتبلي مضاد حيوي ودواء شرب طارد للبلغم واقراص سليجون
وقالي ده حساسة في القصبة الهوائية
خدت الدواء والكحة راحت
ماعدا اثناء النوم بيجيلي ساعات نوبات سعال مفاجئ وشديد
وشكرا مقدما
ألف سلامة عليك يا حاج
نفس الدور باعانى منه حاليا وبقاله 37 يوم النهارده والكحة برضه مش عاوزة تروح ده بالإضافة إلى إحتقان الأنف (بدون رشح) المستمر .
آخر ما زهقت من الأدوية والحقن (2 دكتور أنف وأذن + 2 دكتور باطنة) وقفت كل الدوا وعايش على الاعشاب الدافية .
الحمد لله
الف سلامه عليكم بس لازم تاخد كورس الدواء كامل يا جماعه يعنى على الأقل اسبوع متواصل ان ما كانش 10 أيام
كنت اخذت دواء كحة ممتاز اسمو توبلكسيل ثمنه حوالى 4 جنية
المضاد الحيوي العلبة كانت 3 اقراص والدكتور قالي ما اكررهاش
وكملت فعلا الدوا الباقي
مفيش اي اعراض ماعدا السعال وانا نايم فقط
ومش علطول بيبقي نوبة سعال شديد لعدة ثواني وتروح
وتتكرر اثناء النوم اكتر من مرة
انا عندى نفس الحكايه و بعد البرد فعلا الكحه بتطول اوى
عن تجربه اشرب حاجات دافيه كتيير زى سيكم يتاع الكحه او تيليو او ورق جوافه + قبل النوم ينسون(مغلى مش الباكتس) بيفرق معايا جدا
طيب أنا حاقول لكم على حاجة حلوة جدا
فيه زجاجة صغيرة بتتباع فى الصيدليات إسمها (فابوزول) الدكتور كان كاتب لى عليها سعرها 5.5 جنيه وهى عبارة عن زيوت عطرية طيارة لها رائحة جميلة زى النعناع والكافور وكده .
طريقة الإستعمال : إغلى شوية مياه لمدة طويلة علشان تدى بخار وبعدين صبهم فى أى حاجة بلاستيك وحط عليهم ملء غطا الإزازة حتلاقى البخار طالع بكثافة ساعتها غطى راسك مع الطبق البلاستيك بفوطة مثلا وقرب وشك واستنشق البخار ده من الفم وإستمر فى الإستنشاق وحتدعى لى وأنا مجربها ومفيدة جدا وكلها مواد طبيعية غير ضارة .